TITUS
Physiologus: Wiener Prosa
Part No. 2
Previous part

Chapter: 2   Link to Physiol1 Link to Physiol3 Link to Physiold Link to Physioll
Item: 131v 
Paragraph: 1     Darnach ist ein tier heizit Panthera mit misslicher varwe. iz ist sconer varwe unt vil mamendi. Man lisit von deme selben tiere, daz iz viant si den Trachin.
Paragraph: 2     
So daz selbe tier sich gisatet von den manichfaltin tieren, dei iz vahit, so legit iz sich in sin hol unt slafit dri tage. so stat iz denne uf unt rohot vile starche. von deme chumit solich stanch, daz nieht im gilichis suozzi nist.
Paragraph: 3     
So danne diu tier, die dar umbi sint, gihorint sine stimme, so saminint si sich durch die suozzi des stanchis unte volgint deme tiere, swar iz ferit.
Paragraph: 4     
Der Trache, so er sine stimme gihorit, so birgit er sich in sinme loche, daz er nimegi firnemin die suozzin stimmi, die dei anderen Item: 132r  so minnent, so ligit er, also er tot si.
Paragraph: 5     
Same tet der heiligi Christ, der warhaft Panthera ist. duo er gisach daz menniskin chunni mit tiefelen biswichiniz, duo fuor er fone himile mit deme suozin stanchi siner fleischafti unt irlost unsich von deme tiefale. von diu volgin wir deme lambe, swar iz verit, also sprichit der vorsage: "Ich pin gitan Panthera deine hiwiski Effraim unt deme hiwiske Juda."
Paragraph: 6     
Damit bezeichinot er, duo Effraim dienote den abgoteren. daz buozte got, alser ist.
Paragraph: 7     
Mit misslichem wistuome scinet got, want er ist guot unte fruot, einvalt, mitwari, gnadig, vesti unt statig.
Paragraph: 8     
So chut David, daz er si vrambari in siner scone vor anderen chinden dere manne.
Paragraph: 9     
Daz iz ist mammindi, daz Item: 132v  bizeichinit den heiligen Christ, daz er was mitewari, duo in die Juden martiroten.
Paragraph: 10     
Ime was daz allez suozzi, daz sime taten. dar nach fuor er ze helle unte beroubete si mit alle unde bant den tiefal.
Paragraph: 11     
Daz iz des dritten tages selbe von dem slafe erwachet unde so suozzen stanch uz lazzet, daz bezeichenot ave got. want er wachote also der mahtigo, der von deme wine trunchen ist unde rief sus: "Gehabet iuch wole, mine holden, want ich uberwant die werlt. ich wone mit iu unze an daz ente der werlte."
Paragraph: 12     
Waz ist suozzere oder erlichere dem stanche unseres trehtines, des haltenten Christes.
Paragraph: 13     
Die ime bi sint durch geloube unt durch rehtiu werche, unt die ime verre sint durch ire brode, so si horent sine stimme, Item: 133r  so werdent si ervullet unde gelabet mit dem suozzen stanche gotes geboto.
Paragraph: 14     
Wir sculen in suochen jouch volgen unt sculen ruofen, also der vorsage chut David: "Trehtin diniu wort diu sint suozzere in minem munde danne daz honich unt der flade."
Paragraph: 15     
Ouch ist gescriben in den buochen, die der heizzent cantica canticorum: "Nach deme stanche diner geselbe so loufen wir, want die jungen minnoten dich vile harte." unt danach ist gescriben: "Min chunig leite mich in sine echamere. nu menden und wesen fro mit ime."
Paragraph: 16     
Nu gezimet unsich, wir der mit der heiligen toufe gejunget unt erniuweti pirn, ze louffenne nach dem stanche unt nach dem geselbe siner gibote, daz er uns leite in sine phalinze in die himiliskin Item: 133v  Jerusalem unt wir da sin mendenti.


Paragraph: V1     
sc. uarawe W.
Paragraph: V5     
Ich: mit Initiale W.; nach effraim unt nehmen Lauchert und Wilhelm eine Lücke an unter Verweis auf Dicta Chrysostomi "Factus sum panthera huic Effraim, et sicut leo domui Judae"
Paragraph: V6     
bezechi-\not W.; daz buozte got alser ist "sinnlos" Lauchert
Paragraph: V11     
îuv W.
Paragraph: V13     
rethiu (!)W.
Paragraph: V14     
Trehtin: mit Initiale W.
Paragraph: V15     
Nach: mit Großbuchstabe, nicht Initiale W.; geselbe: b aus 1 korr. W. Min: mit Initiale W.
Paragraph: V16     
himiliskin (!) W.;
Paragraph: V16     
unter 16 Raum für ein Bild W.






Next part



This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.