TITUS Texts: Sinai Polycephalion

TITUS
Sinai Polycephalion
Part No. 30

Previous part

Text: 30
Page of edition: 177
Line of edition: 1   თქუმული იოვანე მთავარეპისკოპოსისაჲ

Line of edition: 2   ახალკჳრიაკისათჳს

Line of edition: 3        დღჱ კჳრიაკჱ დღჱ ნათლისაჲ არს. დღესა ნათლისასა ვიტყოდით ნათლისათჳს,
Line of edition: 4     რამეთუ ყოველნივე ბუნე[ბანი]¹^* Page of ms.: 169r მსგავსებასა ნათლისასა ჭეშმარიტად
Line of edition: 5     ქადაგებენ; იგი რომელ გამობრწყინდა ბნელისაგან ნათელი და
Line of edition: 6     განანათლნა²^* იგინი და ჯოჯოხეთი დააცუდა.
Line of edition: 7        ვითარცა მოსლვაჲ ნათლისაჲ განმაძებელ არს ბნელისა და დამაბრკოლებელ³^*
Line of edition: 8     არს ჴელმწიფებისა მისისა, ეგრეცა მოსლვაჲ უფლისა ჩუენისაჲ განმაძებელ
Line of edition: 9     იქმნა საცთურისა და დამაბრკოლებელ³^* ჴელმწიფებისა მისისა. რამეთუ
Line of edition: 10     ნათელი რომელ გამობრწყინდა დასაბამსა, განაძო ბნელი იგი, რომელი
Line of edition: 11     დგა ზედა უფსკრულთა და უფალი ჩუენი გამობრწყინდა აღსასრულსა სოფლისასა
Line of edition: 12     და აჴოცა ბნელი იგი უფსკრულისაჲ, _ ესე თჳთ არს ჴელმწიფებაჲ
Line of edition: 13     იგი ეშმაკისაჲ.
Line of edition: 14        და ვითარცა მივიდა ნათლის-ღებად და აღესრულნეს მას ზედა ზრახვანი
Line of edition: 15     იგი, და რაჟამს ნათელ-იღო იორდანესა მდინარესა, ნათელი დიდძალი
Line of edition: 16     გამობრწყინდა მის ზედა და ეწამებოდა სულიცა იგი გარდამოსლვითა თჳსითა,
Line of edition: 17     ვითარმედ: ეგე არს ძჱ ღმრთისაჲ⁽¹⁾^*. ვითარცა წერილ არს: დასაბამსავე
Line of edition: 18     ნათლითა დაებადნეს საუკუნენი და განცხოველდეს ყოველნივე დაბადებულნი.
Line of edition: 19     ჴელითა უფლისა ჩუენისაჲთა განცხოველდა სოფელი და აღემართნეს ყოველნი
Line of edition: 20     დაცემულნი.
Line of edition: 21        და ამას დღესა ნათლისასა, რომელ არს დასაბამი დღეთაჲ, Page of ms.: 169v გამობრწყინდა
Line of edition: 22     შუენიერი იგი ნათელი ღმრთისაჲ, ჴელმწიფჱ და წინამძღუარი
Line of edition: 23     ყოველთაჲ. ამას დღესა, რომელ არს პირმშოჲ დღეთაჲ, აღდგა მხოლოდშობილი
Line of edition: 24     იგი ძჱ ღმრთისაჲ მკუდრეთით, ვითარცა სახედ დასაბამსა გამობრწყინდა
Line of edition: 25     ბნელსა შინა ნათელი.
Line of edition: 26        და დასასრულსა გამობრწყინდა ჯოჯოხეთს შინა ნათელი იგი დიდებული,
Line of edition: 27     ვითარცა წერილ არს: ღმერთმან, რომელმან თქუა ბნელისაგან ნათლისა
Line of edition: 28     გამობრწყინებაჲ, მან განანათლენინ თუალნი გულთა ჩუენთანი.

Page of edition: 178
Line of edition: 1        და მერმე თქუა ევანგელემან: და თჳთ ნათელი იგი ბნელსა მას განანათლებდა¹^*
Line of edition: 2     და ბნელსა მას ვერ მიეწიფა⁽¹⁾^*. მეორედ წარვთქუათ ყოველივე წამებაჲ
Line of edition: 3     თქუენ წინაშე ნათლისათჳს, რამეთუ ყოველნივე, ვითარცა ყუავილნი
Line of edition: 4     გჳრგჳნსა, შეჰგვანან ძლევასა მას მისსა.
Line of edition: 5        მერმე თქუა წინაწარმეტყუელმან: განათლდი, განათლდი, იერუსალემ,
Line of edition: 6     რამეთუ მოწევნულ არს ნათელი შენი და დიდებაჲ უფლისაჲ შენ ზედა გამობრწყინდეს⁽²⁾^*.
Line of edition: 7     ამით სიტყუითა²^* ახარებდა ეკლესიასა თჳსსა.
Line of edition: 8        და მერმე პირველი იგი შესძინა სიტყუითა²^* თჳსითა, ვითარმედ: არღარა
Line of edition: 9     განგანათლებდეს შენ მზისთუალი ესე დღისაჲ და ნუცამცა³^* ნათელი
Line of edition: 10     მთოვარისაჲ გნათობს ღამე⁽³⁾^*.
Line of edition: 11        და ჭეშმარიტისა მის Page of ms.: 170r ნათლისათჳს დააქცია მეორედ და თქუა, ვითარმედ:
Line of edition: 12     მიგეც შენ აღნათქუემად ნათესავთა და ნათლად წარმართთა დაგადგინე
Line of edition: 13     შენ⁽⁴⁾^*. და დავით იტყჳს: შენ მიერ არს წყაროჲ ცხოვრებისაჲ და
Line of edition: 14     ნათლითა შენითა ვიხილეთ ჩუენ ნათელი⁽⁵⁾^*. და დანიელ თქუა, ვითარმედ:
Line of edition: 15     უწყინ, რაჲ ძენ ბნელსა და ნატელი არსვე მისი⁽⁶⁾^*. მერმე თქუა დავით: გამობრწყინდა
Line of edition: 16     ბნელისაგან ნათელი წრფელთაჲ⁽⁷⁾^*. და მერმე თქჳს: ნათელი
Line of edition: 17     მართალთაჲ მხიარულებით იყავნ⁽⁸⁾^*. და ამის ყოვლისა წამებისა შემდგომად
Line of edition: 18     დაჰბეჭდა თჳთ და იტყჳს: მე ვარ ნათელი სოფლისაჲ⁽⁹⁾^*.
Line of edition: 19        მწუხრი დაეფლა, ვითარცა კრავი, მსგავსად, რაჲთა არა უფლებდეს
Line of edition: 20     ბნელი სიკუდილსა მისსა, ვითარცა კრავი, რომელი-იგი დაიკლა ეგჳპტეს შინა.
Line of edition: 21     ერეოდა ერი იგი და გამოვიდა ნათლად სიფიცხლისა მისთჳს დამორჩილებისა
Line of edition: 22     ფარაოჲსისა, რომელ-იგი ეგჳპტეს შინა იყო, რომელნი ვითარცა ღამესა
Line of edition: 23     ბნელსა დამკჳდრებულ იყვნეს მას შინა. ეგრეცა ჴელითა ამის ჭეშმარიტისა
Line of edition: 24     კრავისაჲთა განცალიერდა ქედი ჩუენი ფიცხლისა მისგან უღლისა ეშმაკისაჲსა,
Line of edition: 25     რომელმან-იგი დასთესა ჩუენ შორის თესლი ეკლისაჲ.
Line of edition: 26        განკუეთნა ჩუენ უფალმან საკრველნი ჩუენნი ჯუარითა თჳსითა და
Line of edition: 27     გაჴსნა ჩუენგან უღელი მძიმჱ, რომელი მძლავრებით დაგჳმონებდა ჩუენ,
Line of edition: 28     რამეთუ დაუმდაბლეთ მას ქედი ჩუენი Page of ms.: 170v ნებითა ჩუენითა, რომელი-იგი არა
Line of edition: 29     დაშურებოდა, რომელი ჰმონებდა მას.
Line of edition: 30        ხოლო ამიერითგან მადლი იგი, რომელ იქმნა ჩუენ თანა, ვერ შემძლებელ
Line of edition: 31     ვართ, რაჲთამცა გარდავიჴადეთ იგი, გარნა თჳთ ვითარცა ყოველთა
Line of edition: 32     წარმართთათჳს და გარდაჴდად ვერ შემძლებელ ვართ, არამედ აღვიმსთოთ
Line of edition: 33     დღესა დღესასწაულისა მისისასა და მივსცეთ მას ქებაჲ, რაჲთა შემწე მეყოს
Line of edition: 34     ჩუენ ყოველსა ჟამსა, და ყავნ ჩუენ თანა თჳსითა მით კეთილის-ყოფითა, რაჲთა
Line of edition: 35     არა მომაკლდეს ჩუენგან წყალობაჲ მისი, და ვიხარებდეთ პირველითა და
Line of edition: 36     შემდგომითა და ვაქებდეთ და ვადიდებდეთ მას აწ და მარადის და უკუნითი
Line of edition: 37     უკუნისამდე. ამენ.

Next part

This text is part of the TITUS edition of Sinai Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.