TITUS Texts: Sinai Polycephalion

TITUS
Sinai Polycephalion
Part No. 36

Previous part

Text: 35
Page of edition: 199

Line of edition: 1 თ̃ა აგჳისტოსა ი̂ე. მარიამობაჲ

Line of edition: 2   თქუმული წმიდისა და ნეტარისა¹^* მამისა ჩუენისა იოვანე
Line of edition: 3   ოქროპირისაჲ²^*

Line of edition: 4   გარდაცვალებისათჳს წმიდისა ღმრთის-მშობელისა³^*

Line of edition: 5        საყუარელნო, მოვედით და ისმინეთ წმიდისათჳს ქალწულისა ქებაჲ, ვითარ
Line of edition: 6     ადიდა შობილმან მშობელი თჳსი, ძემან ღმრთისამან და თჳთ (ღ̃ნ?)
Line of edition: 7     დედაჲ თჳსი! რაჲ-მე ვთქუათ, ძმანო ჩემნო, რომლითა ენითა ანუ (რ̃ი)თა
Line of edition: 8     პირითა შეუძ(ლო)თ თქუმად მსგა(ვსი)⁴^* ქებად მისა?
Line of edition: 9        რამეთუ ესე ქალწული გამოჩნდა(ა) უმაღლეს⁵^* ცათა და საყდართა დ(ა)
Line of edition: 10     ა(მის)თჳს ვერ შეუძლებს მ(ი)წისაგანი ესე ენაჲ (ჩე)მი გამოთქუმად, ვითარმედ
Line of edition: 11     ვიტყოდი და ა(რა) ვდუმნე, რამეთუ ამის (ქ̃წლი ?)სათჳს მოსე, დიდმან წინაწარმეტყუელმან,
Line of edition: 12     ესრე თქუა სულითა წმიდითა, რამეთუ: მე მოვიდე და დავემკჳ\დრო Page of ms.: 189r
Line of edition: 13     კაცთა შორის და შემდგომი ამისი.
Line of edition: 14        ოსე წინაწარმეტყუელმან თქუა: ვიხილე ყრმაჲ წიაღთა ქალწულისათა.
Line of edition: 15     და ეზეკიელ დაჴსული ბჭჱ იხილა, რომელი არავინ გავლო⁶^*, გარნა
Line of edition: 16     ღმერთმან, და დაჴშულივე ჰგიეს⁽¹⁾^*. დანიელ თქუა: მთისაგან ლოდი თჳნიერ
Line of edition: 17     ჴელისაგან კაცისა გამოკუეთილი⁽²⁾^*, ესე იგი არს, თჳნიერ მამაკაცისა შობაჲ.
Line of edition: 18     ხოლო ესაია⁷^* ცნა ურჩთაჲ მათ და ქედ-ფიცხელთაჲ სიტუაჲ იგი მოსჱსი,
Line of edition: 19     რომელ თქუა, რამეთუ: ნათესავი ესე განდრეკილი არს, რომელთა თანა⁸^*
Line of edition: 20     არა არს სარწმუნოებაჲ. ამისთჳს განცხადებულად ღაღად-ყო: აჰა ესერა
Line of edition: 21     ქალწული მიუდგეს⁹^* და შვეს ძჱ და უწოდიან სახელი მისი ენმანუელ, რომელ
Line of edition: 22     არს: ჩუენ თანა ღმერთი⁽³⁾^*.
Line of edition: 23        რაჟამს იხილა ღმერთმან ნათესავი კაცთაჲ წარწყმედული და მსხდომარჱ
Line of edition: 24     ბნელსა და აჩრდილთა სიკუდილისათა⁽⁴⁾^*, წარმოავლინა მთავარი ანგელოზთაჲ
Page of edition: 200   Line of edition: 1     გაბრიელ ქალწულისა მარიამისა ხარებად მისა, და თქუა: გიხაროდენ,
Line of edition: 2     მიმადლებულო! უფალი შენ თანა!⁽¹⁾^* რამეთუ იქმენ შენ ტაძარ სულისა
Line of edition: 3     წმიდისა, და ქრისტე ჴორციელად იშვეს შენგან. აწ მე აღძრულ ვარ ხარებისა
Line of edition: 4     მისთჳს¹^*, უმეტჱს ხოლო მთავარანგელოზი სახარებისა მიერ და ამას
Line of edition: 5     ქებასა შევსწირავ წმიდისა ქალწულისა, ვეტყჳ უჴრწნელსა მას:
Page of ms.: 189v
Line of edition: 6        გიხაროდენ, მიმადლებულო! უფალი შენ თანა!⁽¹⁾^* გიხაროდენ, წმიდაო
Line of edition: 7     ღმრთის-მშობელო მარიამ! გიხაროდენ, დედოფალო ბრწყინვალეო! გიხაროდენ,
Line of edition: 8     ქალწულო, დედაო უფლისა ჩუენისა იესუ ქრისტჱსო! გიხაროდენ,
Line of edition: 9     კიდობანო შჯულისაო! გიხაროდენ²^*, კარაო საწამებელო³^*! გიხაროდენ⁴^*, ტაძარო
Line of edition: 10     უფლისაო! გიხაროდენ, საყდარო ქრისტჱსო! გიხაროდენ, ჭურო პატიოსანო!
Line of edition: 11     გიხაროდენ, ტაკუკო⁵^* ოქროჲსაო, სავსეო მანანაჲთა⁶^*, ცუარითა
Line of edition: 12     მით ზეცისაჲთა! გიხაროდენ⁷^*, ღრუბელო ნათლისაო! გიხაროდენ, ზღუდეო
Line of edition: 13     სიმტკიცისაო! გიხაროდენ, სუეტო შეურყეველო! გიხაროდენ, წყაროო სიწმიდისაო!
Line of edition: 14     გიხაროდენ, სამკჳდრებელო ჭეშმარიტებისა! გიხაროდენ, საზღვარო
Line of edition: 15     სარწმუნოებისაო! გიხაროდენ, მარგალიტო ჭეშმარიტებისაო! გიხაროდენ,
Line of edition: 16     ანთრაკო პატიოსანო! გიხაროდენ, ცაო ქერობინო⁸^* და საყდარო უფლისაო!
Line of edition: 17        გიხაროდენ, წმიდაო ქალწულო და სამკჳდრებელო ქრისტჱს ძისა
Line of edition: 18     ღმრთისაო, რამეთუ შენთჳს თქუა ამბაკუმ წინაწარმეტყუელმან, ვითარმედ:
Line of edition: 19     ამაღლდა მზჱ და მთოვარჱ დადგა წესსა⁹^* ზედა თჳსსა⁽²⁾^*, ესე იგი არს: "ამაღლდა
Line of edition: 20     მზჱ" _ იშვეს ღმერთი ქალწულისაგან, "და მთოვარჱ¹⁰^* დადგეს წესსა" _
Line of edition: 21     ქალწული ქალწულადვე ეგოს.
Line of edition: 22        დავით¹¹^* თქუა: გარდამოჴდეს ვითარცა წჳმაჲ საწმისსა Page of ms.: 190r ზედა და
Line of edition: 23     ვითარცა ცუარი რაჲ ცურინ ქუეყანას ზედა⁽³⁾^*.
Line of edition: 24        პირველად მოსე მთასა ზედა სინასა მაყულოვანად¹²^* გიხილა შენ შეუწუველად,
Line of edition: 25     და გედეონ საწმისად გიცნა, და დავით ვითარცა ცუარი იხილა
Line of edition: 26     გარდამომავალი, ოსე ქალწულად უჴრწნელად გქადაგა შენ, ეზეკიელ _ ბჭედ
Line of edition: 27     სიწმიდისად, დანიელ _ მთად შეურყეველად, ესაია ძირად იესჱსად გქადაგა,
Line of edition: 28     ნათან თქუა, ვითარმედ: ქალწულისაგან შობილისა განიხაროს ყოველმან
Line of edition: 29     ჴორციელმან, ვითარცა მთავარანგელოზმან გახარა: გიხაროდენ, ტაძარო სულისა
Line of edition: 30     წმიდისაო, საყდარო უფლისაო!
Line of edition: 31        აწ ჩუენ ყოველნი მორწმუნენი, ღმრთივ განბრძობილნი და წიგნთაგან
Line of edition: 32     სწავლულნი საღმრთოთა მეცნიერად, ღმრთის-მშობელად აღგიარებთ და
Line of edition: 33     თაყუანის-გცემთ, ვღაღადებთ და კუალად ვიტყჳთ: გიხაროდენ, მიმადლებულო!
Line of edition: 34     უფალი შენ თანა! გიხაროდენ, მაყუალო შეუწველო!¹³^* გიხაროდენ, ცაო
Line of edition: 35     საცნაურო, საყდარო უფლისაო, რომლისაგან გამობრწყინდა მზჱ იგი სიმართლისაჲ!
Line of edition: 36     გიხაროდენ, სამოთხეო სიწმიდისაო, რომელმან აღმოგჳცჱნე
Page of edition: 201   Line of edition: 1     უკდავებაჲ¹^* და ცხორებაჲ! გიხაროდენ, ხეო²^* ცხორებისა, რომელმან გამოიღე
Line of edition: 2     ნაყოფი ცხორებისაჲ, რომლისაგან ვცხონდით ყოველნი!
Line of edition: 3        რამეთუ დასაბამსა დაბადებისა კაცთაჲსა Page of ms.: 190v პირველ³^* დაბადებული იგი
Line of edition: 4     მამაჲ ჩუენი ადამ ხისა⁴^* მისგან ნაყოფისა, რომელი გამოეღო ხესა⁵^* მას ცხორებისა
Line of edition: 5     კეთილისა და ბოროტისა, დედაკაცისა მიერ შესცთა და ჭამა იგი და
Line of edition: 6     სამოთხისა მისგან ექუსორია იქმნა იგი ორნივე და ჩუენ ყოველნი; ხოლო
Line of edition: 7     რაჟამს წმიდამან ქალწულმან ანგელოზისა მიერ "გიხაროდენი" შეიწყნარა,
Line of edition: 8     მყის პირველ შექმნული იგი მამაჲ ჩუენი დაცემისაგან აღემართა⁶^* და წყევაჲ
Line of edition: 9     პირველისა დედისა ჩუენისა ევაჲსი განქარდა, და სიხარულით ეტყოდა:
Line of edition: 10     კურთხეულ ხარ შენ, ასულო, რამეთუ ჩუენ დაცემულნი⁷^* შენ მიერ
Line of edition: 11     აღვემართენით⁸^*.
Line of edition: 12        გიხაროდენ, ნათელო, განმანათლებელო ყოვლისა სოფლისაო! გიხაროდენ,
Line of edition: 13     წმიდაო ქალწულო უჴრწნელო, რამეთუ შენ მიერ ცხონდა ყოველი დაბადებული!
Line of edition: 14     გიხაროდენ, წმიდაო ქალწულო მარიამ, საუნჯეო დაბეჭდუ(ლო)!
Line of edition: 15     გიხაროდენ, საფასეო დიდისა მეუფისაო, რომელი განამდიდრებ ყოველსა
Line of edition: 16     სოფელსა! გიხაროდენ, ნათელო მწუხრისაო დაუშრეტელო, რომლისათჳს
Line of edition: 17     იტყჳს სჳმეონ წინაწარმეტყუელი, ვითარმედ: ვიხილეთ ნათელი სამწუხროჲ,
Line of edition: 18     რომელი იშვა შენგან; რომლისათჳს წინაწარმეტყუელი იტყჳს: ნათელი გამობრწყინდა
Line of edition: 19     წარმართთა ზედა და დიდებად ერისა შენისა ისრაელისა⁽¹⁾^*.
Line of edition: 20        მინდა დუმილი და კმა-ყოფად ქებაჲ ესე წმიდისათჳს ქალწულისა მარიამისა Page of ms.: 191r ,
Line of edition: 21     არამედ რაჟამს მოვიჴსენი მე ნაყოფი მუცლისა მისისაჲ, არა
Line of edition: 22     მიტევის⁹^* მე კმა-ყოფად; და რაჟამს მოვიჴსენი კუალად ნაყოფი წმიდისა ქალწულისაჲ,
Line of edition: 23     აღვივსი მე კუალად¹⁰^* სიხარულითა და ვითარცა ჯურღუმული
Line of edition: 24     წყლისა ცხოველისაჲ, აღმოვდუღდი და კუალად ვიტყოდი: აწ მოვედით,
Line of edition: 25     მორწმუნენო, და ვდღესასწაულობდეთ წმიდისა ქალწულისა საჴსენებელსა!
Line of edition: 26        რამეთუ ანგელოზნი ცათა შინა იხარებენ და ჩუენ ქუეყანასა ზედა ვღაღადებთ
Line of edition: 27     და ვიტყჳთ: დღეს ქუეყანასა ტაძარი ღმრთისა სიტყჳსაჲ მიიცვალების,
Line of edition: 28     ზეცისა იერუსალემსა¹¹^* დაემკჳდრების; დღეს ქალწული ზეცად მიიცვალების
Line of edition: 29     ქუეყანისაგან; დღეს კარავი ქუეყანისაჲ ზეცისა კარავ იქმნების;
Line of edition: 30     დღეს ტაძარი ქუეყანისაჲ ზეცად ამაღლდების; დღეს საყდარი ქუეყანისაჲ
Line of edition: 31     ზეცისა საყდარ იქმნების; დღეს ეზოჲ იგი კარვისაჲ, რომელსა ჰრქჳან¹²^*
Line of edition: 32     წმიდაჲ წმიდათაჲ, ზეცისასა მას კარავსა ბრწყინვალესა მიიცვალების; დღეს
Line of edition: 33     მაყუალი იგი შეუწუველი ზეცისა სძალ იქმნების; დღეს გამოუთქუმელი¹³^*
Line of edition: 34     ქორწინებითა ცათა დაემკჳდრა და მის თანა იხარებს პირველი დედაჲ ჩუენი;
Line of edition: 35     Page of ms.: 191v დღეს უხრწნელი დედოფალი მარიამ ზეცისა ქერობინ იქმნების; დღეს
Page of edition: 202   Line of edition: 1     პირველი იგი მამაჲ ჩუენი სიკუდილისაგან განთავისუფლდების¹^*; დღეს ხილული
Line of edition: 2     იგი უხილავ იქმნების კაცთაგან, არამედ იხილვების ანგელოზთაგან.
Line of edition: 3        ნუუკუე ვინმე ძნიად მსმენელთაგანმან იკადროს და თქუას: ძმანო საყუარელნო,
Line of edition: 4     თუ ვითარ შესაძლებელ²^* არს ესოდენსა დიდებასა მიწევნად
Line of edition: 5     წმიდაჲ ქალწულიო, დაიყავნ იგი პირი, რომელი იტყოდის სიცრუვესა³^*, არამედ
Line of edition: 6     აღმო-ღა-ვიკითხნეთ მცნებანი ღმრთისანი, რომელსა გუასწავებს უფალი:
Line of edition: 7     პატივ ეც მამასა შენსა და დედასა შენსა⁽¹⁾^*. არა-მე-მცა თჳთ უფალმან უფროჲს
Line of edition: 8     ყოველთასა პატივ-სცაა თჳსსა მშობელსა?
Line of edition: 9        და ესე რავდენი ვთქუთ⁴^* დიდებაჲ წმიდისა ქალწულისაჲ, მრავლისაგან
Line of edition: 10     მცირედი გჳთქუამს, ხოლო იგი უბიწოჲ უფროჲსსა დიდებასა მიიწია, რომელსა
Line of edition: 11     ვერ შეუძლებს ენაჲ ესე ჩემი თქუმად, ვითარცა პირველ ვთქუ.
Line of edition: 12        არამედ, საყუარელნო, მოვედით, ვიხარებდეთ და ვიშუებდეთ ჴსენებასა
Line of edition: 13     ყოვლად-წმიდისა ქალწულისასა, რამეთუ ანგელოზნი ცათა შინა იხარებენ და
Line of edition: 14     ჩუენ, ძენი კაცთანი, ჴსნილნი საცთურისაგან, ვდღესასწაულობდეთ ქუეყანასა
Line of edition: 15     ზედა და შევსწირვიდეთ Page of ms.: 192r დიდებასა და ქებასა მამისა, ძისა⁵^* და წმიდისა⁶^*
Line of edition: 16     სულისა, რომლისაჲ არს დიდებაჲ და პატივი, ძალი და სიმტკიცჱ უკუნითი
Line of edition: 17     უკუნისამდე. ამენ.

Next part

This text is part of the TITUS edition of Sinai Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.