TITUS
Sinai Polycephalion
Part No. 39
Previous part

Text: 38  
Page of edition: 212  
Line of edition: 25   მეორჱ

Line of edition: 26   თქუმული მისივე


Line of edition: 27        არა თუ ჩემდა მარტოჲსა საძიებელ არს სიტუაჲ ესე, არამედ ყოველთა,
Line of edition: 28     რომელთა ესმა ჴმაჲ სახარებისაჲ მის, დაკჳრვება ჩემ თანა: იოვანჱსი
Line of edition: 29     განცხადებაჲ და ჰეროდჱსი დამცირებაჲ და უღმრთოთა დედათა მჴეცებრ
Line of edition: 30     სიბორგილი.
Line of edition: 31        ხოლო რომელ-იგი მესმა, ვითარმედ ჰეროდე შეიპყრა იოვანე და შესუა
Line of edition: 32     იგი საპყრობილესა ჰეროდიადაჲსთჳს, ძმის ცოლისა, რომელი-იგი შეირთო
Line of edition: 33     ცოლი ფილიპჱსი(2)*. ხოლო ერთი ესე საკჳრველ არს: სიმცირჱ იგი ჰეროდჱსი.
Line of edition: 34     უსახურთაჲ მათ დედათაჲ მჴეცებრ ბორგნეულთაჲ ვითარ ვინ თქუა(ს),
Line of edition: 35     ანუ ვითარ ვინ თარგმანოს დედათაჲ მათ სიბოროტჱ?

Page of edition: 213  
Line of edition: 1        ხოლო მე ესრე ვჰგონებ, ვითარმედ არა არს მჴეცი ამას სოფელსა1*
Line of edition: 2     სწორ დედაკაცისა ბოროტისა. ხოლო მე აწ ბოროტთა მათთჳს ვიტყჳ და
Line of edition: 3     არა კეთილთათჳს და სახიერთა, რამეთუ (ვი)ცნი მრავალნი კეთილნი და
Line of edition: 4     შუენიერნი, რომელთაჲ ჯერ-არს ჩემდა მოჴსენებად ცხორებაჲ მათი საშჱნებელად
Line of edition: 5     შუენიერად საქმეთა კეთილთათჳს.
Line of edition: 6        ხოლო აწ არა არს სოფელსა ამას მჴეცი, მსგავსი დედაკაცისა ბოროტისა.
Line of edition: 7     Page of ms.: 203r  რაჲ არს ლომისა უბოროტჱსი ოთხფერჴთა შორის? _ სხუა
Line of edition: 8     არარაჲ, გარნა დედაკაცი ბოროტი. ლომიცა და ვეშაპიცა სიბოროტესა ზედა
Line of edition: 9     მწემვე2* არიან.
Line of edition: 10        მოწამე არს ჩემდა ბრძენი სოლომონ, რამეთუ ესრე თქუა, ვითარმედ:
Line of edition: 11     უმჯობჱს არს ლომისა და ვეშაპისა თანა ყოფაჲ, ვიდრეღა არა3* დედაკაცისა
Line of edition: 12     თანა ბოროტისა(1)*. ხოლო თქუენ ნუ ესრე ჰგონებთ, ვითარმედ ცუდად რასმე
Line of edition: 13     იტყოდა წინაწარმეტყუელი ამას სიტყუასა; არამედ მათთა საქმეთაგანღა
Line of edition: 14     განვიცადნეთ ჭეშმარიტად.
Line of edition: 15        დანიელს მღჳმესა შიდა4* ლომთა დაჰრიდეს, ხოლო მართალი ნაბუთე
Line of edition: 16     იეზაბელ მოკლა; ვეშაპმან იონა მუცელსა შიდა ცოცხალი დაჰმარხა, ხოლო
Line of edition: 17     დალილმან5* სამსონს თავი დაჰყჳნა და უცხო-თესლთა ჴელთა მისცა; ვეშაპნი
Line of edition: 18     და ასპიტნი და ღრიაკალნი უდაბნოსა ზედა იოვანჱსთჳს ძწოდეს, ხოლო
Line of edition: 19     ეროდიადა ურიდად პურსა ზედა თავი მოჰკუეთა მას.
Line of edition: 20        ყორანთა მთათა შინა ელია გამოზარდეს, ხოლო იეზაბელ მონიჭების
Line of edition: 21     წჳმისა უკუანა კლვად სდევნიდა მას და რასა ეტყოდა, ვითარმედ: შენ თუ
Line of edition: 22     ელია ხარ და მე იეზაბელ, ძჳრი შემამთხჳედ მე6* ღმერთთა და უძჳრჱსი შემძინედ;
Line of edition: 23     უკუეთუ არა, მე ხვალე დავსთხინე7* ჴორცნი შენნი, ვითარცა ერთი მათ
Line of edition: 24     მძორთაგანი(2)*. და შეეშინა ელიას და Page of ms.: 203v  წარვიდა უდაბნოდ(3)* და ითხოვდა
Line of edition: 25     ღმრთისაგან სიკუდილსა და თქუა: უფალო ღმერთო ჩემო, კმა-არს ჩემდა,
Line of edition: 26     ჯერ-გიჩნდინ მიღებაჲ სულისა ჩემისაჲ, რამეთუ მე არა უმჯობჱს ვარ მამამათა
Line of edition: 27     ჩემთასა(4)*.
Line of edition: 28        სადაღა ელიას წინაწარმეტყუელსა შეეშინა დედაკაცისაგან, რომელსა
Line of edition: 29     ყოვლისა სოფლისა წჳმაჲ ენითა ეტჳრთა; რომელმან ცეცხლი ზეცით სიტყჳთა
Line of edition: 30     მოიღო; რომელმან ლოცვითა მკუდარნი აღადგინნა, _ მას შეეშინა დედაკაცისაგან!
Line of edition: 31     ჰე, შეეშინა, რამეთუ არცა ერთი სიბოროტჱ ესწორების დედაკაცსა
Line of edition: 32     ბოროტსა! ეწამების სიტყუასა ამას ჩემსა სიბრძნჱ და იტყჳს: არა
Line of edition: 33     არს სხუა თავ უფროჲს თავისა მის გუელისაჲსა, და არა არს სხუა სიბოროტე
Line of edition: 34     უფროჲს სიბოროტისა მის დედაკაცისაჲსა(5)*.
Line of edition: 35        ჵ სიბოროტჱ ეშმაკისაჲ, რამეთუ ლესული არს მახჳლი! დედაკაცისა
Line of edition: 36     გამო დასაბამსა ადამ სამოთხით გამოვარდა8*; დედაკაცისა მიერ მშჳდმან დავით
Line of edition: 37     ჰურიას ზაკუვით მკლველნი აღუდგინნა; დედაკაცისა გამო ბრძენი იგი
Page of edition: 214   Line of edition: 1     სოლომონ შესცთა და დაეცა; დედაკაცმან მჴნესა მას სამსონს თავი დაჰყჳნა
Line of edition: 2     და დააბრმო; დედათაგან ძენი ელი მღდელისანი დაეცნეს; დედაკაცისა გამო
Line of edition: 3     მჴნჱ იგი იოსებ საპყრობილედ შეაგდეს და დაჰკრძალეს; დედაკაცისა
Line of edition: 4     გა\მო Page of ms.: 204r  ყოვლისა სოფლისა იგი ნათელი იოვანე მოაკუდინეს.
Line of edition: 5        და რასაღა უფროჲს ვიტყოდით? _ დედათა გამო რომელნი-იგი ნაშობ
Line of edition: 6     ღმრთის წოდებულ იყვნეს, დაეცნეს; დედათა გამო ყოველნი მოწყდებიან, ყოველნი
Line of edition: 7     იგინებიან, ყოველნი მოიკლვიან, ყოველნი შეურაცხ იქმნებიან, რამეთუ
Line of edition: 8     დედაკაცი ბოროტი რომელსავე არა ერიდების, არცა მღდელსა, არცა მოძღუართაგან
Line of edition: 9     ჰრცხუენინ, არცა წინაწარმეტყუელთაგან შეიკდიმის.
Line of edition: 10        ჵ ბოროტი სიბოროტისაჲ, ბოროტი დედაკაცი უკეთური! გინა თუ
Line of edition: 11     ოჴერთაგან იყოს, გინა თჳთ იგი ოჴერ იყოს; უკუეთუ სიმდიდრჱ აქუნდეს,
Line of edition: 12     უკეთურებასა მისსა შემწჱ არს, მრჩობლი სიბოროტჱ არს მის თანა, აღუღებელი
Line of edition: 13     მჴეცი არს.
Line of edition: 14        მე უწყი, რამეთუ ასპიტნიცა ნელითა სიტყჳთა დაიმწყემსებიან და ვეფხნიცა
Line of edition: 15     ფუფუნებით დამშჳდდიან, ლომნიცა და ვიგრნიცა, ხოლო დედაკაცსა
Line of edition: 16     ბოროტსა აგინებდე თუ, აღგიბორგდეს; უკუეთუ1* ექენებოდი, აღზუავნეს;
Line of edition: 17     ქმარი თუ ესუას, ღამით და დღით სიტყჳთა დაჰგუმერნ და ზაკუვით კლვად
Line of edition: 18     აღმახჳს, ვითარცა ჰეროდიადა ჰეროდეს უყო; უკუეთუ უპოვარ იყოს ქმარი
Line of edition: 19     იგი, გულის-წყრომითა და ლალვითა განკაფოს იგი; გინა თუ ქურივი ვინმე
Line of edition: 20     იყოს, იგი Page of ms.: 204v  თჳთ თავით თჳსით აგინებნ და ჰკდემნ, რამეთუ შიშსა ღმრთისასა
Line of edition: 21     არა შეუდგს ენითა თჳსითა, არცა მერმისა საშჯელისაჲ გულისხმა-უყოფიეს,
Line of edition: 22     არცა ღმრთისაგან ეკრძალების, არცა2* სიყუარულისა დამარხვაჲ იცის,
Line of edition: 23     არცა მზახობისა შეზავებაჲ, არცა შეურაცხიეს დედაკაცსა ბოროტსა ქმრისა
Line of edition: 24     თჳსისაჲ სიკუდიდ მიცემაჲ.
Line of edition: 25        აწ უკუე გულისხმა-ყავთ მართლისა მის იობისი, ვითარ-იგი თჳსი ცოლი
Line of edition: 26     სიკუდიდ მისცემდა მას, რამეთუ ესრე ეტყოდა: თქუ ნურაჲ გმობაჲ
Line of edition: 27     ღმრთისა მიმართ და მოჰკუდე(1)*. ვაჲ სახჱ საშრომელი! ვაჲ გონებაჲ უღირსი!
Line of edition: 28     ვითარ არა შეიწყალა თჳსი ქმარი საყუარელი! აღდუღებულთა მათ
Line of edition: 29     ბრძუნთა3* მისთა, ვითარცა დამწუარი ნაკუერცხლითა, და ყოველთა ჴორცთა
Line of edition: 30     მისთა, იგი ვითარცა მატლი არა შედრკა შეწყალებად მისა! ჰხედვიდა იგი
Line of edition: 31     ყოველთა ყოვლითურთ დაცემულსა, მა(შ)ურალსა, ჭირვეულსა და დადუმებულად
Line of edition: 32     მგალობელსა, აღმტკმობილითა პირითა გამოიღებდა სიტყუათა და
Line of edition: 33     იგი არა შელბა შეწყალებად! უწყოდა, რამეთუ მაშინ სუფევდა4* ძოწეულითა
Line of edition: 34     შარავანდედისაჲთა5* და აწ ხედვიდა სკორეთა ზედა დაცემულსა და შიშუველსა
Line of edition: 35     გუამითა, არა მოიჴსენა, ვითარ-იგი მის თანა პატივსა ზედა
Line of edition: 36     ყუაოდა, არამედ აწუევდა, ვითარმედ: "თქუ ნურაჲ სიტყუაჲ გმობისაჲ და
Line of edition: 37     მოჰკუდე".
Page of ms.: 205r 
Line of edition: 38        აჰა ესე ნიჭი დედაკაცისაჲ! ეჰა ესე კეთილი სალბუნი, განმაქარვებელი
Page of edition: 215   Line of edition: 1     სალმობათაჲ! ეჰა სიყუარული მეუღლისაჲ, ერთობაჲ! აწ ოდეს-იგი
Line of edition: 2     შენ სნეულ იყავ, ესემლევანი სიტყუაჲ მოგიგოა? არცა ლოცვითა და ქველისსაქმითა
Line of edition: 3     შენი სენი განკაფაა? ვერ-მემცა კმა-ეყოა მას წუთადი ესე სწავლაჲ
Line of edition: 4     აქაჲ და შენ საუკუნესა მას სატანჯველსა მოატყუებდი გმობითა? ანუ არა
Line of edition: 5     უწყი, ყოველი ცოდვაჲ და გმობაჲ მიეტეოს კაცთა, ხოლო სულისა წმიდისა
Line of edition: 6     გმობაჲ არა მიეტეოს კაცთა არცა ამას სოფელსა, არცა მას სოფელსა?(1)*.
Line of edition: 7        გნებავს სხუაჲცა ხილვად უკეთურისა მის სწორად, იხილო ეგერა დალილაჲ,
Line of edition: 8     რამეთუ მანცა მჴნესა მას სამსონს თავი დაჰყვნა, შეკრა და მისცა
Line of edition: 9     იგი ჴელთა უცხო-თესლთასა _ თჳსი ქმარი, თჳსი მეუღლჱ, რომლისა მოქენე
Line of edition: 10     იყო, რომლისა გამო შუენიერ იყო, რომელსა ჰლიქნიდა, რომელი-იგი თავისა
Line of edition: 11     თჳსისა უფროჲს უყუარდა, _ ამას ეცრუვა; რომელი გუშინ ჰყუარობდა,
Line of edition: 12     დღეს აცთუნებდა; რომლისაგან გუშინ ყუაოდა, სიყუარულით უყუარდა, დღეს
Line of edition: 13     ცთუნებით დაჰფლვიდა.
Line of edition: 14        ანუ არა-მე შუენიერ იყო? და ვინ-მე უშუენიერჱს იყო მისთა მათ ჟამთა,
Line of edition: 15     რომელსა შჳდნი კოწოლნი შუიენიერნი შუბლსა დამოეკიდნეს და შჳდისა
Line of edition: 16     ნათლისა ხატი მადლითა ეტჳრთა? და არა-მე მჴნე იყოა? ანუ ვინ-მე იყო
Line of edition: 17     Page of ms.: 205v  უმჴნის მისა, რომელმან ლომი საშინელი გზასა ზედა მარტომან დააშთო
Line of edition: 18     და ერთითა ღაწჳთა ათასი უცხო-თესლი დარეცა! არამედ წმიდა და ეგოდენ
Line of edition: 19     წმიდა იყო, რაჟამს-იგი სწყუროდა ნაკლულევანებითა წყლისაჲთა, ილოცა
Line of edition: 20     და რომელ-იგი ჴელთა ღაწჳ ეპყრა გამჴმარი, წყრა და მისგან ლხინებით
Line of edition: 21     წყურილი იგი დაუდგა. ესევითარი შუენიერი და ესემლევანი მჴნჱ და ესემლევანი
Line of edition: 22     წმიდაჲ თჳსმან ცოლმან ვითარცა მბრძოლი შეკრა და უცხო-თესლთა
Line of edition: 23     მისცა! და ვითარ-მე ერეოდა დედაკაცი იგი ესევითარსა მას მჴნესა და ვინაჲ?
Line of edition: 24     _ არამედ სახე-კეთილობითა ქმრისაჲთა, რამეთუ ზრახვაჲ სიმჴნისა მისისაჲ
Line of edition: 25     ღამე1* გამოსტყუვა ზაკუვით, შიშუელი საბლითა შეკრა და ძალისაგან
Line of edition: 26     დასცა.
Line of edition: 27        ამისთჳს გამცნებს შენ წინაწარმეტყუელი, ვითარმედ: ცოლისა შენისაგან
Line of edition: 28     ეკრძალე და საიდუმლოსა შენსა ნუ უთხრობ მას(2)*. მითხარღა, რომელმან
Line of edition: 29     მჴეცმან თჳსისა მეუღლისათჳს ესევითარი ზრახვაჲ იზ(რა)ხის2*? უ ანუ რომელმანმე
Line of edition: 30     ძუმან ლომმან თჳსი მამალი კლვად მისცა?
Line of edition: 31        გულისხმა-ყავ, რამეთუ განგებულად თქუა სიბრძნემან, ვითარმედ: არა
Line of edition: 32     არს სხუა თავ უფროჲს თავისა Page of ms.: 206r  გუელისა3*, და არა არს სხუა სიბოროტე
Line of edition: 33     უფროჲს სიბოროტისა დედაკაცისაჲსა(3)*.
Line of edition: 34        არამედ ბოროტისაჲ მის სიტყუაჲ აქამომდე იყავნ აღსასრული.



Next part


This text is part of the TITUS edition of Sinai Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.