TITUS
Sinai Polycephalion
Part No. 9
Previous part

Text: 9  
Page of edition: 58  
Line of edition: 1   წამებაჲ წმიდისა სტეფანჱსი1*


Line of edition: 2        დღეთა მათ პილატჱსთა, მეოთხისა მის ჴელმწიფებისათა, ანაჲსა და კაიაფაჲსა
Line of edition: 3     მღდელთ-მოძღუართაჲსა, წელსა მეათრუამეტესა მასვე ჟამსა(1)*, განკაცებასა
Line of edition: 4     უფლისა ჩუენისა ჲესუ ქრისტჱსსა, მწრაფლ გამოძიებაჲ იყო ფარისეველთაჲ
Line of edition: 5     და სადუკეველთაჲ, რომელნი არიან ცასა ქუეშე. ზრახვა-ყვეს და
Line of edition: 6     თქუეს, ვითარმედ: არდგა დაფლული იგი და გუეჩუენნეს ჩუენ მკუდარნი,
Line of edition: 7     რომელი ჩუენცა უწყოდეთ. ხოლო რომელნიმე იტყოდეს, ვითარმედ: ღმერთი
Line of edition: 8     არს, და რომელნიმე იტყოდეს: მწვალებელი არს, და რომელთამე თქუეს:
Line of edition: 9     გამოჩნდა მშია, რომელსა ჰრქჳან ქრისტე, მათ ჟამთა, ვითარცა გამოთარგმანებდეს
Line of edition: 10     წიგნნი აღტქუმისანი2* და წინაწარმეტყუელთანი და შემდგომნი
Line of edition: 11     წიგნნი. ხოლო ვერვინ თქუა მისთჳს, ვითარმედ დედაკაცისაგან იშვა იგი.
Line of edition: 12        მას ჟამსა აღ-ვინმე-დგა შორის ზრახვასა მას3* შჯულის მასწავლელი,
Line of edition: 13     რომელსა სახელი ერქუა სტეფანე, Page of ms.: 56v  მოუწოდა ერსა მას და ჰრქუა: წინაწარმეტყუელთა
Line of edition: 14     იკითხავთ და არა გულისხმა-ჰყოფთ. პირველად ესაია ღაღად-ყო
Line of edition: 15     და თქუა რომელმან არვლნა შჳდნი ცანი, ვითარ-იგი უთხრობდა4*
Line of edition: 16     მისსა მის განკაცებასა საყუარელისა მისთჳს, იგი წინაწარმეტყელებდა და
Line of edition: 17     თქუა: აჰა ესერა ქალწული მიუდგეს და შვეს ძჱ და უწოდიან5* სახელი მისი
Line of edition: 18     ენმანუელ, რომელი ითარგმანების ძედ ღმრთისა(2)*. მერმე ნათან წინაწარმეტყუელმან
Line of edition: 19     თქუა, ვითარმედ: ქალწულისაგან შობილისა განიხაროს ყოველმან
Line of edition: 20     ჴორციელმან და სიტყუაჲ უფლისაჲ მას შინა დამტკიცნეს. და მერმე
Line of edition: 21     ჲესუ6* ძჱ ნევეჲსი იტყჳს: ვიხილე დასაბამი იგი _ ყრმაჲ წიაღთა ქალწულისათა
Line of edition: 22     და შჯული, რომელ თქუენ გაქუს, მისთჳს იტყჳს ნაყოფი იგი, რომელი
Line of edition: 23     იშვა ქალწულისა მისგან: განმეშოროს ისრაელი შჯულისაგან მისისა და ნათესავნი
Line of edition: 24     რომელ დაშთენ, დაემტკიცნენ იგინი. აწ გგულისხმა-ყავთ, მოხუცებულნო
Line of edition: 25     ერისანო, რამეთუ მე თქუენსა მაგას შჯულსა ამიერითგან არღარა ვიდოდი,
Line of edition: 26     ხოლო მადლსა დაფლულისა მის და აღდგომილისა ჲესუ ქრისტჱსსა
Line of edition: 27     თაყუანის-ვსცე და უგალობდე სახელსა მისსა.
Line of edition: 28        და ვითარცა ესე თქუა, განრისხნა ნეტარი სტეფანე და წარვიდოდა
Line of edition: 29     კრებულისა მისგან.

Page of edition: 59  
Line of edition: 1        მას ჟამსა აღდგა კაიაფა მღდელთ-მოძღუარი და უკმოიქცა სტეფანე
Line of edition: 2     მუნვე კრებულად. მერმე სირცხჳლეულნი ვერღარა იტყოდეს განკაცებისა
Line of edition: 3     მისთჳს ქრისტჱსისა, არამედ ესრე თქუეს, ვითარმედ: მარიამს ღმრთის-მშობელად
Line of edition: 4     შენ იტყჳ.
Line of edition: 5        და აღადგინეს მწიგნობართა1* Page of ms.: 57r  და მღდელთ-მოძღუართა სტეფანე
Line of edition: 6     და წარადგინეს წინაშე პილატე ბჭისა. ვითარცა იხილა პილატე ბჭემან, ჰრქუა
Line of edition: 7     მათ: რაჲ უქმნიეს კაცსა ამას, მღდელსა შუენიერსა, რამეთუ წარმოადგინეთ
Line of edition: 8     ჩემ წინაშე ვითარცა ძჳრის-მოქმედი? მიუგო პოლატე სტეფანეს და ჰრქუა:
Line of edition: 9     მოვედ და დაჯედ მარჯუენით ჩემსა, სტეფანე, რომელი მარადის ჰყუავი
Line of edition: 10     ვითარცა გჳრგჳნი. ქვაო პატიოსანო დიდისა სასყიდლისაო, სტეფანე, მწყემსო
Line of edition: 11     შემდგომთა მოწამეთაო, სტეფანე, მოძღუარო ღმრთის მსახურებისაო! და
Line of edition: 12     ვინ-მე იყოს მსგავს შენდა საუკუნესა მას და მერმესა ცხორებასა და
Line of edition: 13     განსუენებასა?
Line of edition: 14        და ამბორს-უყო პოლატე პირსა სტეფანჱსსა და ჰრქუა: გევედრები შენ,
Line of edition: 15     მონაო ღმრთისაო, ილოცე ჩემთჳს უფლისა მიმართ, რაჲთა მეცა რიცხუსა
Line of edition: 16     შევერთო, რომელთა ჰრწამს ქრისტჱ.
Line of edition: 17        და ჰრქუა პოლატე მღდელთა მათ და ყოველსა კრებულსა: შემძლებელ
Line of edition: 18     ვარ და ჴელ-მეწიფების განტევებად სტეფანჱსა სატანჯველთაგან2*, ხოლო
Line of edition: 19     არა დავაბრკოლო ეგე გზისა მისგან სიმართლისა, არამედ წარიყვანეთ ეგე
Line of edition: 20     ჩემგან, ვითარცა3* გნებავს.
Line of edition: 21        მაშინ წარიყვანეს ნეტარი სტეფანე მღდელთ-მოძღუართა მათ და მწიგნობართა
Line of edition: 22     და წარადგინეს იგი წინაშე ათასისთავისა მის კლავდიოსისა. და
Line of edition: 23     ვითარ-იგი მიუგებდა სტეფანე და ეტყოდა, მას ჟამსა მოვიდა სავლე ფარისეველი
Line of edition: 24     [ტარსონ]4* კილიკიაჲსაჲთ, რომელსა აქუნდა ჴელმწიფებაჲ შეკრვად და შესხმად
Line of edition: 25     საპყრობილესა ყოველთათჳს, რომელნი სახელ-სდებენ ქრისტესა, და
Line of edition: 26     დაჯდა ათასისთავისა მის თანა და ჰკითხ\ვიდა Page of ms.: 57v  ნათესავსა სტეფანჱსსა და
Line of edition: 27     სამკჳდრებელსა. ვითარცა გულისხმა-ყო, ვითარმედ ქრისტესა სახელ-სდებს,
Line of edition: 28     და ვითარცა ესმა ესე, მწრაფლ5* უბრძანა გუემაჲ მისი და შეკრვაჲ და ჰრქუა
Line of edition: 29     მას: თქუ, სტეფანე, ვითარ ჯუარ-ცმულსა6* აღიარებ ღმრთად, რომელ
Line of edition: 30     ჩუენ არა დავიჯერეთ, უფროჲსღა ესე, რამეთუ მარიამს ღმრთის-მშობელად
Line of edition: 31     ხადით? მიუგო წმიდამან სტეფანე და ჰრქუა: ჵ, ვითარ ორთა ძაღლთა სისხლის
Line of edition: 32     მჭამელთა ვჰბრძოდი, რომელთა პური იგი მიიღეს და ჴელნი მისნი შეუკრნეს
Line of edition: 33     და დამშჭუალეს ძელსა! და მიუგო სტეფანე და ჰრქუა ათასისტავსა მას:
Line of edition: 34     მკჳდრო ჯოჯოხეთისაო და თანა-ზიარო ეშმაკისაო, რაჲ გნებავს, თქუ შენცა,
Line of edition: 35     ათასისთაო, დაბრმობილო თუალითა და დარღუეულო ჴორცითა და სულითა
Line of edition: 36     და გულითა გარდაგულარძნილო! რომელმან ხურომან შეუძლოს შენდა ხატად
Line of edition: 37     აღმართებად, ვითარ სახედ ქრისტჱს ჩუენისაჲ, რომელი გამოუჩინებელ არს და
Line of edition: 38     ბრწყინვალე მზითა ბრწყინვალითა და მთოვარჱ და ვარსკულავები7* და ქუეყანაჲ
Page of edition: 60   Line of edition: 1     ყოველი ყოვლითა ნაყოფითა და ყოვლითა შუენიერებითა შეამკო და
Line of edition: 2     აერნი ყოველნი ყოველთა მფრინველთა მიერ შეამკვნა და ზღუაჲ ფერად-ფერადითა
Line of edition: 3     ქუეწარმავალითა აღავსო, რომელმან ესე ყოველი ქმნა, რომელ არს ძჱ
Line of edition: 4     ღმრთისაჲ, ქრისტჱ, ღმრთისაგან1* შობილი, ძჱ მამისაგან, ძალნი ძალთაგან,
Line of edition: 5     რაჲსათჳს ჯუარს-ეცუა? ჵ უგუნურნო! ანუ ვითარ იტყჳთ, ვითარმედ: ვითარ
Line of edition: 6     დედაკაცისაგან იშვა იგი? _ რაჲთამცა2* ცთომაჲ იგი, რომელ იყო სამოთხესა
Line of edition: 7     მას დედაკაცისა მის3* განჴრწნილებისაგან, Page of ms.: 58r  განწმიდა. ანუ ვითარ
Line of edition: 8     იტყჳთ, ვითარმედ: ვითარ ჩჩჳლ იწოდა? _ რაჲთა ჩჩჳლნი იგი დაიცვნეს; სამარიტად
Line of edition: 9     იწოდა, რაჲთა ყოველნი ნათესავი მისა მოაქცინეს; ცთომილად იწოდა,
Line of edition: 10     რაჲთა შეცთომილნი აცხოვნნე; აღდგა, რაჲთა ყოველნივე აღგუადგინნეს. აწ
Line of edition: 11     ვითარ ჰგონებთ, ჵ უგუნურნო? დასცხერ, სავლე, მდევარო ღმრთის მსახურებისაო!
Line of edition: 12     და შენცა წინა-აღგიდგეს სასუმელი ეგე სუმად4*, ამას ღამესა დაგადგეს
Line of edition: 13     შენცა ანგელოზი უფლისაჲ, რამეთუ მრქუა მე სენთჳსცა.
Line of edition: 14        მაშინ განრისხნა სავლე და აღაზრზინა ათასისთავი იგი, რაჲთა თავი
Line of edition: 15     მოჰკუეთონ ღირსსა მას ღმრთისასა. და სცეს მას მახჳლითა, და არა იპოვა
Line of edition: 16     ყოვლადვე წყლულებაჲ ქედსა მისსა. მერმე მოიქცა სავლე და უბრძანა ქვისა
Line of edition: 17     დაკრებაჲ ახოვანსა მას ღმრთისასა. და ვითარცა ქვასა დაჰკრებდეს წმიდასა
Line of edition: 18     სტეფანეს, და ქვისა მისგანი ეცემოდა ათასისთავსა მას და რომელიმე ეცემოდა
Line of edition: 19     ერისაგანთა მათ.
Line of edition: 20        ხოლო წმიდამან სტეფანე ვითარცა იხია გუემულებაჲ იგი ერისაჲ მის,
Line of edition: 21     შეეწყალა ერი იგი და დაიდგინა მუჴლნი ქუეყანასა ზედა და აღიხილნა თუალნი
Line of edition: 22     ზეცად და აღიპყრნა ჴელნი თჳსნი ზე, ილოცვიდა და თქუა: გმადლობ
Line of edition: 23     შენ, ჲესუ ქრისტე, რამეთუ ყოველსა ჟამსა ისმინე ჩემი(1)*. და აწცა გევედრები
Line of edition: 24     შენ, რაჲთა განიკურნნენ გუემულნი ესე, რომელნი იქმან5* უგუნურებით
Line of edition: 25     ჩემ ზედა.
Line of edition: 26        და ვითარ ილოცვიდა ოდენ წმიდაჲ სტეფანე, და მეყსეულად ძრვაჲ
Line of edition: 27     იყო დიდ და განეხუნეს სამყარონი ცისანი, და იხილა ცათა შინა მამაჲ,
Line of edition: 28     Page of ms.: 58v  მჯდომარჱ ზედა საყდართა მბრწყინვალეთა, და ძჱ ჲესუ ქრისტე
Line of edition: 29     მარჯუენით მამისა, და ტრედი ერთი სპეტაკი გარდამოფრინვიდა და მოაქუანდა6*
Line of edition: 30     გჳრგჳნი მბრწყინვალჱ ვითარცა მზისთუალი.
Line of edition: 31        და ვითარცა იხილა წმიდამან სტეფანე დიდებაჲ იგი რმრთისაჲ, მასინ
Line of edition: 32     ჴმაჲ იყო ზეცით გარდამო და თქუა: მჴნე იყავ, სტეფანე, რჩეულო ჩემო, და
Line of edition: 33     ნუ გეშინინ, მწყემსო კეთილო, რამეთუ მრავალნი აცხოვნენ შენითა სარწმუნოებითა
Line of edition: 34     და მოთმინებითა. აღმოგუალე, ჭეშმარიტო ერისთაო ერისა ჩემისაო,
Line of edition: 35     განხმულ7* არიან ცანი შენთჳს, მხიარულ არს მამაჲ და ძჰ და წმიდაჲ
Line of edition: 36     სული შენ ზედა; უხარის ანგელოზთა და კაცთა მართალთასიმჴნჱ ეგე შენი. ჰე,
Line of edition: 37     სტეფანე, რჩეულო ჩემო, იყავნ ნებაჲ შენი და განკურნენ ეგენი, რაჲთა ცნან
Line of edition: 38     ძალი ჩემი და მოწყალებაჲ. მაშინ მიხედა სტეფანე ერსა მას და იხილნა გუემულნი
Page of edition: 61   Line of edition: 1     იგი ქვისა მისგან, ჯუარი დასწერა ერსა მას და ჰრქუა: მიგეტევენ
Line of edition: 2     თქუენ უგუნურებაჲ თქუენი, და სახელითა მამისაჲთა და ძისაჲთა და წმიდისა
Line of edition: 3     სულისაჲთა განიკურნენით.
Line of edition: 4        ხოლო ზაქეოს, მამაჲ იგი სტეფანჱსი, თანა-დგა და არ შეორგულდა1*
Line of edition: 5     და არცაღა დააბრკოლა წმიდაჲ სტეფანე ლოცვასა მას ერისასა, არამედ
Line of edition: 6     მანცა აღიპყრნა ჴელნი და თქუა: უფალო, შეივედრე სული მონისა შენისაჲ,
Line of edition: 7     რომელი ღირს ჰყავ მადლისა მოღებად და იჩინე სასუფეველსა შენსა.
Line of edition: 8        მასინ დაიძინა სტეფანე ძილითა სულნელითა, ხოლო ერი იგი განიკურნა
Line of edition: 9     Page of ms.: 59r  გუემისა მისგან და ცოცხალ იქმნეს, ვითარცა პირველ იყვნეს.
Line of edition: 10        მაშინ უბრძანა ათასისთავმან კლაჳდიოს და სავლე და მღდელთა მათ
Line of edition: 11     და განაგდეს წმიდაჲ სტეფანე ქალაქით გზასა მას კედარით კერძო და
Line of edition: 12     შჯული დადვეს, რაჲთა, და-თუ ვინმე-ჰმარხოს იგი, სიკუდილით მოკუედინ
Line of edition: 13     და ნაყოფი მისი იავარ იქმენინ, არამედ რაჲთა შეჭამონ იგი მფრინველთა
Line of edition: 14     ცისათა და მჴეცთა ქუეყანისათა, რაჲთა სხუანი ხედვიდენ და არა იკადრონ
Line of edition: 15     სახელითა მით ჲესუსითა სწავლად ერსა მას. და დაყო დღჱ და ღამჱ, და
Line of edition: 16     ანგელოზნი სცვივდეს მას.
Line of edition: 17        და მო-ვინმე-ვიდა კაცი მორწმუნჱ ქრისტჱსი, რომელსა სახელი ერქუა
Line of edition: 18     გამალიელ, მრავლითა მოყუასებითა და ღამე წარიღო ოგო და დაჰმარხა
Line of edition: 19     დიდითა პატივითა და მრავლითა სულნელებითა. მასინ წარიყვანა პილატე
Line of edition: 20     ბჭემან ცოლი თჳსი პროკლა, და მივიდეს ადგილსა მას, სადა-იგი ისხნეს
Line of edition: 21     ჴორცნი წმიდისა სტეფანჱსნი, რაჲთამცა დამარხეს იგი, და არა პოვეს. ტიროდეს
Line of edition: 22     ფრიად პილატე და ცოლი მისი და იტყოდეს: მოგჳჴსენენ ცოდვილნი
Line of edition: 23     ესე, ნეტრეულო სტეფანე, მოგჳჴსენენ და ღირს გუყვენ2* ჩუენ ქრისტჱს
Line of edition: 24     ბეჭედსა.
Line of edition: 25        ესე თქუეს და თაყუანის-სცეს ღმერთსა და წარვიდეს სახიდ თჳსა3* და
Line of edition: 26     ფრიად წუხდეს ორნივე. და მასვე ღამესა გამოეცხადა წმიდაჲ სტეფანე და
Line of edition: 27     ჰრქუა პილატეს: ნუ მწუხარე ხართ ჩემთჳს, რამეთუ იყოს რომელთამე ჟამთა
Line of edition: 28     გამოცხადებაჲ ესე ჩემი, ვიდრემდე არა გამოჩნდენ Page of ms.: 59v  ჩემ თანანი მოწამენი;
Line of edition: 29     ხოლო შენ ნუ მწუხარე ხარ, არამედ ნათელი მოიღეთ და ჰყოფდით საჴსენებელსა
Line of edition: 30     ჩემსა ყოველსა ჟამსა და ნუ დააკლებთ და ამცენ შვილთა შენთა და
Line of edition: 31     ყოველთა, რომელთა იციან სახელი ქრისტჱსი.
Line of edition: 32        მასინ წარიყვანა პილატე ცოლი თჳსი და მივიდა მოციქულისა პეტრჱსა
Line of edition: 33     და ნათელი მოიღო პილატე და ცოლმან მისმან და სიმრავლემან ერისამან
Line of edition: 34     მას დღესა, ხუთასმან კაცმან, რომელთა ჰრწმენა ქრისტე.
Line of edition: 35        და აღესრულა წმიდაჲ სტეფანე თთუესა სურწყნისასა4* მეექუსესა, დღესა
Line of edition: 36     პარასკევსა, ჟამსა მეშჳდესა.
Line of edition: 37        და ესრჱთ ვიხილე წმიდაჲ სტეფანე მე, პილატე, ზედა ათორმეტთა
Page of edition: 62   Line of edition: 1     ვარსკულავთა მჯდომარჱ, ხოლო პირი მისი მბრწყინვალე, ვითარცა ანგელოზისაჲ;
Line of edition: 2     და თავსა მისსა ზედა იყო ჯუარი და ფრიად ბრწყინვალებითა მისითა
Line of edition: 3     ვერ განვიცდიდ ხატსა მას მისსა. და ამის ყოვლისა შემდგომად ვიხილენ ეტლნი
Line of edition: 4     ცეცხლისანი და ვიხილე მათ ზედა მჯდომარჱ წმიდაჲ სტეფანე, და ესრჱთ
Line of edition: 5     არიყვანეს იგი უფლისა ჩუენისა იესუ ქრისტჱსა, რომლისაჲ არს დიდებაჲ და
Line of edition: 6     პატივი უკუნითი უკუნისამდე. ამენ.



Next part


This text is part of the TITUS edition of Sinai Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.