TITUS
Sinai Polycephalion
Part No. 55
Previous part

Text: A-III  
Page of edition: 283  
Page of ms.: 275r 


Line of edition: 1   სახელითა ღმრთისაჲთა



Line of edition: 2   ქებაჲ და დიდებაჲ ქართულისა ენისაჲ


Line of edition: 3        დამარხულ არს ენაჲ ქართული დღედმდე მეორედ მოსლვისა მისისა საწამებელად,
Line of edition: 4     რაჲთა ყოველსა ენასა ღმერთმან ამხილოს ამით ენითა. და ესე
Line of edition: 5     ენაჲ მძინარე1* არს დღესამომდე, და სახარებასა შინა ამას ენასა ლაზარე
Line of edition: 6     ჰრქჳან. და ახალმან ნინო მოაქცია და ჰჱლენე დედოფალმან, ესე არიან ორნი
Line of edition: 7     დანი, ვითარცა მარიამ და მართაჲ. და მეგობრობაჲ ამისთჳს თქუა, ვითარმედ
Line of edition: 8     ყოველი საიდუმლოჲ2* ამას ენასა შინა დამარხულ არს, და ოთხისა დღისა
Line of edition: 9     მკუდარი3* ამისთჳს თქუა დავით წინაწარმეტყუელმან, რამეთუ: წელი ათასი
Line of edition: 10     ვითარცა ერთი დღჱ(1)*. და სახარებასა შინა ქართულსა თავსა ხოლო მათჱსსა
Line of edition: 11     წილი4* ზის, რომელ ასოჲ არს და იტყჳს ყოვლად ოთხ ათასსა მარაგსა.
Line of edition: 12     და ესე არს ოთხი დღჱ და ოთხისა დღისა მკუდარი5*, ამისთჳს მის თანავე
Line of edition: 13     დაფლული სიკუდილითა ნათლის-ღებისა მისისაჲთა.
Line of edition: 14        და ესე ენაჲ, შემკული და კურთხეული სახელითა უფლისაჲთა, მდაბალი
Line of edition: 15     და დაწუნებული, მოელის დღესა მას მეორედ მოსლვასა უფლისასა. და
Line of edition: 16     სასწაულად ესე აქუს: ოთხმეოც და ათოთხმეტი წელი უმეტჱს სხუათა ენათა
Line of edition: 17     ქრისტჱს6* მოსლვითგან ვიდრე დღესამომდე.
Line of edition: 18        და ესე ყოველი, რომელი წერილ არს, მოწამედ წარმოგითხარ, ასი ესე
Line of edition: 19     წილი ანბანისაჲ.
Line of edition: 20        ლოცვა-ყავთ, წმიდანო ღმრთისანო, ლოცვა-ყავთ!
Line of edition: 21        ქრისტე, შეიწყალე მჩხრეკალი7* ამისი იოვანე8*. ამენ9*.


Next part


This text is part of the TITUS edition of Sinai Polycephalion.

Copyright TITUS Project, Frankfurt a/M, 19.11.2023. No parts of this document may be republished in any form without prior permission by the copyright holder.