Isusen exlätṗi čarḳiṭuxun oša göynul be͑ġi pine: "Ay Bava, vaxṭ \ hare! Vi Ġare kalaluġa aḳesṭa ki, Ġarenal Vi c̣iyaq̇an alabi.
Hun Šoṭo bitoṭay loxol exṭiyären tadi ki, Šoṭinal Vi tadiṭoġo bitova hämišäluġ yäšäyinš tadane.
Hämišäluġ yäšäyinšal mone ki, Va - täk bakala seri Buxaʒ́uġo saal Hun yaq̇abi Isus *Xrisṭosa čalxaṭun.
Hun Za tapšurbi äšurxo bex ṗaṗespsunen oćali ćoyel Vi kalaluġa aḳesezdi.
Ay Bava, Zu Vi ṭo͑ġo͑l bakaṭan, hälä dünyä yaranmišakiṭuxun be͑ś Bezi c̣i alabakeney. Häysä ṗurum Bezi c̣iya Vi ṭo͑ġo͑l alaba
Dünyänexun Hun Za tadi amdarxo Vi Šu baksunaz aḳesṭi. Šorox Viṭuniy. Hun šoṭoġo Zan tadi, šoṭoġonal Vi äyitä ämälṭunbi.
Häysääl avaṭun ki, Za ḳä tadenu bito Vaxune.
Šoṭaynaḳ ki, Za avabakesṭi äyitmoġo šoṭoġo avabakesezdi, šoṭoġonal q̇abulṭunbi. Vi ṭo͑ġo͑lxun eysuna hägigiyal q̇amišṭunbaki, Za Hun yaq̇absunal ve͑ṭunbaki.
Zu šoṭoġoynaḳez afərəne. Dünyäneynaḳ tää, Za tadiṭoġoynaḳez xoyinśbsa, šoṭaynaḳ ki, šorox Viṭun.
Bezi bakala här šey Vine, Vi bakaloroxal Bezine, šoṭoġoxunez Bezi c̣iya alabe.
Zu me dünyäne gele tez mandal, Zu Vi ṭo͑ġo͑lez qaybaksa. Šorox isä me dünyäneṭun mansṭa. Ay *ə͑vel Bava, šoṭoġo Za tadi Vi c̣iye zoren q̇oriša ki, Yallariḳ saq̇aṭun baki.
Šoṭoġoxun sagala baki vädine šoṭoġo Hun Za tadi Vi c̣iye zoren q̇orišezbsay. Šoṭoġo ezfi. ω͑vel Cam bex ṗaṗeq̇an pi äfčibaksuna q̇ärar tadeci amdaraxun bašq̇a, šoṭoġoxun šuḳḳal tene aći. *
Häysäl Vi ṭo͑ġo͑lez eysa. Heq̇ädär ki me dünyänezu, me äyitmoġo nexzu ki, Bezi mu͑qluġ šoṭoġosṭal bol-bolq̇an baki.
Zu šoṭoġo Vi äyitä ṗaṗesezbi. Dünyänen šoṭoġo nifrätebi, šoṭaynaḳ ki, Zu me dünyänexun nu bakala ḳinäḳ šoroxal me dünyänexun teṭun.
Šoṭoġo me dünyänexun exsṭuna tää, šoṭoġo šär bakalṭuxun q̇orišbsunaz Vaxun xoyinśbsa.
Zu me dünyänexun nu bakala ḳinäḳ šoroxal me dünyänexun teṭun.
Šoṭoġo Vaynaḳ Vi seri bakala äyiti zoren ə͑velba. Seri bakalo sayǯä Vi äyite.
Hun Za me dünyäne yaq̇abi ḳinäḳ Zuval šoṭoġo me dünyänez yaq̇abi.
Za šoṭoġoy därdenez Va *häsrbsa ki, šorox hägigiyal Viq̇aṭun baki.
Sayǯä šoṭoġoynaḳ tää, šoṭoġoy äyiten Za ve͑ bakalṭoġoynaḳal afərəzne ki,
bütüm saq̇aṭun baki. Ay Bava, Hun Zasṭa, Zuval Vasṭa bakala ḳinäḳ šoroxal Yasṭa bakeq̇an ki, dünyänen Vi Za yaq̇absuna ve͑bakeq̇an.
Hun Za tadi c̣iye kalaluġa Zuval šoṭoġoz tadi ki, Yan sa \ bakala ḳinäḳ šoroxal saq̇aṭun baki.
Zu šoṭoġosṭa, Hunal Zasṭanu. Barta šoroxal tam saq̇aṭun baki ki, me dünyänen Vi Za yaq̇absuna, Za čureġala ḳinäḳ šoṭoġoval čuresuna avabakeq̇aṭun.
Ay Bava, xaišezbsa ki, Hun Za tadi amdarxoval Bezi bakala gala Zaxunq̇aṭun baki. Barta Hun Za tadi c̣iye kalaluġa aḳeq̇aṭun, šoṭaynaḳ ki, Hun dünyä yaranmišakalṭuxun be͑śen Za čureci.
Ay düzgün bakala Bava, me dünyänen Va tene čalxi, Zu isä Va čalezxsa, moṭoġonal Vi Za yaq̇absuna avaṭunbaki.
Vi šu baksuna šoṭoġo avabakesezdi, avabakesṭunal davamboz ki, Vi za tadi čuresun šoṭoġosṭa bakala ḳinäḳ, Zuval šoṭoġosṭa bakaz".
