TITUS Texts: Biblia Udica, Versio Nizhensis: Vetus Testamentum

TITUS
Biblia Udica, Versio Nizhensis: Vetus Testamentum
Part No. 186

Chapter: 106

106-ǯi ω͑vel mä͑ġ
106-ci Ǐvel mə̌ğ

Verse: 1    Q̣ONƷ́UĠO halalq̇an baki! ^*
   Q'ONČUĞO halalq'an baki! ^*
   \ Q̣ONƷ́UĠO šükürbanan, šoṭo görä ki, šaaṭ bakalone Šo,
   \ Q'ONČUĞO şükürbanan, şot'o görə ki, şaat' bakalone Şo,
    Šoṭay yax čuresun hämišäluġe, nu badalbakala čuresune šo!
    Şot'ay yax çuresun həmişəluğe, nu badalbakala çuresune şo!

Verse: 2    Q̣ONƷ́UĠOY kalaluġi ḳä baksuna pi čarḳala šey tene,
   Q'ONČUĞOY kalaluği k'ə baksuna pi çark'ala şey tene,
    Mani äyitmuxe Šoṭay c̣iya alabseynaḳ bäs bakon?
    Mani əyitmuxe Şot'ay s'iya alabseynak' bəs bakon?

Verse: 3    Düzgünluġi täräf bakalorox,
   Düzgünluği tərəf bakalorox,
    Düz yaq̇axun nu č̣eġalorox he bäxṭävärṭun!
    Düz yaq'axun nu c'eğalorox he bəxt'əvərt'un!

Verse: 4    Ay Q̣ONƷ́UX, Vi üḳel basksuni ḳä baksuna Vi azuḳa aḳesṭaṭan zaal eyexun ma č̣evḳa,
   Ay Q'ONČUX, Vi ük'el basksuni k'ə baksuna Vi azuk'a ak'est'at'an zaal eyexun ma c'evk'a,
    Šoṭoġoynaḳ häzirbi čarḳesunaxun zaynaḳal q̇əsmaṭba.
    Şot'oğoynak' həzirbi çark'esunaxun zaynak'al q'ısmat'ba.

Verse: 5    Barta zuval Vi č̣äḳṗi bäxṭävärxoxun soġo bakaz,
   Barta zuval Vi c'ək'p'i bəxt'əvərxoxun soğo bakaz,
    Barta Vi azuḳaxun sagala mu͑qluġi ḳä baksuna aḳaṭan
    Barta Vi azuk'axun sagala mǔqluği k'ə baksuna ak'at'an
    Vaynaḳ č̣äḳṗiṭoġoxun sagala Vi c̣iya alabes bakaz!
    Vaynak' c'ək'p'it'oğoxun sagala Vi s'iya alabes bakaz!

Verse: 6    Mone, beš bavoġoxun avuzin teyan baki yan,
   Mone, beş bavoğoxun avuzin teyan baki yan,
    Yanal šoṭoġollariḳ günaxyan äšṗesṭi,
    Yanal şot'oğollarik' günaxyan əşp'est'i,
    Vi laxi ḳanunxoxun č̣eri
    Vi laxi k'anunxoxun c'eri
    Düz nu bakala yaq̇enyan taysa burqi.
    Düz nu bakala yaq'enyan taysa burqi.

Verse: 7    Vi Misirä bi möǯüzoġo aḳiyal bakayṭun, pulmux tene qayeci šoṭoġoy,
   Vi Misirə bi möcüzoğo ak'iyal bakayt'un, pulmux tene qayeśi şot'oğoy,
    Vi Šu baksuna teṭun q̇amišaki,
    Vi Şu baksuna tet'un q'amişaki,
    Ičoġoynaḳ bi ṭema šaaṭluġa eyexun č̣evḳi
    İçoğoynak' bi t'ema şaat'luğa eyexun c'evk'i
    Vi äyiti loxol äyitṭun ečeri šoṭoġon Ć̣oć̣a dänizi ṭo͑ġo͑l. ^*
    Vi əyiti loxol əyitt'un eçeri şot'oğon Č'oč'a dənizi t'ǒğǒl. ^*

Verse: 8    Ama Q̣ONƷ́UĠON Iz kalaluġa aḳesṭeynaḳ,
   Ama Q'ONČUĞON İz kalaluğa ak'est'eynak',
    Iz c̣iya görä ṗurumal čarḳesedi šoṭoġo.
    İz s'iya görə p'urumal çark'esedi şot'oğo.

Verse: 9    Ć̣oć̣a dänizi xene zaṗeci Šoṭay ämiren,
   Č'oč'a dənizi xene zap'eśi Şot'ay əmiren,
    Dänizi bošṭane tašeri šoṭoġo
    Dənizi boşt'ane taşeri şot'oğo
    Q̣ariluġen tašala ḳinäḳ.
    Q'ariluğen taşala k'inək'.

Verse: 10    Düšmänxoy kiyexune haq̇i šoṭoġo,
   Düşmənxoy kiyexune haq'i şot'oğo,
    Ičoġo nifrätbalṭoġoxune čarḳesṭi.
    İçoğo nifrətbalt'oğoxune çark'est'i.

Verse: 11    Xenen zapi tanešeri ṭe düšmänxo,
   Xenen zapi taneşeri t'e düşmənxo,
    Sayǯoval dirisṭ tene mandi šoṭoġoxun.
    Saycoval dirist' tene mandi şot'oğoxun.

Verse: 12    Ṭe vädäṭun Q̣ONƷ́UĠOY Iz tadi äyiti loxol čurpsuna ve͑baki,
   T'e vədət'un Q'ONČUĞOY İz tadi əyiti loxol çurpsuna věbaki,
    Šoṭay c̣iya alabala mä͑ġurṭun mä͑ġbsa burqi šoṭoġon. ^*
    Şot'ay s'iya alabala mə̌ğurt'un mə̌ğbsa burqi şot'oğon. ^*

Verse: 13    Ama boxoy tene zapi šoṭoġoy ve͑baksunen,
   Ama boxoy tene zapi şot'oğoy věbaksunen,
    Samal oša ṗurum eyexun č̣evṭunḳi Q̣ONƷ́UĠOY biṭoġo,
    Samal oşa p'urum eyexun c'evt'unk'i Q'ONČUĞOY bit'oğo,
    Porṭteṭunbi Šoṭay äyit tadiyorox hari bex č̣eysuna.
    Port'tet'unbi Şot'ay əyit tadiyorox hari bex c'eysuna.

Verse: 14    Yeq̇ uksune čureci šoṭoġoy üḳen ṭe amc̣i oćala,
   Yeq' uksune çureśi şot'oğoy ük'en t'e ams'i oç̌ala,
    Buxaʒ́uġoṭun sinäyinši šoṭoġon,
    Buxačuğot'un sinəyinşi şot'oğon,
    Šoṭay ičoġoxun baki nu baksunaṭun aksun čureci ṭe xam gala.
    Şot'ay içoğoxun baki nu baksunat'un aksun çureśi t'e xam gala.

Verse: 15    Buxaʒ́uġonal šoṭoġo ičoġoy čureġalṭu ṗaṗesebi,
   Buxačuğonal şot'oğo içoğoy çureğalt'u p'ap'esebi,
    Ama bać̣anexun azar badi ḳac̣epi šoṭoġo. ^*
    Ama bač'anexun azar badi k'as'epi şot'oğo. ^*

Verse: 16    Moiseya q̇a Q̣ONƷ́UĠOY be͑yinśluġbseynaḳ č̣äḳeci Aaronaṭun paxəlluġbsa burqi šoṭoġon
   Moiseya q'a Q'ONČUĞOY běyinšluğbseynak' c'ək'eśi Aaronat'un paxılluğbsa burqi şot'oğon
    Amc̣i oćala čurpi vädine. ^*
    Ams'i oç̌ala çurpi vədine. ^*

Verse: 17    Oćale qə͑baki Daṭani turin oq̇a,
   Oç̌ale qı̌baki Dat'ani turin oq'a,
    Dirisṭ-dirisṭ q̇uč̣epi šoṭo q̇a Avirami bel ġireciṭoġo oćalen.
    Dirist'-dirist' q'uc'epi şot'o q'a Avirami bel ğireśit'oğo oç̌alen.

Verse: 18    Aruxe bafṭi šoṭoġoy bakala gala,
   Aruxe baft'i şot'oğoy bakala gala,
    Boḳosṗi cinepi ṭe pisṭoġo e͑qeci yaloven.
    Bok'osp'i śinepi t'e pist'oğo ěqeśi yaloven.

Verse: 19    Araḳi heykälṭun düzbi šoṭoġon ičoġoynaḳ Xorev ^* buruġoy tume,
   Arak'i heykəlt'un düzbi şot'oğon içoğoynak' Xorev ^* buruğoy tume,
    Q̣äliben düzeci sa biniḳäṭun bul ḳoc̣bsa burqi.
    Q'əliben düześi sa binik'ət'un bul k'os'bsa burqi.

Verse: 20    Iz c̣i Iz loxol bakala Buxaʒ́uġo bul ḳoc̣bsunenṭun č̣äḳesay šorox bito azuḳxoxun,
   İz s'i İz loxol bakala Buxačuğo bul k'os'bsunent'un c'ək'esay şorox bito azuk'xoxun,
    Ama Šoṭo hiḳḳalṭunbi!
    Ama Şot'o hik'k'alt'unbi!
    Taci o ukala sa araḳeynaḳ laxeci heykäläṭun bul ḳoc̣ṗi šoṭoġon!
    Taśi o ukala sa arak'eynak' laxeśi heykələt'un bul k'os'p'i şot'oğon!

Verse: 21-22    Ičoġo čarḳesṭi Buxaʒ́uġo,
   İçoğo çark'est'i Buxačuğo,
    Misirä nu aḳeci äšur biq̇iṭu,
    Misirə nu ak'eśi əşur biq'it'u,
    Xame oćala ^* aḳesṭi ṭe möǯüzoġo,
    Xame oç̌ala ^* ak'est'i t'e möcüzoğo,
    Ć̣oć̣a dänizi bel ṭe äšurxo ečeriṭuṭun eyexun č̣evḳi šoṭoġon.
    Č'oč'a dənizi bel t'e əşurxo eçerit'ut'un eyexun c'evk'i şot'oğon.

Verse: 23    Q̣ONƷ́UĠONAL ṭe vädä "äfčiboz koṭoġo tumexun" pine,
   Q'ONČUĞONAL t'e vədə "əfçiboz kot'oğo tumexun" pine,
    Äfčiyalbaley, ägär Iz č̣äḳṗi Moiseyen iču Šoṭay boḳosṗi ciḳala äǯuġoy be͑ś boseri
    Əfçiyalbaley, əgər İz c'ək'p'i Moiseyen içu Şot'ay bok'osp'i śik'ala əcuğoy běš boseri
    Šoṭay tadi q̇ärara nu badalbesṭiyniy. ^*
    Şot'ay tadi q'ərara nu badalbest'iyniy. ^*

Verse: 24    Teṭun čureci šoṭoġon ičoġo äyit tadeci ṭe gözäl Känan oćala,
   Tet'un çureśi şot'oğon içoğo əyit tadeśi t'e gözəl Kənan oç̌ala,
    Buxaʒ́uġoy tadi äyitä teṭun ve͑baki.
    Buxačuğoy tadi əyitə tet'un věbaki.

Verse: 25    Čadəri boš arci ṭoṭopsunaṭun č̣äḳṗi šoṭoġon,
   Çadıri boş arśi t'ot'opsunat'un c'ək'p'i şot'oğon,
    Q̣ONƷ́UĠOY ičoġoynaḳ häzirbiṭoġo tää.
    Q'ONČUĞOY içoğoynak' həzirbit'oğo təə.

Verse: 26    Q̣ONƷ́UĠONAL ṭe vädä Iz kula alabi elasepi,
   Q'ONČUĞONAL t'e vədə İz kula alabi elasepi,
    Šoṭoġoy ṭe amc̣i oćala äfčibaki taysuna,
    Şot'oğoy t'e ams'i oç̌ala əfçibaki taysuna,

Verse: 27    Ičoġoxun bakiṭoġoyal buxaʒ́uxsuzṭoġoy turin oq̇a ćaxćuxeci
   İçoğoxun bakit'oğoyal buxačuxsuzt'oğoy turin oq'a ç̌axç̌uxeśi
    Šoṭoġoy oćalxo caresunane äyit tadi. ^*
    Şot'oğoy oç̌alxo śaresunane əyit tadi. ^*

Verse: 28    P̣eor buruġoy bel bakala biniḳ buxaʒ́ux Baalaṭun bul ḳoc̣ṗi šoṭoġon,
   P'eor buruğoy bel bakala binik' buxačux Baalat'un bul k'os'p'i şot'oğon,
    Hiḳḳal bes nu bakala sa biniḳxoynaḳ ečeri q̇urbani yeq̇axunṭun käyi.
    Hik'k'al bes nu bakala sa binik'xoynak' eçeri q'urbani yeq'axunt'un kəyi.

Verse: 29    Buxaʒ́uġoy äǯuġoṭun biq̇esṭi šoṭoġon me äšurxon,
   Buxačuğoy əcuğot'un biq'est'i şot'oğon me əşurxon,
    Azare yaq̇abi Šoṭinal ičoġoynaḳ.
    Azare yaq'abi Şot'inal içoğoynak'.

Verse: 30    Ama P̣inexasi hayzeri häyif haq̇sunen Buxaʒ́uġoy üḳä čaxeveḳi,
   Ama P'inexasi hayzeri həyif haq'sunen Buxačuğoy ük'ə çaxevek'i,
    Zaṗepi Šoṭin Iz kula, ḳac̣esunal čurepi.
    Zap'epi Şot'in İz kula, k'as'esunal çurepi.

Verse: 31    Šaaṭe aḳeci P̣inexasi biq̇i ṭe äš Buxaʒ́uġoy piyes,
   Şaat'e ak'eśi P'inexasi biq'i t'e əş Buxačuğoy piyes,
    Šoṭo hämišäluġ bakala,
    Şot'o həmişəluğ bakala,
    Lap ičuxun oša izi näsiläxunal nu kambakala sa xeyir-bäräkäte tadi Šoṭin. ^*
    Lap içuxun oşa izi nəsiləxunal nu kambakala sa xeyir-bərəkəte tadi Şot'in. ^*

Verse: 32    Meriva xene ṭo͑ġo͑l bakaṭanal Buxaʒ́uġoy äǯuġo biq̇esṭundi šoṭoġon,
   Meriva xene t'ǒğǒl bakat'anal Buxačuğoy əcuğo biq'est'undi şot'oğon,
    Moiseyi bula bälinäne badi ṭe vädä šoṭoġoy biṭoġon.
    Moiseyi bula bəlinəne badi t'e vədə şot'oğoy bit'oğon.

Verse: 33    Šoṭoġonṭun Moiseya ičuxun č̣evḳi,
   Şot'oğont'un Moiseya içuxun c'evk'i,
    Šoṭinal äyitä uḳaṭan fikirbinuṭe pi. ^*
    Şot'inal əyitə uk'at'an fikirbinut'e pi. ^*

Verse: 34    Q̣ONƷ́UĠOY ämirä ämälteṭunbi šoṭoġon,
   Q'ONČUĞOY əmirə əməltet'unbi şot'oğon,
    Šoṭay pi ḳinäḳ taci ṭe azuḳxo äfčibsuni gala
    Şot'ay pi k'inək' taśi t'e azuk'xo əfçibsuni gala

Verse: 35    Šoṭoġo gärbaki
   Şot'oğo gərbaki
    Šoṭoġoy ädätxon taysaṭun burqi.
    Şot'oğoy ədətxon taysat'un burqi.

Verse: 36    Ṭe azuḳxoy äfči buxaʒ́uxxo bul ḳoc̣ṗi
   T'e azuk'xoy əfçi buxačuxxo bul k'os'p'i
    Šoṭoġoy tälinäṭun bafṭi šorox.
    Şot'oğoy təlinət'un baft'i şorox.

Verse: 37    Q̣urbanṭun ešṭay šoṭoġon ičoġoy ġarmoġo q̇a xuyärmoġo
   Q'urbant'un eşt'ay şot'oğon içoğoy ğarmoğo q'a xuyərmoğo
    Ṭe buxaʒ́uxsuzṭoġoy "buxaʒ́ux" pi bul ḳoc̣ṗala biniḳxoynaḳ. ^*
    T'e buxačuxsuzt'oğoy "buxačux" pi bul k'os'p'ala binik'xoynak'. ^*

Verse: 38    Ičoġoy taxsərsuz äyloġoy ṗiyaṭun ciney šoṭoġon metär q̇urban ešṭunen,
   İçoğoy taxsırsuz əyloğoy p'iyat'un śiney şot'oğon metər q'urban eşt'unen,
    Ṭe oćalaṭun murdarlayinšbsay šoṭoġon känanluġoy biniḳ buxaʒ́uxxo bul ḳoc̣bsunen.
    T'e oç̌alat'un murdarlayinşbsay şot'oğon kənanluğoy binik' buxačuxxo bul k'os'bsunen.

Verse: 39    Q̣onʒ́uġoy laxi yaq̇axun č̣eysun,
   Q'ončuğoy laxi yaq'axun c'eysun,
    Šoṭoxun ġaćeci ə͑vel iräziluġa murdarlayinšbsun upsuney šoṭoġoy me häräkätxo. ^*
    Şot'oxun ğaç̌eśi ı̌vel irəziluğa murdarlayinşbsun upsuney şot'oğoy me hərəkətxo. ^*

Verse: 40    Moṭo göräl bäč̣üḳeci Q̣ONƷ́UĠOY äǯuġ Iz azuḳi loxol,
   Mot'o görəl bəc'ük'eśi Q'ONČUĞOY əcuğ İz azuk'i loxol,
    Iriṭepi Šoṭin Iz č̣äḳṗiyorox bakalṭoġoxun.
    İrit'epi Şot'in İz c'ək'p'iyorox bakalt'oğoxun.

Verse: 41    Q̣eräz millätxoy kiyele tadi šoṭoġo,
   Q'erəz millətxoy kiyele tadi şot'oğo,
    Ṭe düšmän bakalṭoġonal ćaxćuxṗi č̣ovaṭunksay šoṭoġoy loxolxun.
    T'e düşmən bakalt'oğonal ç̌axç̌uxp'i c'ovat'unksay şot'oğoy loxolxun.

Verse: 42    Zülümṭun tasṭay šoṭoġo,
   Zülümt'un tast'ay şot'oğo,
    Šoṭoġonal ičoġoy säsä č̣evḳes teṭunbaksay.
    Şot'oğonal içoğoy səsə c'evk'es tet'unbaksay.

Verse: 43    Düze, čarḳesesṭay šoṭoġo Q̣ONƷ́UĠON gele vädä,
   Düze, çark'esest'ay şot'oğo Q'ONČUĞON gele vədə,
    Ama šoṭoġon ṗurumal ičoġoy źomoy tüšen taci
    Ama şot'oğon p'urumal içoğoy ǰomoy tüşen taśi
    Günaxa bafsṭunen Q̣ONǮUĠOY äǯuġo biq̇esṭunsṭay. ^*
    Günaxa bafst'unen Q'ONCUĞOY əcuğo biq'est'unst'ay. ^*

Verse: 44    Šoṭoġoy xoyinśa ibakaṭan,
   Şot'oğoy xoyinša ibakat'an,
    Šoṭoġoy zaṗḳala äzyätxo aḳaṭan isä
    Şot'oğoy zap'k'ala əzyətxo ak'at'an isə

Verse: 45    Aḳesesṭay Izi nu badalbakala čuresuni ḳä baksuna, goroxe eysay šoṭoġo.
   Ak'esest'ay İzi nu badalbakala çuresuni k'ə baksuna, goroxe eysay şot'oğo.
    Eyexe bafsṭay Izi šoṭoġoxun ġaćeci iräziluġ.
    Eyexe bafst'ay İzi şot'oğoxun ğaç̌eśi irəziluğ.

Verse: 46    Ṭe vädäl ṭetäre bsay ki, šoṭoġo zülüm tadalorox ǯügüṭun baksay.
   T'e vədəl t'etəre bsay ki, şot'oğo zülüm tadalorox cügüt'un baksay.
    Ṭo͑o͑x laxalaṭun baksay šoṭoġon ičoġoy q̇äddarluġa. ^*
    T'ǒǒx laxalat'un baksay şot'oğon içoğoy q'əddarluğa. ^*

Verse: 47    Čarḳesṭa yax, ay beš Buxaʒ́ux bakala Q̣ONƷ́UX,
   Çark'est'a yax, ay beş Buxačux bakala Q'ONČUX,
    Me azuḳxoy aranexun č̣evḳi yax sagala girba ki,
    Me azuk'xoy aranexun c'evk'i yax sagala girba ki,
    Vi ə͑vel c̣iya alabala mä͑ġur mä͑ġpes baken yan,
    Vi ı̌vel s'iya alabala mə̌ğur mə̌ğpes baken yan,
    Barta beš üḳq̇an qayeci Va tärifläyinšaṭan. ^*
    Barta beş ük'q'an qayeśi Va tərifləyinşat'an. ^*

Verse: 48    Barta burqesunaxun maġay baki ḳinäḳ
   Barta burqesunaxun mağay baki k'inək'
    Meyin ošal hämišä Israili Buxaʒ́ux bakala Q̣ONƷ́UĠO alxəšq̇an baki!
    Meyin oşal həmişə İsraili Buxačux bakala Q'ONČUĞO alxışq'an baki!
    Barta bito azuḳxonal sa säsen "ammen "q̇aṭun pi!
    Barta bito azuk'xonal sa səsen "ammen"q'at'un pi!
   \ Q̣ONƷ́UĠO halalq̇an baki!
   \ Q'ONČUĞO halalq'an baki!

Girke qoomǯi hissä: 107-150-ǯi ω͑vel mä͑ġurxo.
Girke qoomci hissə: 107-150-ci Ǐvel mə̌ğurxo.

This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.