TITUS
Biblia Udica, Versio Nizhensis: Vetus Testamentum
Part No. 215
Previous part

Chapter: 135 

135-ǯi ω͑vel mä͑ġ
135-ci Ǐvel mə̌ğ


Verse: 1    "Q̣ONƷ́UĠO halalq̇an baki" * upanan!
   "Q'ONČUĞO halalq'an baki" * upanan!
   \ Q̣ONƷ́UĠOY c̣iya alabi Šoṭo "halalq̇an baki" upanan,
   \ Q'ONČUĞOY s'iya alabi Şot'o "halalq'an baki" upanan,
    Ay Q̣ONƷ́UĠOY nökärxo, Šoṭo "halalq̇an baki" upanan!
    Ay Q'ONČUĞOY nökərxo, Şot'o "halalq'an baki" upanan!

Verse: 2    Ay Q̣ONƷ́UĠOY xrama,
   Ay Q'ONČUĞOY xrama,
    Beši Buxaʒ́uġoy xrame määlne q̇ulluġbalorox,
    Beşi Buxačuğoy xrame məəlne q'ulluğbalorox,

Verse: 3    "Q̣ONƷ́UĠO halalq̇an baki" upanan!
   "Q'ONČUĞO halalq'an baki" upanan!
    Šoṭaynaḳ ki, šaaṭ bakalone Šo,
    Şot'aynak' ki, şaat' bakalone Şo,
    Amdarane mu͑qsṭa Šoṭay c̣iya alabsunen!
    Amdarane mǔqst'a Şot'ay s'iya alabsunen!

Verse: 4    Axəri Q̣ONƷ́UĠON Iaḳovi näsilä Ičeynaḳe č̣äḳṗi,
   Axıri Q'ONČUĞON İak'ovi nəsilə İçeynak'e c'ək'p'i,
    Israila Izi azuḳe bi Šoṭin.
    İsraila İzi azuk'e bi Şot'in.

Verse: 5    Avazu ki, Q̣ONƷ́UX kalane,
   Avazu ki, Q'ONČUX kalane,
    Beš Q̣onʒ́ux bito buxaʒ́uxxoxun üsṭüne.
    Beş Q'ončux bito buxačuxxoxun üst'üne.

Verse: 6    Göyurxo, oćali ćo, dänizxo, bä͑ġä͑loyluġxo -
   Göyurxo, oç̌ali ç̌o, dənizxo, bə̌ğə̌loyluğxo -
    Morox bito beši Buxaʒ́uġoy kiyele,
    Morox bito beşi Buxačuğoy kiyele,
    Izi čureġala ḳinäḳe baksa miya här sa šey.
    İzi çureğala k'inək'e baksa miya hər sa şey.

Verse: 7    Asoyxone ešṭa Šoṭin oćali ṭe belxun,
   Asoyxone eşt'a Şot'in oç̌ali t'e belxun,
    Aġala eġaṭan duġala c̣ä͑q̇al Šoṭay äše.
    Ağala eğat'an duğala s'ə̌q'al Şot'ay əşe.
    Fupi tašala mušal Šoṭine yaq̇absa Iz girbi efi ganuxun.
    Fupi taşala muşal Şot'ine yaq'absa İz girbi efi ganuxun.

Verse: 8    Šoṭin misirluġoy bito süfṭin ġar äyloġone besṗi,
   Şot'in misirluğoy bito süft'in ğar əyloğone besp'i,
    Insani süfṭin ġar äyläxun burqi heyvani süfṭin ärkäy balinal ciriḳ.
    İnsani süft'in ğar əyləxun burqi heyvani süft'in ərkəy balinal śirik'.

Verse: 9    Nu aḳeci, beyne nu ṗaq̇ala äšure bi Šoṭin vi oćala, ay Misir,
   Nu ak'eśi, beyne nu p'aq'ala əşure bi Şot'in vi oç̌ala, ay Misir,
    Faraonen q̇a izi sarayi amdarxonṭun moṭoġo ičoġoy loxol hisṗi. *
    Faraonen q'a izi sarayi amdarxont'un mot'oğo içoğoy loxol hisp'i. *

Verse: 10    Gele azuḳxone äfčibi Šoṭin,
   Gele azuk'xone əfçibi Şot'in,
    Zorba padčaġxone ḳac̣ṗi cipi.
    Zorba padçağxone k'as'p'i śipi.

Verse: 11    Emorluġoy padčaġ Sixona,
   Emorluğoy padçağ Sixona,
    Bašani padčaġ Oga,
    Başani padçağ Oga,
    Saal Känani bito padčaġxone äfčibi.
    Saal Kənani bito padçağxone əfçibi.

Verse: 12    Šoṭoġoy oćalxo ičoġoy kiyexun exṭi
   Şot'oğoy oç̌alxo içoğoy kiyexun ext'i
    Iz azuḳ bakala israilluġone hämišäluġ tadi. *
    İz azuk' bakala israilluğone həmişəluğ tadi. *

Verse: 13    Vi c̣i hämišä ṭaṗeġale, ay Q̣ONƷ́UX,
   Vi s'i həmişə t'ap'eğale, ay Q'ONČUX,
    Näsilxoval hari badalbakayin Vi kalaluġ eyexun tene č̣eġal.
    Nəsilxoval hari badalbakayin Vi kalaluğ eyexun tene c'eğal.

Verse: 14    Q̣ONƷ́UĠON Ičin Iz azuḳi taxsərsuz baksuna ćoyel č̣evḳale,
   Q'ONČUĞON İçin İz azuk'i taxsırsuz baksuna ç̌oyel c'evk'ale,
    Izi üḳ boḳospsuna kamtenebal Iz ḳulurxoxun.
    İzi ük' bok'ospsuna kamtenebal İz k'ulurxoxun.

Verse: 15    Ičoġoy kiin düzbi biniḳ buxaʒ́uxxoṭun bul ḳoc̣bsa q̇eräz millätxon,
   İçoğoy kiin düzbi binik' buxačuxxot'un bul k'os'bsa q'erəz millətxon,
    Q̣əzəlen, gümüšen düzeci biniḳxone šorox. *
    Q'ızılen, gümüşen düześi binik'xone şorox. *

Verse: 16    Źomo bune, ama äyitteṭunne,
   J̌omo bune, ama əyittet'unne,
    Pulmux bune, ama ateṭunksa.
    Pulmux bune, ama atet'unksa.

Verse: 17    U͑mu͑xxo bune, ama teṭun ibaksa,
   Ǔmǔxxo bune, ama tet'un ibaksa,
    Źomo bune, ama näfäs teṭun haq̇sa.
    J̌omo bune, ama nəfəs tet'un haq'sa.

Verse: 18    Barta moṭoġo düzbalṭoġoy q̇a
   Barta mot'oğo düzbalt'oğoy q'a
    Moṭoġo umudbakalṭoġoy axəral hametärq̇an baki.
    Mot'oğo umudbakalt'oğoy axıral hametərq'an baki.

Verse: 19    Ay Israilaxun bakiyorox, Q̣ONƷ́UĠO tärifläyinšanan!
   Ay İsrailaxun bakiyorox, Q'ONČUĞO tərifləyinşanan!
    Ay Aaronaxun bakiyorox, Q̣ONƷ́UĠO tärifläyinšanan!
    Ay Aaronaxun bakiyorox, Q'ONČUĞO tərifləyinşanan!

Verse: 20    Ay Levinaxun bakiyorox, Q̣ONƷ́UĠO tärifläyinšanan!
   Ay Levinaxun bakiyorox, Q'ONČUĞO tərifləyinşanan!
    Ay Q̣ONƷ́UĠO čalxalorox, Šoṭo tärifläyinšanan!
    Ay Q'ONČUĞO çalxalorox, Şot'o tərifləyinşanan!

Verse: 21    Barta Siona, * bakalṭoġon,
   Barta Siona, * bakalt'oğon,
    Barta Yerusalima bakala ə͑vel gala bul ḳoc̣balṭoġon
    Barta Yerusalima bakala ı̌vel gala bul k'os'balt'oğon
    Ṭiya mäsḳän saki Q̣ONƷ́UĠOY c̣iya duġi Šoṭo tärifläyinšeq̇aṭun.
    T'iya məsk'ən saki Q'ONČUĞOY s'iya duği Şot'o tərifləyinşeq'at'un.
   \ "Q̣ONƷ́UĠO halalq̇an baki" upanan!
   \ "Q'ONČUĞO halalq'an baki" upanan!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.