TITUS
Biblia Udica, Versio Nizhensis: Vetus Testamentum
Part No. 216
Previous part

Chapter: 136 

136-ǯi ω͑vel mä͑ġ
136-ci Ǐvel mə̌ğ


Verse: 1    Q̣ONƷ́UĠO šükürbanan, šaaṭ bakalone Šo,
   Q'ONČUĞO şükürbanan, şaat' bakalone Şo,
    Hämišäluġe Šoṭay nu badalbakala čuresun. *
    Həmişəluğe Şot'ay nu badalbakala çuresun. *

Verse: 2    Bito buxaʒ́uxxoxun üsṭün bakalṭu šükürbanan,
   Bito buxačuxxoxun üst'ün bakalt'u şükürbanan,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 3    Bito q̇onʒ́uġxoy Q̣onʒ́ux bakalṭu šükürbanan,
   Bito q'ončuğxoy Q'ončux bakalt'u şükürbanan,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 4    Sayǯä Šone nu aḳeci äšurxo biq̇alo,
   Saycə Şone nu ak'eśi əşurxo biq'alo,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 5    Iz müdrikluġen göyurxo yaratmišiyone, *
   İz müdrikluğen göyurxo yaratmişiyone, *
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 6    Šone xeyurxoy loxol oćalin binorina laxiyo, *
   Şone xeyurxoy loxol oç̌alin binorina laxiyo, *
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 7    Göynul bakala kala čiraġxo yaratmišiyone Šo,
   Göynul bakala kala çirağxo yaratmişiyone Şo,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 8    Ġenaxun išiġ saki kalaluġbala be͑ġa,
   Ğenaxun işiğ saki kalaluğbala běğa,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 9    Üše išiġ saki kalaluġbala xaša q̇a muć̣uliġo, *
   Üşe işiğ saki kalaluğbala xaşa q'a muč'uliğo, *
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 10    Šoṭin misirluġoy bito süfṭin ġar äyloġone besṗi, *
   Şot'in misirluğoy bito süft'in ğar əyloğone besp'i, *
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 11    Israilluġo isä šoṭoġoy oćalaxun č̣eveḳi,
   İsrailluğo isə şot'oğoy oç̌alaxun c'evek'i,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 12    Iz zorba kiin, Iz här šeya bašarbala kiine č̣evḳi šoṭoġo ṭeṭiin, *
   İz zorba kiin, İz hər şeya başarbala kiine c'evk'i şot'oğo t'et'iin, *
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 13    Ć̣oć̣a dänizi xenane ǯöybi Šoṭin,
   Č'oč'a dənizi xenane cöybi Şot'in,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 14    Dänizi bə͑yexune tašeri israilluġo,
   Dənizi bı̌yexune taşeri israilluğo,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 15    Faraona q̇a šoṭay q̇ošuna isä Ć̣oć̣a dänizä bapi bateveḳi, *
   Faraona q'a şot'ay q'oşuna isə Č'oč'a dənizə bapi batevek'i, *
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 16    Iz azuḳa amc̣i oćalen tašeriyone Šo,
   İz azuk'a ams'i oç̌alen taşeriyone Şo,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 17    C̣ila padčaġxo äfčibiyone,
   S'ila padçağxo əfçibiyone,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 18    Zorba padčaġxone ḳac̣ṗi Šoṭin,
   Zorba padçağxone k'as'p'i Şot'in,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 19    Emorluġoy padčaġ Sixona, *
   Emorluğoy padçağ Sixona, *
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 20    Bašani padčaġ Oga, *
   Başani padçağ Oga, *
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 21    Šoṭoġoy oćalxo ičoġoy kiyexun exṭi mülke tadi,
   Şot'oğoy oç̌alxo içoğoy kiyexun ext'i mülke tadi,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 22    Iz ḳul bakala Israilane mülk ḳinäḳ tadi,
   İz k'ul bakala İsrailane mülk k'inək' tadi,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 23    Beši ṭar ġimxosṭa yax eyexun nu č̣evḳiyone Šo.
   Beşi t'ar ğimxost'a yax eyexun nu c'evk'iyone Şo.
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 24    Yax düšmänxoy kiyexun čarḳesṭiyone,
   Yax düşmənxoy kiyexun çark'est'iyone,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 25    Ičoġoy boš näfäs bakalṭoġoy sayǯäṭu busa nu efalone Šo,
   İçoğoy boş nəfəs bakalt'oğoy saycət'u busa nu efalone Şo,
    Hämišäluġe Šoṭay nu badalbakala čuresun.
    Həmişəluğe Şot'ay nu badalbakala çuresun.

Verse: 26    Göynul bakala Buxaʒ́uġo šükürbanan,
   Göynul bakala Buxačuğo şükürbanan,
    Hämišäluġe Šoṭay nu badalbakala čuresun!
    Həmişəluğe Şot'ay nu badalbakala çuresun!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.