TITUS
Biblia Udica, Versio Nizhensis: Vetus Testamentum
Part No. 224
Previous part

Chapter: 144 

144-ǯi ω͑vel mä͑ġ
144-ci Ǐvel mə̌ğ



Davidi ω͑vel mä͑ġ.
Davidi Ǐvel mə̌ğ.


Verse: 1    Alxəšq̇an baki Q̣ONƷ́UĠO,
   Alxışq'an baki Q'ONČUĞO,
    Bezi bać̣an tarades bakala sa q̇ayane Šo,
    Bezi bač'an tarades bakala sa q'ayane Şo,
    Šone bezi ä͑mä͑ zorba bi,
    Şone bezi ə̌mə̌ zorba bi,
    Kulmoġo davineynaḳ häzirbalo.
    Kulmoğo davineynak' həzirbalo.

Verse: 2    Izi nu badalbakala čuresuna zaxun nu kambalone Buxaʒ́ux,
   İzi nu badalbakala çuresuna zaxun nu kambalone Buxačux,
    Šo zaynaḳ sa q̇aya, alloy q̇ala, čarḳesṭale bezi Šo!
    Şo zaynak' sa q'aya, alloy q'ala, çark'est'ale bezi Şo!
    Buxaʒ́ux bezi bać̣an, umudi ga,
    Buxačux bezi bač'an, umudi ga,
    Za bez azuḳi loxol kalo laxiyone Šo.
    Za bez azuk'i loxol kalo laxiyone Şo.

Verse: 3    Ay Q̣ONƷ́UX, insan šuva ki?
   Ay Q'ONČUX, insan şuva ki?
    Ama Hun ṗurumal šoṭo eyexun ten č̣evḳsa!
    Ama Hun p'urumal şot'o eyexun ten c'evk'sa!
    Amdar hiḳä ki? Ama Hun ṗurumal šoṭay fikirän zaṗe! *
    Amdar hik'ə ki? Ama Hun p'urumal şot'ay fikirən zap'e! *

Verse: 4    Sa muš ḳinäḳe č̣ovaksa insani ömür, šo hägigiyal hiḳḳale,
   Sa muş k'inək'e c'ovaksa insani ömür, şo həgigiyal hik'k'ale,
    Xoži č̣ovaki taġala ḳinäḳe taysa šoṭaynaḳ cameci ġimxo.
    Xoji c'ovaki tağala k'inək'e taysa şot'aynak' śameśi ğimxo.

Verse: 5    Göyurxo ṭaġayba ciki, ay Q̣ONƷ́UX, *
   Göyurxo t'ağayba śiki, ay Q'ONČUX, *
    Vi kula buruxmoġo duġi küünäxba šoṭoġo.
    Vi kula buruxmoğo duği küünəxba şot'oğo.

Verse: 6    Vi c̣ä͑q̇ä duġa, barta bez düšmänxo iraṗeq̇aṭun,
   Vi s'ə̌q'ə duğa, barta bez düşmənxo irap'eq'at'un,
    Barta Vi tärbi oxurxo aḳi ṭiṭereq̇aṭun. *
    Barta Vi tərbi oxurxo ak'i t'it'ereq'at'un. *

Verse: 7    Za kul boxoda alaxun,
   Za kul boxoda alaxun,
    Bä͑ġä͑loyluġxoxun zapa č̣evḳa za,
    Bə̌ğə̌loyluğxoxun zapa c'evk'a za,
    Čarḳesṭa me buxaʒ́uxsuzṭoġoy kiyexun. *
    Çark'est'a me buxačuxsuzt'oğoy kiyexun. *

Verse: 8    Äfčiduġalxone šorox,
   Əfçiduğalxone şorox,
    Lap ičoġoy elaspsunal äfčine šoṭoġoy.
    Lap içoğoy elaspsunal əfçine şot'oğoy.

Verse: 9    Me täzä mä͑ġä͑ mä͑ġḳoz Vaynaḳ, ay Buxaʒ́ux,
   Me təzə mə̌ğə̌ mə̌ğk'oz Vaynak', ay Buxačux,
    Vic̣ simla arfa farpi Va tärifläyinšoz.
    Vis' simla arfa farpi Va tərifləyinşoz.

Verse: 10    Hunnu padčaġxo q̇äläbä q̇azayinšesṭalo,
   Hunnu padçağxo q'ələbə q'azayinşest'alo,
    Vi ḳul Davida iz loxol e͑qeci q̇ələnǯaxun čarḳesṭalo.
    Vi k'ul Davida iz loxol ěqeśi q'ılıncaxun çark'est'alo.

Verse: 11    Čarḳesṭa za me buxaʒ́uxsuzṭoġoy kiyexun,
   Çark'est'a za me buxačuxsuzt'oğoy kiyexun,
    Äfčiduġalxone šorox,
    Əfçiduğalxone şorox,
    Lap ičoġoy elaspsunal äfčine šoṭoġoy.
    Lap içoğoy elaspsunal əfçine şot'oğoy.

Verse: 12    Barta beši ǯäyil ġarmux večäläyinšala göyün xod ḳinäḳ värkärq̇aṭun baki,
   Barta beşi cəyil ğarmux veçələyinşala göyün xod k'inək' vərkərq'at'un baki,
    Barta beši xuyärmoġoy boy-buxuna aḳalṭoġoy źomo ä͑mq̇an mandi,
    Barta beşi xuyərmoğoy boy-buxuna ak'alt'oğoy ǰomo ə̌mq'an mandi,
    Padčaġi saraya bakala gözäl sütünxo aḳalṭoġoy źomo ä͑m mandala ḳinäk.
    Padçaği saraya bakala gözəl sütünxo ak'alt'oğoy ǰomo ə̌m mandala k'inək.

Verse: 13    Barta beši ambarxo hämišä buyq̇an baki,
   Barta beşi ambarxo həmişə buyq'an baki,
    Taxəl kammaq̇anbaki ṭeṭiin,
    Taxıl kammaq'anbaki t'et'iin,
    Barta beši örüšxo hazarxon, vic̣ hazarxon heyvan tärbi otarišen.
    Barta beşi örüşxo hazarxon, vis' hazarxon heyvan tərbi otarişen.

Verse: 14    Barta beši efala öküzxo be͑śq̇aṭun hari,
   Barta beşi efala öküzxo běšq'at'un hari,
    Barta careci-barsṭun, aći-batksun maq̇an baki,
    Barta śareśi-barst'un, aç̌i-batksun maq'an baki,
    Barta beši küčämoġoxun šivani säs maq̇an č̣eri.
    Barta beşi küçəmoğoxun şivani səs maq'an c'eri.

Verse: 15    Bäxṭäväre metär azuḳ,
   Bəxt'əvəre metər azuk',
    Bäxṭäväre izi Buxaʒ́ux Q̣ONƷ́UX bakala azuḳ!
    Bəxt'əvəre izi Buxačux Q'ONČUX bakala azuk'!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.