TITUS
Biblia Udica, Versio Nizhensis: Vetus Testamentum
Part No. 166
Previous part

Chapter: 86 

86-ǯi ω͑vel mä͑ġ
86-ci Ǐvel mə̌ğ



Davidi afərə
Davidi afırı


Verse: 1    Ay Q̣ONƷ́UX, me faġəra ibaka,
   Ay Q'ONČUX, me fağıra ibaka,
    Ehṭiyäǯi boš bakalṭu ǯoġabsuz ma efa!
    Eht'iyəci boş bakalt'u coğabsuz ma efa!

Verse: 2    Q̣oriša Vi laxi ḳanunxoxun nu č̣eri Vi yaq̇en taġalṭu,
   Q'orişa Vi laxi k'anunxoxun nu c'eri Vi yaq'en tağalt'u,
    Vane bać̣an tarade me Vi ḳulen.
    Vane bač'an tarade me Vi k'ulen.
    Čarḳesṭa za, axəri Hunnu bez Buxaʒ́ux!
    Çark'est'a za, axıri Hunnu bez Buxačux!

Verse: 3    Bez loxol be͑ġa, ay Q̣onʒ́ux,
   Bez loxol běğa, ay Q'ončux,
    Dirisṭ ġi Va ḳalpi xoyinśezbsa zu!
    Dirist' ği Va k'alpi xoyinšezbsa zu!

Verse: 4    Mu͑qṭa me Vi ḳula, ay Q̣onʒ́ux,
   Mǔqt'a me Vi k'ula, ay Q'ončux,
    Iz üḳä Va č̣evḳi tadalone šo.
    İz ük'ə Va c'evk'i tadalone şo.

Verse: 5    Xeyirxax bakalonu Hun, ay Q̣onʒ́ux,
   Xeyirxax bakalonu Hun, ay Q'ončux,
    Baġəšlayinšes bakalonu!
    Bağışlayinşes bakalonu!
    Va qä͑ve͑ġalṭoġo Vi nu badalbakala čuresuna,
    Va qə̌věğalt'oğo Vi nu badalbakala çuresuna,
    Vasṭa bol bakala ṭe čuresuna aḳesṭalonu Hun!
    Vast'a bol bakala t'e çuresuna ak'est'alonu Hun!

Verse: 6    Bez afərəna ibaka, ay Q̣ONƷ́UX,
   Bez afırına ibaka, ay Q'ONČUX,
    Bez xoyinśa nu ibaksuna ma laxa.
    Bez xoyinša nu ibaksuna ma laxa.

Verse: 7    Vaz ḳale bez ṭar ġine zu,
   Vaz k'ale bez t'ar ğine zu,
    Avazu za ǯoġabsuz ten efal.
    Avazu za coğabsuz ten efal.

Verse: 8    Ay Q̣onʒ́ux, Vallariḳ buxaʒ́ux butene!
   Ay Q'ončux, Vallarik' buxačux butene!
    Mani buxaʒ́uġone Vi biq̇i äšurxo biq̇es bakon?
    Mani buxačuğone Vi biq'i əşurxo biq'es bakon?

Verse: 9    Mone, bito me Vi yaratmiši azuḳxo Vi be͑ś eġalṭun,
   Mone, bito me Vi yaratmişi azuk'xo Vi běš eğalt'un,
    Hari Va bul ḳoc̣balṭun,
    Hari Va bul k'os'balt'un,
    Vi c̣iya alabalṭun šoṭoġon, ay Q̣onʒ́ux! *
    Vi s'iya alabalt'un şot'oğon, ay Q'ončux! *

Verse: 10    Šoṭo görä ki, Hun kalanu,
   Şot'o görə ki, Hun kalanu,
    Nu aḳeci äšur biq̇alonu!
    Nu ak'eśi əşur biq'alonu!
    Täk Buxaʒ́ux Hunnu!
    Tək Buxačux Hunnu!

Verse: 11    Ay Q̣ONƷ́UX, za Vi äyitäxun nu č̣eysuna zomba,
   Ay Q'ONČUX, za Vi əyitəxun nu c'eysuna zomba,
    Barta Vi laxi yaq̇en taci za sal sa vädä qə͑ yaq̇a nu barsṭuna aḳesṭaz!
    Barta Vi laxi yaq'en taśi za sal sa vədə qı̌ yaq'a nu barst'una ak'est'az!
    Va čalxsunen, Va üḳin bul ḳoc̣bsunen č̣ovakesṭala sa yäšäyinš q̇əsmat ba za.
    Va çalxsunen, Va ük'in bul k'os'bsunen c'ovakest'ala sa yəşəyinş q'ısmat ba za.

Verse: 12    Zuval Va üḳin čureci tärifläyinšoz, ay bez Buxaʒ́ux bakala Q̣onʒ́ux,
   Zuval Va ük'in çureśi tərifləyinşoz, ay bez Buxačux bakala Q'ončux,
    Vi c̣iya hämišä alaboz!
    Vi s'iya həmişə alaboz!

Verse: 13    Šoṭo görä ki, Vi za aḳesṭi nu badalbakala čuresun ṭemane ki,
   Şot'o görə ki, Vi za ak'est'i nu badalbakala çuresun t'emane ki,
    Za bisunaxunen čarḳesṭi, ṭe dünyänexunen zapi č̣evḳi Hun!
    Za bisunaxunen çark'est'i, t'e dünyənexunen zapi c'evk'i Hun!

Verse: 14    Ay Buxaʒ́ux, bez loxolṭun eysa me ičoġoxun iräziyorox,
   Ay Buxačux, bez loxolt'un eysa me içoğoxun irəziyorox,
    Bez elmoġo haq̇sunṭun čuresa me zaləmxon,
    Bez elmoğo haq'sunt'un çuresa me zalımxon,
    Vaxun teṭun q̇ə͑bsa šoṭoġon!
    Vaxun tet'un q'ı̌bsa şot'oğon!

Verse: 15    Ama Hun, ay Q̣onʒ́ux, üḳ boḳosṗal, šaaṭluġ aḳesṭala Buxaʒ́uxnu,
   Ama Hun, ay Q'ončux, ük' bok'osp'al, şaat'luğ ak'est'ala Buxačuxnu,
    Hun gele säbirlu, čuresunen buy q̇a Iz tadi äyiti loxol čurḳala Buxaʒ́uxnu. *
    Hun gele səbirlu, çuresunen buy q'a İz tadi əyiti loxol çurk'ala Buxačuxnu. *

Verse: 16    Bez loxol be͑ġa, Vi üḳ boḳospsun ḳä baksuna aḳesṭa,
   Bez loxol běğa, Vi ük' bok'ospsun k'ə baksuna ak'est'a,
    Vi zorba baki bez bać̣ane čurpsuna aḳesṭa,
    Vi zorba baki bez bač'ane çurpsuna ak'est'a,
    Čarḳesṭa Va bul ḳoc̣bala čuux-nökäri Va ə͑śa bakala me ġara.
    Çark'est'a Va bul k'os'bala çuux-nökəri Va ı̌ša bakala me ğara.

Verse: 17    Avabakesṭa za bezi Vi üḳel basksuna,
   Avabakest'a za bezi Vi ük'el basksuna,
    Barta moṭo za nifrätbalṭoġonal aḳeq̇aṭun,
    Barta mot'o za nifrətbalt'oğonal ak'eq'at'un,
    Barta Vi za kul boxosṭuna, za üḳ tasṭuna aḳi oṭṗeq̇aṭun, ay Q̣ONƷ́UX!
    Barta Vi za kul boxost'una, za ük' tast'una ak'i ot'p'eq'at'un, ay Q'ONČUX!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.