TITUS Texts: Vita Ioanni Chrysostomi

TITUS
Vita Ioanni Chrysostomi
Part No. 12

Previous part

Chapter: 12
Page of edition: 24
Line of edition: 5 12. წიდოვანის განკურნება

Line of edition: 6       იყო ^* ვინმე დედაკაცი,^* სახელით ^* ქრისტინა. და იყო იგი წიდოვნებასა
Line of edition: 7    შინა შჳდ ^* წელ. და წარაგო ქმარმან მისმან დიდძალი საფასჱ ^* და ვერ შეუძლო
Line of edition: 8    განკურნებაჲ ^* მისი. ამას ესმა ნეტარისა იოვანესთჳს და ევედრა ქმარსა თჳსსა
Line of edition: 9    სარწმუნოებით,^* რაჲთა მიიყვანოს მისა, და თქუა:^* "დაღაცათუ არა ღირს ვარ
Line of edition: 10    მე ხილვად ანგელოსებრსა მას ^* ხატსა მისსა,^* ხოლო ესე უწყი, რამეთუ არა
Line of edition: 11    მომიძაგოს, არამედ მიემსგავსოს უფალსა თჳსსა, რომელმან-იგი განკურნა
Line of edition: 12    დედაკაცი იგი ამითვე ^* სენითა ვნებული".

Line of edition: 13       და ^* აღსუა იგი ქმარმან მისმან კარაულსა და მიიყვანა მონასტრად და დაუტევა
Line of edition: 14    იგი გარე ^* კართა მონასტრისათა ^* მსახურთა თანა. და იგი შევიდა ^* წმიდისა
Line of edition: 15    მის \ და დაეცა ტირილით ^* ფერჴთა მისთა თანა და ჰრქუა:^* "ჵ მამაო წმიდაო,^*
Line of edition: 16    შეგუეწიე ჩუენ შემდგომად ღმრთისა!" და წარმოუთხრა მას ვნებაჲ იგი.

Line of edition: 17       მიუგო ^* წმიდამან ^* და ჰრქუა: "ვინ ვარ მე, ცოდვილი ესე, და შეუძლო
Line of edition: 18    ვნებულთა განკურნებად? არა უწყითა, რამეთუ ღმერთმან არა მოაწიის განსაცდელი,
Line of edition: 19    გარნა სარგებელად? რამეთუ რომელნიმე დააყენნის ცოდვისაგან
Line of edition: 20    და რომელნიმე გამოცადნის ამის ჯერისათჳს, უკუეთუ შეიწყნარებენ ^* სწავლასა
Line of edition: 21    მისსა მადლობით, "რამეთუ იგი არს, რომელმან წყლის და იგი ^* არს,
Line of edition: 22    რომელმან განკურნის". და არქუ ცოლსა შენსა, რაჲთა დასცხრეს გუემისაგან
Line of edition: 23    მჴევალთა თჳსთაჲთა ^* და უწყოდენ მან, რამეთუ მათისავე ბუნებისაგანი ^*
Line of edition: 24    არს, დაღაცათუ წოდებულ არს სოფელსა ამას მათ ზედა დედოფლად, \ ხოლო
Line of edition: 25    სიკუდილმან ესე ყოველი დაჰჴსნეს. და არქუ მას, რაჲთა ზრუნვიდეს სულისა
Line of edition: 26    თჳსისათჳს გლახაკთა ^* მოწყალებითა და დაიცვეს გუამი თჳსი შეუგინებლად
Line of edition: 27    განწესებულთა შინა მარხვათა ^* და დაეყენოს ნაყროვნებისაგან ^* და მოსწრაფე
Line of edition: 28    იყოს მისლვად ^* ეკლესიად. და უკუეთუ დაიმარხნეს ესე მცნებანი, მოსცეს
Line of edition: 29    მას ღმერთმან სიცოცხლჱ".^*

Line of edition: 30       გამოვიდა ^* ქმარი მისი და უთხრა მას ესე ყოველი.^* ხოლო მან ღაღატ-ყო ^*
Line of edition: 31    ჴმითა დიდითა და თქუა: "დავიმარხნე ყოველნი მცნებანი შენნი, მამაო, ვიდრე
Line of edition: 32    აღსრულებამდე ^* ჩემდა".

Page of edition: 25
Line of edition: 1       და მიიქცა ქმარი მისი წმიდისა მის და ჰრქუა: "აჰა ესერა აღგითქუამს
Line of edition: 2    შენ, რაჲთა დაიმარხნეს ^* ყოველნი ^* ბრძანებანი ^* სიწმიდისა თქუენისანი,^* და აწ
Line of edition: 3    ნუმცა \ უკუნ-ვიქცევით ^* სირცხჳლეულნი".^*

Line of edition: 4       მაშინ მიუგო წმიდამან იოვანე და ჰრქუა: "წარვედით მშჳდობით ^* და
Line of edition: 5    იესუ ქრისტემან, ღმერთმან ჩუენმან, განკურნოს იგი".

Line of edition: 6       და მასვე ^* ჟამსა შინა განჴმა დინებაჲ იგი სისხლისაჲ და ცნა კურნებაჲ.^*
Line of edition: 7    და ჰმადლობდეს ^* ყოველი ღმერთსა და მიიქცეს სახედ ^* თჳსა სიხარულით და
Line of edition: 8    მიუთხრობდეს მადლთა მათ ^* ღმრთისათა, რომელი მოსცა მათ ჴელითა იოვანჱსითა.^*
Line of edition: 9    და ^* დიდი ესე საკჳრველებაჲ ^* ქმნა ღმერთმან ლოცვითა იოვანჱსითა.^*

Next part

This text is part of the TITUS edition of Vita Ioanni Chrysostomi.

Copyright TITUS Project, Frankfurt a/M, 13.5.2014. No parts of this document may be republished in any form without prior permission by the copyright holder.