TITUS Texts: Vita Ioanni Chrysostomi

TITUS
Vita Ioanni Chrysostomi
Part No. 36

Previous part

Chapter: 36_(37)
Page of edition: 79
Line of edition: 5 36 (37). თეოფილე ალექსანდრიელი აძევებს პეტრე და ისიდორე მღვდლებს

Line of edition: 6       და იყო მათ ჟამთა ალექსანდრიას ხუცესი ვინმე, სახელით ისიდორე,^*
Line of edition: 7    მოხუცებული, ოთხმეოცისა ^* წლისაჲ, რომელ-იგი ^* ეკურთხა წმიდასა ათანასი ^*
Line of edition: 8    მამადმთავარსა. და იცოდეს იგი მრავალთა ბერძენთა, ვითარმედ განმგებელი
Line of edition: 9    არს უცხოთა მოღუაწებისაჲ. და შევიდის მრავალგზის ჰრომედცა საჴმრისათჳს
Line of edition: 10    ეკლესიათაჲსა.^* და სხუაჲცა ვინმე იყო მთავარ, მღდელი ეკლესიასა
Line of edition: 11    ალექსანდრიისასა,^* სახელით პეტრე. და სძულდა იგი თეოფილეს და განიზრახა,
Line of edition: 12    რაჲთამცა განაყენა ^* ეკლესიით ^* და მოიღო მიზეზად \ მისთჳს,^* ვითარმედ
Line of edition: 13    დედაკაცი ვინმე მანიქეველი შეიწყნარა ზიარებასა ^*, ვიდრე პირველ შეჩუენებამდე ^*
Line of edition: 14    მისა ^* წვალებაჲ იგი. და თქუა პეტრე, ვითარმედ: "შეუჩუენებიეს
Line of edition: 15    დედაკაცსა მას წუალებაჲ იგი და არცა ^* კუალად შეეწყნარა ^* იგი ზიარებასა ^* გარნა
Line of edition: 16    ბრძანებითა თეოფილესითა". და განრისხნა თეოფილე, ვითარცა მხილებული,
Line of edition: 17    და თქუა, ვითარმედ: "არარაჲ ვიცი ამის საქმისაგანი". ხოლო პეტრე
Line of edition: 18    იწამა ^* ისიდორე საქმესა ამას ზედა. და მათ ^* ჟამთა ოდენ წარევლინა თეოფილეს
Line of edition: 19    ისიდორე ჰრომედ დამასუ, მამადმთავრისა ^* ჰრომისა, რაჲთამცა ყო
Line of edition: 20    მშჳდობაჲ ^* თეოფილესა ^* და შორის ფლაბიანე ანტიოქელ ებისკოპოზისა ^*.
Line of edition: 21    და მოართუა მას მშჳდობაჲ ^* ანტიოქიაჲთ ფლაბიანესგან, \ რამეთუ ოცით
Line of edition: 22    წლითგან მტერ იყვნეს ურთიერთას ევაგრესთჳს. და ვითარცა მოვიდა ისიდორე
Line of edition: 23    ჰრომით,^* მოუწოდა მას პეტრე,^* რაჲთა წამოს დედაკაცისა მისთჳს
Line of edition: 24    მანიქეველისა, ვითარმედ ბრძანებითა თეოფილესითა შეიწყნარა იგი პეტრე, და
Line of edition: 25    წამა ესრეთვე ისიდორეცა.

Line of edition: 26       მაშინ განრისხნა თეოფილე ^* და მუნთქუესვე განაძო ეკლესიით პეტრე.
Line of edition: 27    და იწყო განზრახვად კუალად, თუ რომლისა სახითა განაძოს ისიდორეცა,
Line of edition: 28    რომელ-იგი ყოცა უკუანაჲსკნელ ^*, რამეთუ დედაკაცმან ვინმე ქურივმან, სახელით
Line of edition: 29    თევდოტე,^* რომელი იყო დაჲ თევდორე ალექსანდრიელისაჲ, რომელი
Line of edition: 30    წარჩინებულთაგანი იყო, მისცა ათასი დრაჰკანი ისიდორეს \ და ფუცა ^* იგი
Line of edition: 31    ტრაპეზსა ზედა დიდებასა ^* ღმრთისასა, რაჲთა იყიდოს მით სამოსელი და
Line of edition: 32    შეჰმოსოს გლახაკთა და ნუმცა უწყის თეოფილე, რაჲთა არა მიიღოს და წარაგოპს
Line of edition: 33    იგი საშენებელსა.^* და მიიღო ისიდორე საფასჱ ^* იგი და განუყო იგი
Line of edition: 34    გლახაკთა და ქურივთა. და ცნა ესე თეოფილე ^* სხჳთ,^* რამეთუ არარაჲ დაეფარვოდა
Page of edition: 80 Line of edition: 1    მას. მაშინ მოუწოდა ისიდორეს მყუდროდ და ჰკითხა, უკუეთუ ესე
Line of edition: 2    ესრჱთ ^* არს. ხოლო მან არა ^* უარყო, არამედ აღიარა.

Line of edition: 3       და ვითარცა ესმა ^* თეოფილეს, განრისხნა და დადუმნა მცირედ ჟამ. და
Line of edition: 4    შემდგომად ორისა თჳსა მოიღო ქარტაჲ და შეკრიბნა მღდელნი და ჰრქუა
Line of edition: 5    ისიდორეს: "ესე წიგნი შესმენისაჲ შენთჳს მოვიღე ^* უწინარეს ათურამეტისა ^*
Line of edition: 6    წლისა \ და რამეთუ ვიყავ უცალოებასა შინა, და დამავიწყდა. ხოლო აწ ვეძიებდ ^*
Line of edition: 7    სხუასა წიგნსა ^* და ვპოე ^* ესე და პასუხი მომეც ჩუენ ამისთჳს".

Line of edition: 8       და იყო ^* წიგნისა მას შინა ^* ცოდვაჲ იგი სოდომელთაჲ. და მიუგო ისიდორე ^*
Line of edition: 9    თეოფილეს და ჰრქუა: "ყავ ^* ეგრე, ვითარმედ მოიღე წიგნი ^* ესე,^* ვითარ-ეგე
Line of edition: 10    იტყჳ და უცალოებითა დაგავიწყდა. ხოლო რომელმან-იგი მოგცა, არა ჯერიყოა
Line of edition: 11    მისა, რაჲთა მოვიდეს კუალად და მოგახსენოს?"

Line of edition: 12       და თქუა თეოფილე, ვითარმედ:"^* ყრმაჲ იგი ისწრაფდა ^* და არა დაადგრა,
Line of edition: 13    არამედ შეჯდა იგი ნავსა და წარვიდა".

Line of edition: 14       ჰრქუა ^* ისიდორე: "ჵ პაპა, და უკუეთუ მაშინ არა დაადგრა, ხოლო ^* შემდგომად ^*
Line of edition: 15    არა მოვიდაა ^* გინა მეორესა წელსა, გინა მესამესა?^* და აწ თუ ^* აქა არს,
Line of edition: 16    მოიყვანე!"^*

Line of edition: 17       და თქუა \ თეოფილე: "უტეოთ ეგე ^* სხჳსა ^* დღისათჳს".

Line of edition: 18       და ევედრა ყრმასა ერთსა თეოფილე ^* და მისცა ათუთხმეტი დრაჰკანი ^*
Line of edition: 19    და აღჭურა იგი ისიდორესთჳს. ხოლო ყრმამან მან უთხრა ესე დედასა ^* თჳსსა.
Line of edition: 20    და დედაკაცმან მან გინა ^* თუ შიშისათჳს ღმრთისა, გინა წყალობისათჳს ისიდორესისა
Line of edition: 21    _ ნუუკუე იტანჯოს უსამართლოდ ჴელმწიფწთაგან, შეეშინა ^* და
Line of edition: 22    მოვიდა ისიდორესა და უთხრა საქმჱ ^* ესე და უჩუენა დრაჰკანნი იგი, რომელნი
Line of edition: 23    მოეხუნნეს თეოფილეს ^* დისაგან,^* ვითარ-იგი თქუა. ხოლო თეოფილეს
Line of edition: 24    იგი დაჲ, გინა ამის პატიჟისათჳს, გინა სხჳსათჳს,^* მოკუდა ტანჯული.^* მაშინ
Line of edition: 25    ისიდორე დაჯდა სახლსა შინა ^* და ილოცვიდა. ხოლო ყრმასა მას შეეშინა პატიჟისაგან
Line of edition: 26    შჯულისა და მიივლტოდა ^* საკურთხ\ეველად. მაშინ თეოფილე უჯეროჲთა
Line of edition: 27    განკითხვითა განაძო ისიდორე ეკლესიით და მრავალნი საქმენი გამოთქუნა
Line of edition: 28    მისთჳს. ხოლო ისიდორეს შეეშინა, ნუუკუე განმრავლდეს რისხვაჲ
Line of edition: 29    თეოფილჱსი ^* მის ზედა და განიზრახოს მისთჳს საქმჱ ^* რაჲმე, რომლითა წარსწყმიდოს ^*
Line of edition: 30    იგი, და წარივლტოდა მთად ნიტრიად, სადა-იგი იყო სიჭაბუკესა
Line of edition: 31    თჳსსა მონაზონად,^* და დაჯდა სენაკსა შინა თჳსსა და ილოცვიდა ღმრთისა
Line of edition: 32    მიმართ.

Next part

This text is part of the TITUS edition of Vita Ioanni Chrysostomi.

Copyright TITUS Project, Frankfurt a/M, 13.5.2014. No parts of this document may be republished in any form without prior permission by the copyright holder.