TITUS Texts: Vita Ioanni Chrysostomi

TITUS
Vita Ioanni Chrysostomi
Part No. 6

Previous part

Chapter: 6
Page of edition: 16
Line of edition: 8 6. დედის გარდაცვალება. მონასტერში დამკვიდრება

Line of edition: 9       და ვითარცა გარდაჴდეს მცირედნი ჟამნი, შეისუენა ნეტარმან დედამან
Line of edition: 10    მისმან და დაუტევა მას დიდი სიმდიდრჱ ^* ოქროჲსაჲ ^* და ვეცხლისაჲ ^* და მონათაჲ
Line of edition: 11    და საჴედართაჲდა ^* აგარაკთაჲ და ფრიადი მონაგები ესევითარი. ხოლო
Line of edition: 12    დედაჲ თჳსი შემოსა პატიოსნად და დაჰმარხა იგი სამარხოსა ნეტარისა მამისა
Line of edition: 13    მისისასა მსგავსად მცნებისა მის ნეტარისა.^* \ და მასვე ჟამსა შინა მისცა ოქროჲ
Line of edition: 14    იგი გლახაკთა ^* და ვეცხლი იგი ეკლესიათა და მონასტერთა, რომელნი
Line of edition: 15    იყვნეს გარემოჲს ქალაქსა მას შესაქმედ ჭურჭელი ეკლესიისაჲ, და მონანი და
Line of edition: 16    მჴევალნი განათავისუფლნა და ნეშტი იგი მონაგები განუყო მათ. ხოლო აგარაკნი
Line of edition: 17    და საჴედარნი მისცნა მყოფთა ქალაქისათა, რაჲთა არავინ აურვებდეს
Line of edition: 18    მას ხარკისმიმჴდელთაგანი.

Line of edition: 19       და ესე ყოველი ქმნა მოღუაწემან ჭეშმარიტებისამან იოვანე. და მიერითგან
Line of edition: 20    იქმნა იგი უზრუნველ და მოიცალა საღმრთოთა წიგნთა კითხვასა.^* და იმარხვიდა
Line of edition: 21    იგი გუამსა თჳსსა წმიდად და არა უდბობით და განსდევნიდა ყოველთა
Line of edition: 22    გულისსიტყუათა ბოროტთა. და შეემოსა მას ქალწულებაჲ \ გუამსა თჳსსა,
Line of edition: 23    ვითარცა ტაძარი წმიდაჲ, სიმძაფრესა ოდენ სიჭაბუკისა მისისასა ^* არა მიდრეკითა
Line of edition: 24    გონებისაჲთა. და არა კმა იყო ^* ღუაწლი იგი ქალაქისაჲ,^* არამედ განვიდა
Line of edition: 25    და მივიდა მონასტერსა,^* რომელი იყო გარეშე ქალაქსა მას, და მუნ დაადგრა.
Line of edition: 26       ხოლო მიიცვალა იერუსალემსა ^* ზეცისასა,^* რომლისათჳსცა იღუწიდა ^* და მიერითგან
Line of edition: 27    იწყო წარმატებად ღუაწლსა ^* და არა მისცემდა გუამსა ^* თჳსსა განსუენებასა
Line of edition: 28    ყოლადვე, არამედ ვითარცა რომელი იწყებნ დღითი დღედ მსგავსად
Line of edition: 29    წმიდისა პავლე მოციქულისა: "უკუანასა ^* მას დაივიწყებდა და წინასა მას
Line of edition: 30    მისწუდებოდა ^*".

Line of edition: 31       ხოლო ვითარცა იხილეს იგი მყოფთა მის მონასტრისათა ესევითარსა
Line of edition: 32    ღუაწლსა ^* შინა, ევედრებოდეს მას, რაჲთამცა ყვეს იგი მამასახლის მათ ზედა, \
Line of edition: 33    რაჲთა ^* ასწაოს ^* ცხორებაჲ სულისა მათისაჲ. და არა ინება თავს-დებად ესე მომავლისათჳს
Line of edition: 34    შფოთისა, არამედ დაუწესა მათ საზომი მონაზონებისაჲ და კითხვაჲ
Page of edition: 17 Line of edition: 1    წიგნთაჲ ^* და დაწყნარებით ჯდომაჲ და უპოვრებით ^* ცხორებაჲ და წესიერად
Line of edition: 2    მოსლვაჲ ^* ეკლესიად დღე ^* და ღამე ^* ჟამსა ლოცვისასა და აღჳრ-სხმაჲ ^* ენისაჲ
Line of edition: 3    და განდევნაჲ გულისსიტყუათა ბოროტთაჲ, რომელი დასთესის მტერმან,
Line of edition: 4    და მიმსგავსებად ცხორებასა ელია ^* და ელისესსა ^* და იოვანჱსსა ^* წინაწარმეტყუელთა,
Line of edition: 5    რომელნი-იგი ^* უპოვრებით ^* იქმნეს ანგელოზად ^* ქუეყანისად,^* და რაჲთა არა
Line of edition: 6    ითხოვდენ სიმრავლესა საჭმელთასა,^* არამედ საზომი ოდენ \ გუამისაჲ, და რაჲთა
Line of edition: 7    მისცემდენ გლახაკთა ნაშრომისა მათისაგანსა ^* და მოელოდიან მოსაგებელსა
Line of edition: 8    ღმრთისაგან.

Line of edition: 9       და ამით ესევითარითა სიტყჳთა ^* დაამტკიცნა შერყეულნი და უდებნი იგი,
Line of edition: 10    სულისა მათისათჳს განაფრთხვნა სიტყჳთა ^* და მოჴსენებითა გეჰენიაჲსაჲთა სინანულად;
Line of edition: 11    ხოლო სრულნი იგი და მტკიცენი აღავსნა მრჩობლითა სიყუარულითა
Line of edition: 12    სათნოებათა ^* მიმართ მოჴსენებითა მერმეთა მათ ნიჭთაჲთა სასუფეველსა ცათასა.
Line of edition: 13    ამას და მსგავსსა ამისსა ასწავებდა მათ მარადის ^* და ყოველთა მომავალთა
Line of edition: 14    მონასტერსა მას განაღჳძებდა ^* ცხორებად სულთა მათთა და იქმნა იგი ნესტუ ^*
Line of edition: 15    მსწავლელ ^* \ და იყო იგი საყუარელ ყოველთა ანტიოქელთაგან ^* და გარემო მყოფთა
Line of edition: 16    მისთა. და მოვიდოდეს მისა შიშითა დიდითა არა ხოლო ^* მონაზონნი, არამედ
Line of edition: 17    ერისა ^* კაცნიცა და მღდელნი ^* და მთავარნი სმენად სიბრძნესა ^* მისსა და
Line of edition: 18    მოძღურებასა და სწავლასა. და იყო მისთჳს ჰამბავი ყოველსა ქუეყანასა და
Line of edition: 19    სული წმიდაჲ იყო აღმომაცენებელ პირით მისით სიტყუათა სულიერებისათა.
Line of edition: 20    და თარგმნიდა წიგნთა საღმრთოთა და გამოიტყოდა საკითხავთა სარგებელად
Line of edition: 21    მსმენელთა. და მრავალნი აღსწერდეს და ზეპირით დაისწავებდეს და წარიღიან
Line of edition: 22    და მიიქციან ქუეყანად თჳსა სიხარულითა სულიერითა და ადიდებედ
Line of edition: 23    ღმერთსა.

Next part

This text is part of the TITUS edition of Vita Ioanni Chrysostomi.

Copyright TITUS Project, Frankfurt a/M, 13.5.2014. No parts of this document may be republished in any form without prior permission by the copyright holder.