TITUS Texts: Vita Ioanni Chrysostomi

TITUS
Vita Ioanni Chrysostomi
Part No. 64

Previous part

Chapter: 64_(65)
Page of edition: 124
Line of edition: 7 64 (65). საზარელი სეტყვა. იოვანეს მოყვასთა ჩამოსვლა რომში.
Line of edition: 8 იტალიის ეპისკოპოსთა შეკრება. თესალონიკის კრების მიზნები

Line of edition: 9       და მათ ჟამთა ოდენ გარდამოჴდა სეტყვაჲ ^* საზარელი ^* კოსტანტინე ^* ქალაქსა
Line of edition: 10    ზედა და საზღვართა ^* მისთა ოცდაათსა სეკდემბერისასა ^* და განრყუნა ქუეყანაჲ
Line of edition: 11    მათი. და ერი იგი ^* იტყოდა, ვითარმედ: "იოვანჱსგან ^* შეგუემთხჳა ^* რისხვაჲ
Line of edition: 12    ესე".^* ხოლო მწვალებელნი იტყოდეს, \ ვითარმედ: "სამართლად შეემთხჳა ^* იოვანეს,^*
Line of edition: 13    რამეთუ მრავალნი ეკლესიანი ჩუენნი აღაოჴრა".

Line of edition: 14       და შემდგომად ბრძანებათა მათ მეფისათა, რომელთა წერილ იყო პატიჟის-ყოფაჲ
Line of edition: 15    ყოველთათჳს, რომელთა არა შეიწყნარონ ათიკოს და მოყუასნი
Line of edition: 16    მისნი, მოვიდა კჳრიაკოს ^*, ებისკოპოზი ^* სჳნადონიაჲსაჲ, და რამეთუ ვლტოლილ ^*
Line of edition: 17    იყო იგი ბრძანებისა მისგან ^* მეფისა, და უთხრა პაპსა ^* რომისასა თქუმაჲ იგი,
Line of edition: 18    რომელ წერილ იყო ბრძანებათა ^* შინა მეფისათა. და ავლოსიოსცა,^* ებისკოპოზი ^*
Line of edition: 19    ბეთანიაჲსაჲ, მოვიდა ჰრომედვე ^* და ჰქონდა მას წიგნები ათხუთმეტთა ^*
Line of edition: 20    ებისკოპოზთაჲ ^*, რომელნი იოვანჱს ^* კერძონი იყვნეს, და კეთილისა ^* მის ბერისაჲცა
Line of edition: 21    ანოსიოჲსი ^*, რომელი ^* იყო ებისკოპოზ ^* თესალონიკეს, \ რომელნი აუწყებსდეს
Line of edition: 22    საქმეთა სიტყჳსაებრ ^* კჳრიაკოზისა.^*

Line of edition: 23       და შემდგომად თჳსა ^* ერტისა მოვიდა პალადიოს, ებისკოპოზი ^* ელენო ქალაქისაჲ,
Line of edition: 24    ვლტოლილი ^* მთავართაგან, და მან ^* თქუა უმწუხარჱსი ^* ამისა და უჩუენა
Line of edition: 25    პაპსა ^* წიგნი, რომელსა შინა იყო ბრძანებაჲ მეფისაჲ ესრჱთ,^* ვითარმედ:
Line of edition: 26    "ყოველმან, რომელმან შეიწყნაროს და დამალოს სახლსა შინა თჳსსა ეპისკოპოზი,^*
Line of edition: 27    გინა მღდელი, ანუ თუ ^* სხუაჲ ვინმე იოვანჱს ^* შემწყნარებელი, იავარიქმნეს
Line of edition: 28    მონაგები მისი".^* და კუალად დომენტიანოს ხუცესი მოვიდა, იკონომოსი ^*
Line of edition: 29    კოსტანტინე ქალაქისაჲ, და უთხრა პაპსა ^* ესრჱთ,^* ვითარმედ: "მთავარი ქალაქისაჲ
Line of edition: 30    წარმართი არს და ღამით მოუწოდის აზნაურთა დედათდიაკონთა და \
Line of edition: 31    აიძულის მათ, რაჲთა უარ-ყონ ^* იოვანე,^* უკუეთუ არა მისცენ მას კენტარი ^* ერთი
Line of edition: 32    ოქროჲ".

Page of edition: 125
Line of edition: 1       და ვითარ ესმა ესე ყოველი პაპსა,^* ვერღარა თავს-იდვა მერმე, არამედ
Line of edition: 2    მიავლინა ონორი მეფისა მორწმუნისა და უთხრა ^* ესე ყოველი. მაშინ ^* აღიძრა
Line of edition: 3    მეფეცა ^* და ბრძანა, რაჲთა შეკრბეს კრებაჲ ყოვლით კერძო და გამოიღონ
Line of edition: 4    ბჭობაჲ ერთობითა დააუწყონ კეთილად მსახურებასა მისსა.

Line of edition: 5       ხოლო პაპა ენოკინტიონ ^* შეკრიბნა ებისკოპოზნი ^*, რომელთაჲ იგი ებრძანა
Line of edition: 6    წარსვლაჲ კოსტანტინედ, რაჟამს-იგი არკადის ^* მეფესა მიეწერა მისდა ^* თეოფილესთჳს.
Line of edition: 7    და ვითარ ^* შეკრბეს ებისკოპოზნი ^* იტალიაჲსანი, ევედრნეს მეფესა,^*
Line of edition: 8    რაჲთა უბრძანოს ძმასა თჳსსა არკადის,^* რაჲთა შეკრბეს ესე კრებაჲ თესალონიკეს,
Line of edition: 9    \ რამეთუ ქალაქი იგი საშოვალ ^* იყო ჰრომსა და საბერძნეთსა, რაჲთა ადვილ
Line of edition: 10    უჩნდეს ებისკოპოზთა ^* აღმოსავალისა ^* და დასავალისათა მოსლვაჲ.^* და
Line of edition: 11    არა თუ სიმრავლისა ^*^* შეკრებასა ხოლო ეძიებდეს, არამედ რაჲთა ბჭობაჲცა
Line of edition: 12    ჭეშმარიტი განიბჭოს.

Next part

This text is part of the TITUS edition of Vita Ioanni Chrysostomi.

Copyright TITUS Project, Frankfurt a/M, 13.5.2014. No parts of this document may be republished in any form without prior permission by the copyright holder.