TITUS
Armenian NT (Zohrab Bible)
Part No. 90
Previous part

Book: Act. 
ԳՈՐԾՔ ԱՌԱՔԵԼՈՑ
ՂՈՒԿԱՅ ԱՒԵՏԱՐԱՆՉԻ


Acts of the Apostles

entered by D. Čitunašvili,
Tbilisi 2004;
TITUS version by J. Gippert,
Frankfurt a/M, 30.5.2004




Chapter: 1 
ԳԼՈՒԽ Ա՜.


Section: 1 
Verse: 1   Link to gnt   ԶԲԱՆՆ ԱՌԱՋԻՆ ԶՈՐ արարի վասն ամենայնի ո́ թէոփիլէ. զոր սկսաւ յ(իսու)ս առնե́լ եւ ուսուցանել.

Verse: 2   Link to gnt   
մինչեւ յօրն պատուիրելոյ առաքելոցն ՛ի ձեռն հոգւոյն ս(ր)բ(ո)յ, զորս ընտրեացն, եւ վերացա́ւ։

Verse: 3   Link to gnt   
Որոց յանդիմա́ն կացոյց զինքն կենդանի́ յետ չարչարանացն իւրոց, ՛ի բազում արուեստս, յաւուրս քառասուն երեւել ն(ո)ց(ա)՝ եւ ասել վասն արքայութե(ան)ն ա(ստուածո)յ։

Verse: 4   Link to gnt   
Եւ ՛ի հաղորդել ընդ ն(ո)ս(ա) հացիւ, պատուէր տայր ն(ո)ց(ա)՝ յե(րուսաղէ)մէ մի́ մեկնել, այլ սպասե́լ աւետեացն հօր՝ զոր լուարուքն յինէն։

Verse: 5   Link to gnt   
Զի յովհաննէս մկրտեաց ՛ի ջուր. այլ դուք մկրտիցիք ՛ի հոգի́ն ս(ուր)բ, ո́չ յետ բ(ա)զ(ու)մ ինչ աւուրցս այսոցիկ։

Verse: 6   Link to gnt   
Եւ նոքա մատուցեալ հարցանեին զնա՝ եւ ասէին. տ(է)ր՝ եթէ ՛ի ժամանակի՞ աստ յայսմիկ հասուցանելոց իցես զարքայու(թ)ի(ւ)ն ի(սրաէ)լի։

Verse: 7   Link to gnt   
Ասէ ցն(ո)ս(ա). ո́չ է ձեզ գիտել զժամս եւ զժամանակս, զոր հայր եդ յիւրո́ւմ իշխանութե(ան)։

Verse: 8   Link to gnt   
այլ առջիք զօրութի(ւն) ՛ի հասանել հոգւոյն ս(ր)բ(ո)յ ՛ի վերայ ձեր. եւ եղիջիք ինձ վկայք յե(րուսաղէ)մ, եւ յամ(ենայն) հրէաստանի՝ եւ ՛ի սամարիայ, եւ մինչեւ ՛ի ծագս երկրի։

Verse: 9   Link to gnt   
Եւ զայս իբրեւ ասաց՝ մինչ դեռ հայէին նոքա՝ վերացա́ւ. եւ ամպն կալա́ւ զնա յաչաց ն(ո)ց(ա)։

Verse: 10   Link to gnt   
Եւ մինչդեռ պշուցեալ հայէին ընդ երկինս երթալոյ նորա, եւ ահաւասիկ արք երկու երեւեցան ն(ո)ց(ա) ՛ի հանդերձս սպիտակս,

Verse: 11   Link to gnt   
որք եւ ասացինն. ա́րք գալիլեացիք՝ զի՞ կայք հայեցեալ ընդ երկինս. Այս յ(իսու)ս՝ որ վերացաւն ՛ի ձէնջ յերկինս, սոյնպէս եկեսցէ́ զորօրինակ տեսէք զնա երթեալ յերկինս։
Section: 2 
Verse: 12   Link to gnt   
Ապա դարձա́ն յերուսաղէմ յանուանեալ լեռնէն ձիթենեաց. որ է մե́րձ յե(րուսաղէ)մ ըստ շաբաթուն ճանապարհի։

Verse: 13   Link to gnt   
Եւ իբրեւ մտին, ելին ՛ի վերնատունն ուր վա́նքն իսկ էին. Պետրոս, եւ յա́կովբոս. եւ յովհաննէս, եւ անդրէ́աս. փիլի́պպոս, եւ թո́վմաս. բարթողոմէոս, եւ մատթէ́ոս. յակովբոս ալփէան, եւ շմաւոն նախանձայոյղ, եւ յո́ւդա յակովեան։

Verse: 14   Link to gnt   
Սոքա ամենեքեան էին հանապազորդեալ միաբան յաղօթս հանդերձ կանամբք, եւ մարեմաւ մա́րբն յ(իսու)սի՝ եւ եղբարբք նորա։
Passage: 1-1 
Verse: 15   Link to gnt   
Եւ յաւուրսն յայնոսիկ յարուցեալ պետրոս ՛ի մէջ եղբարցն՝ ասէ. եւ էր անդ բազմութի(ւն) անուանց իբրեւ հարեւր եւ քսանից։

Verse: 16   Link to gnt   
Ա́րք եղբարք՝ պարտ էր կատարե́լ գրոյն. զոր յառաջագոյն ասա́ց հոգին ս(ուր)բ ՛ի բերանոյ դաւթի, վ(ա)ս(ն) յուդայի՝ որ եղեւ առաջնորդ ունելեա́ցն յ(իսու)սի.

Verse: 17   Link to gnt   
զի ՛ի թիւս մեր է́ր ընդ մեզ, եւ հասեա́լ էր նմա վիճա́կ պաշտամանս այսորիկ։

Verse: 18   Link to gnt   
Սա՝ ստացաւ գեաւղ ՛ի վարձուց անիրաւութե(ան). եւ ուռուցեալ հերձաւ ը(նդ) մէջ՝ եւ հեղա́ւ ամ(ենայն) փոր ն(ո)ր(ա)։

Verse: 19   Link to gnt   
եւ յայտնի́ եղեւ ամենեցուն որ բնակեալ են յե(րուսաղէ)մ. մինչեւ կոչե́լ գեաւղջն այնմիկ բարբառովն իւրեանց ակեղդամա. ա́յսինքն է՝ գեաւղ արեան։

Verse: 20   Link to gnt   
Զի գրեա́լ է ՛ի գիրս սաղմոսաց. եղիցի բնակութի(ւն) ն(ո)ր(ա) աւերակ, եւ մի́ ոք իցէ որ բնակիցէ ՛ի նմա. եւ զկարգ նորա առցէ ա́յլ։

Verse: 21   Link to gnt   
Արդ՝ պա́րտ է յարանցս յայսցանէ եկելոցս ը(նդ) մեզ յամ(ենայն) ժամանակի, յորում մո́ւտ եւ ե́լ առ մեզ տ(է)ր յ(իսու)ս.

Verse: 22   Link to gnt   
սկսեալ ՛ի մկրտութ(են)էն յովհաննու մինչեւ յօրն՝ յորում վերացաւ ՛ի մէնջ, վկա́յ յարութե(ան) ն(ո)ր(ա) ընդ մեզ լինել միում ՛ի սոցանէ։

Verse: 23   Link to gnt   
Եւ կացուցին երկո́ւս. զյովսեփ՝ որում բարսաբա́յն կոչէին, որ անուանեցաւն յուստո́ս. եւ զմատաթեա́յ։

Verse: 24   Link to gnt   
եւ կացեալ յաղօթս՝ ասսեն՝ Դո́ւ տ(է)ր՝ սրտագէ́տ ամ(ենայն)ի՝ յայտնեա́ զմի ոք զոր ընտրեցեր ՛ի սոցանէ յերկոցունց,

Verse: 25   Link to gnt   
առնուլ զվիճակ պաշտամա́նս այսորիկ՝ եւ զառաքելու(թ)ե(ան), յորմէ անկա́ւ յուդաս գնալ ՛ի տեղի իւր։
Passage:  
Verse: 26   Link to gnt   
Եւ ետուն վիճակս նոցա, եւ ելանէր վիճակն մատաթե́այ։ եւ համարեցա́ւ ընդ մետեսան առաքեալսն։



Next part



This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.