TITUS
Armenian NT (Zohrab Bible)
Part No. 91
Previous part

Chapter: 2  
ԳԼՈՒԽ Բ՜.


Section: 3 
Verse: 1   Link to gnt   Եւ ՛ի կատարել աւուրցն պենտակոստէից, էին ամենեքեան միաբա́ն ՛ի միասին։

Verse: 2   Link to gnt   
Եւ եղեւ յանկարծակի հնչի́ւն յերկնից՝ եկեալ իբրեւ սաստի́կ հողմոյ. եւ ելի́ց զամ(ենայն) տունն յորում նստէին։

Verse: 3   Link to gnt   
եւ երեւեցան ն(ո)ց(ա) բաժանեալ լեզուք իբրեւ ի հրոյ, եւ նստա́ւ իւրաքանչիւր ՛ի վերայ նոցա։

Verse: 4   Link to gnt   
Եւ լցա́ն ամենեքեան հոգւով սրբով, եւ սկսան խօսել յա́յլ լեզուս՝ ո(ր)պ(էս) եւ հոգի́ն տայր բարբառել ն(ո)ց(ա)։

Verse: 5   Link to gnt   
Եւ էին յե(րուսաղէ)մ բնակեալ հրեայք ա́րք երկիւղածք, յամ(ենայն) ազգաց որ ՛ի ներքոյ երկնից։

Verse: 6   Link to gnt   
Եւ իբրեւ եղեւ բարբառս այս, ե́կն միաբան բազմութի(ւ)ն եւ խռնեցա́ւ. զի լսէին յիւարաքանչիւր լեզուս խօսե́լ ն(ո)ց(ա)։

Verse: 7   Link to gnt   
Սքանչանային ամենեքեան, եւ զարմանային՝ եւ ասէին ը(նդ) միմեանս. ո՞չ աւասիկ ամենեքեան սոքա որ խօսինս՝ գալիլեացիք են.

Verse: 8   Link to gnt   
եւ զիա՞րդ լսեմք մեք յիւրաքանչիւր բարբառս մեր՝ յորում ծնեալ եմք։

Verse: 9   Link to gnt   
Պարթե́ւք, եւ մարք, եւ իլամացիք, եւ որ բնակեալ են ՛ի միջագետս, ՛ի հրէաստանի́, եւ ՛ի դամիրս, ՛ի պոնտոս, եւ յասիա.

Verse: 10   Link to gnt   
՛ի փռիւգիա՝ եւ ՛ի պամփիւլիա, յեգիպտոս, եւ ՛ի կողմանս լիբացւոց, որ ընդ կիւրենացիս, որ ե́կք հռոմայեցիք։

Verse: 11   Link to gnt   
հրեայք, եւ ե́կք նոցուն, կրետացիք, եւ արաբացիք, լսեմք խօսից ն(ո)ց(ա) ՛ի մե́ր լեզուս զմեծամեծս ա(ստուածո)յ։

Verse: 12   Link to gnt   
Սքանչանայի́ն ամենեքեան զարմացեալք՝ եւ ասէին ցմիմեանս. զի՞նչ կամիցի այս լինել։

Verse: 13   Link to gnt   
Եւ կիսոցն ը(նդ) խա́ղ արկեալ ասէին, եթէ քաղցուալի́ց իցեն։

Verse: 14   Link to gnt   
Յարուցեալ պե́տրոս հանդերձ մետասանիւք, ամբա́րձ զձայն իւր՝ եւ խօսեցա́ւ ընդ ն(ո)ս(ա)։ Արք հրեաստանեա́յք՝ եւ որ բնակեալ էք յերուսաղէմ ամենեքեան, այս ձեզ յայտնի́ լիցի՝ եւ ո́ւնկն դիք բանից իմոց.

Verse: 15   Link to gnt   
ո́չ որպէս դուք կարծէ́ք՝ թէ սոքա արբեա́լ իցեն. զի դեռ երե́ք ժամք են աւուրս։

Verse: 16   Link to gnt   
Այլ ա́յս է որ ասացաւ ՛ի ձեռն մարգարէին յովելայ։

Verse: 17   Link to gnt   
եւ եղիցի յետ այսորիկ յաւուրս յետինս՝ ասէ́ ա(ստուա)ծ, հեղի́ց յոգւոյ իմմէ ՛ի վերայ ամ(ենայն) մարմնոյ, եւ մարգարեասցին ուստերք ձեր եւ դստերք ձեր. եւ երիտասարդ ձեր տեսի́լս տեսցեն, եւ ծերք ձեր երազո́վք յերազեսցին։

Verse: 18   Link to gnt   
եւ ՛ի վերայ ծառայից իմոց՝ եւ ՛ի վերայ աղախնանց իմոց՝ յաւուրսն յայնոսիկ հեղի́ց յոգւոյ իմմէ, եւ մարգարեասցին։

Verse: 19   Link to gnt   
Եւ տաց նշանս յերկի́նս ՛ի վեր, եւ նշա́նս յերկիր ՛ի խոնարհ, արի́ւն եւ հուր եւ մրրիկ ծխոյ։

Verse: 20   Link to gnt   
արեգակն դարձցի ՛ի խաւա́ր՝ եւ լուսին յարիւն, մինչչե́ւ եկեալ իցէ օր տ(եառ)ն մեծ եւ երեւելի։

Verse: 21   Link to gnt   
Եւ եղիցի ամ(ենայն) որ կարդասցէ զանուն տ(եառ)ն՝ կեցցէ́։

Verse: 22   Link to gnt   
Արք ի(սրա)էլացիք. լուարո́ւք զբանս զայսոսիկ. զյ(իսու)ս նազովրացի զայր ցուցեալ յա(ստուածո)յ ի ձեզ, զօրու(թեամ)բ եւ նշանօ́ք եւ արուեստիւք, զոր արար նովաւ ա(ստուա)ծ ՛ի միջի ձերում. ո(ր)պ(էս) եւ դո́ւք իսկ գիտէք զնա.
Passage: 1-2 
Verse: 23   Link to gnt   
նկատեալ խորհրդով եւ կանխագիտութ(եամ)բն ա(ստուածո)յ, մատնեալ ՛ի ձերաց անօրինաց՝ բեւեռեալ ՛ի փայտի սպանէք.

Verse: 24   Link to gnt   
զոր ա(ստուա)ծ յարո́յց լուծեալ զերկունս մահու. քանզի ո́չ էր հնար ըմբռնել նմա ՛ի նմանէ։

Verse: 25   Link to gnt   
Դաւի́թ իսկ ասէ զնմանէ. յառաջագոյն տեսանէի զտ(է)ր առաջի իմ յամ(ենայն) ժամ, զի էր ընդ աջմէ իմմէ,զի մի սասանեցայց.

Verse: 26   Link to gnt   
վասն այսորիկ ուրա́խ եղեւ սիրտ իմ, եւ ցնծացաւ լեզու իմ. ե́ւս եւ մարմին իմ բնակեսցէ յուսով։

Verse: 27   Link to gnt   
զի ո́չ թողցես զանձն իմ ՛ի դժոխս, եւ ո́չ տացես սրբոյ քում տեսանել զապականու(թ)ի(ւն)։

Verse: 28   Link to gnt   
ծանուցեր ինձ զճանապարհս կենաց. լցուցեր զիս ուրախութ(եամ)բ երեսաց քոց։

Verse: 29   Link to gnt   
Ա́րք եղբարք պա́րտ է համարձակութ(եամ)բ ասել ձեզ վ(ա)ս(ն) նահապետին դաւթի. զի եւ մերա́ւ, եւ թաղեցա́ւ. եւ գերեզման ն(ո)ր(ա) կա́յ ՛ի միջի մերում մինչեւ ցա́յսօր։

Verse: 30   Link to gnt   
Զի մարգարէ́ էր եւ գիտէր, եթէ երդմա́մբ երդուաւ նմա ա(ստուա)ծ՝ ՛ի պտղոյ որովայնի ն(ո)ր(ա) նստուցանե́լ յաթոռ ն(ո)ր(ա)։

Verse: 31   Link to gnt   
յառաջագոյն ծանուցեալ խօսեցաւ վ(ա)ս(ն) յարու(թ)ե(ան)ն ք(րիստո)սի. զի ո́չ թողաւ ոգի ն(ո)ր(ա) ՛ի դժոխս, եւ ո́չ մարմին ն(ո)ր(ա) ետես զապականութի(ւն)։

Verse: 32   Link to gnt   
Զա́յս յ(իսու)ս՝ յարո́յց ա(ստուա)ծ, որում ամենեքին մեք վկայեմք։

Verse: 33   Link to gnt   
Աջովն ա́(ստուածո)յ բարձրացեալ, զաւետիս հոգւոյն ս(ր)բ(ո)յ ընկալեալ ՛ի հօրէ, սփռեա́ց զայս՝ զոր դուք իսկ եւ տեսանէք, եւ լսէք։

Verse: 34   Link to gnt   
Զի ո́չ եթէ դաւիթ ել յերկինս. ասէ իսկ ինքն, ասաց տ(է)ր ցտ(է́)ր իմ, նիստ ը(նդ) աջմէ իմմէ՝

Verse: 35   Link to gnt   
մինչեւ եդից զթշնամիս քո պատուանդան ոտից քոց։

Verse: 36   Link to gnt   
Արդ՝ ճշմարտիւ գիտասցէ́ ամ(ենայն) տունդ ի(սրաէ)լի, զի եւ տ(է)ր զնա՝ եւ օծեալ ա́(ստուա)ծ արար. զա́յն յ(իսու)ս՝ զոր դո́ւքն խաչեցէք։

Verse: 37   Link to gnt   
Եւ լուեալ զայս՝ զղջացան ՛ի սիրտս իւրեանց. եւ ասեն ցպե́տրոս եւ ցա́յլ առաքեալսն. զի՞նչ գործեսցուք ա́րք եղբարք։

Verse: 38   Link to gnt   
Ասէ ցն(ո)ս(ա) պե́տրոս. ապաշաւեցէ́ք, եւ մկրտեսցի́ իւրաքանչիւրոք ՛ի ձէնջ յանուն տ(եառ)ն յ(իսու)սի ք(րիստո)սի ՛ի թողութի(ւն) մեղաց, եւ ընկալջի́ք զաւետիս հոգւոյն ս(ր)բ(ո)յ։

Verse: 39   Link to gnt   
զի ձե́զ են աւետիքս եւ որդւոց ձերոց, եւ ամ(ենայն) հեռաւորաց զորս կոչեսցէ տ(է)ր ա(ստուա)ծ մեր։

Verse: 40   Link to gnt   
Եւ այլովք բանիւք բազմօք վկայու(թ)ի(ւն) դնէր, եւ մխիթարէր զն(ո)ս(ա)՝ եւ ասէր. ապրեցարո́ւք յազգէ աստի խոտորելոյ յայսմանէ։

Verse: 41   Link to gnt   
Ոմանք յօժարութ(եամ)բ՝ ընկալեալ զբան ն(ո)ր(ա) մկրտեցա́ն. եւ յաւելան յաւուր յայնմիկ հոգիք իբրեւ երե́ք հազարք։
Passage: 1-3 
Verse: 42   Link to gnt   
Եւ էին հանապազորդեա́լք վարդապետութե(ան) առաքելոցն, եւ հաղորդութե(ան) եւ բեկանելոյ հացի́ն եւ աղօթից։

Verse: 43   Link to gnt   
Եւ լինէր ամ(ենայն) անձին ա́հ եւ երկիւղ, եւ բազո́ւմ նշանք եւ արուեստք ՛ի ձեռս առաքելոցն գործէին.

Verse: 44   Link to gnt   
Ամենայն հաւատացեալքն էին ՛ի միասի́ն, եւ ունէին զամ(ենայն) ինչս հասարակա́ց։

Verse: 45   Link to gnt   
եւ զստացուածս եւ զինչս վաճառէին, եւ բաշխէի́ն զայն ամենեցուն ում զիարդ պիտո́յ ինչ լինէր։

Verse: 46   Link to gnt   
Հանապազօր կանխեա́լ միաբանու(թեամ)բ ՛ի տաճարն. եւ առ տնին բեկանէի́ն զհացն, եւ առնուին կերակուր ուրախու(թեամ)բ, եւ միամտու(թեամ)բ սրտի

Verse: 47   Link to gnt   
օրհնէին զա(ստուա)ծ. եւ ունէին շնո́րհս առ ամ(ենայն) ժողովուրդն։ եւ տ(է)ր յաւելո́յր ՛ի փրկեալսն հանապազօր ՛ի նոյն։



Next part



This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.