TITUS
Armenian NT (Zohrab Bible)
Part No. 96
Previous part

Chapter: 7  
ԳԼՈՒԽ Է՜.


Verse: 1   Link to gnt   Ասէ քահանայապետն՝ եթէ արդարեւ՝ այդ այ՞դպէս իցէ։

Verse: 2   Link to gnt   
Եւ նա́ ասէ. արք եղբարք եւ հարք՝ լուարո́ւք ինձ։ Ա(ստուա)ծ փառաց երեւցաւ հօր մերում աբրահամու, մինչդեռ ՛ի միջագե́տս էր մինչչե́ւ բնակեցուցեալ էր զնա ՛ի խառան. եւ ասէ ցնա։

Verse: 3   Link to gnt   
ե́լ յերկրէ քումմէ եւ յազգէ քումմէ, եւ ե́կ յերկիր՝ զոր ցուցիցքեզ։

Verse: 4   Link to gnt   
Յայնժամ ելեալ յերկրէն քաղդեացւոց բնակեցա́ւ ՛ի խառան։ եւ անտի յետ մեռելոյ հօր ն(ո)ր(ա), փոխեաց պանդխտեցո́յց զնա յերկրիս յայսմիկ, յորում դո́ւք այժմ բնակեալ էք։

Verse: 5   Link to gnt   
Եւ ո́չ ետ նմա ժառանգու(թ)ի(ւն) ՛ի սմա, եւ ո́չ քայլ մի ոտին. եւ խոստացաւ տալ նմա զսա ՛ի բնակութի(ւն), եւ զաւակի́ նորա յետ ն(ո)ր(ա)։ եւ մինչ ո́չ գոյր ն(ո)ր(ա) որդի.

Verse: 6   Link to gnt   
խօսեցաւ ա(ստուա)ծ ա́յսպէս, թէ եղիցի զաւակ ն(ո)ր(ա) պանդուխտ յօտա́ր երկիր. եւ ծառայեցուսցե́ն զնա՝ եւ չարչարեսցեն ամս չորեքհարեւր.

Verse: 7   Link to gnt   
եւ զազգն որում ծառայեսցեն՝ դատեցա́յց ես ասէ ա(ստուա)ծ։ եւ յետ այսորիկ ելցեն՝ եւ պաշտեսցե́ն զիս ՛ի տեղւոջս յայսմիկ։

Verse: 8   Link to gnt   
Եւ ետ նմա ո́ւխտ թլփատութե(ան)։ եւ ապա ծնաւ զիսահակ, եւ թլփատեաց զնա յաւուր ութերորդի. եւ իսահակ զյակո́վբ, եւ յակովբ զերկոտասա́ն նահապետսն։

Verse: 9   Link to gnt   
Եւ նահապետքն նախանձեա́լ ը(նդ) յովսեփայ՝ վաճառեցին յեգիպտոս։ եւ էր ա(ստուա)ծ ը(նդ) նմա.

Verse: 10   Link to gnt   
եւ փրկեաց զնա յամ(ենայն) նեղու(թ)ե(ան)ց ն(ո)ր(ա). եւ ետ նմա շնորհս եւ իմաստու(թ)ի(ւն) առաջի փարաւոնի արքային եգիպտացւոց. եւ կացոյց զնա իշխա́ն եգիպտացւոցն՝ եւ ամ(ենայն) տան ն(ո)ր(ա)։

Verse: 11   Link to gnt   
Եւ եկն սո́վ յամ(ենայն) երկիրն եգիպտոսի, եւ ՛ի քանան։ եւ էր նեղութի(ւն) մեծ. եւ ո́չ գտանէին կերակուրս հարքն մեր։

Verse: 12   Link to gnt   
Եւ լուեալ յակովբայ թէ գտանի́ կերակուր յեգիպտոս, առաքեաց զհարսն մեր յառաջագոյն։

Verse: 13   Link to gnt   
եւ յերկրորդումն ե́տ ծանօթս յովսէփ եղբարց իւրոց։ եւ յայտնի́ եղեւ փառաւոնի ազգն ն(ո)ր(ա)։

Verse: 14   Link to gnt   
Առաքեաց յովսէփ եւ կոչեա́ց զյակոբ զհայր իւր, եւ զամ(ենայն) ազգատոհմն՝ ոգիս եւթանասուն եւ հինգ։

Verse: 15   Link to gnt   
Եւ է́ջ յակոբ յեգիպտոս. եւ վախճանեցա́ւ ինքն եւ հարքն մեր։

Verse: 16   Link to gnt   
եւ փոխեցան ՛ի սիւքէ́մ, եւ եդան յայրին զոր ստացաւ աբրահամ գնոց արծաթոյ յորդւոցն եմովրայ՝ ՛ի սիւքէմ։

Verse: 17   Link to gnt   
Իբրեւ մերձեցա́ւ ժամանակ աւետեացն՝ զոր խոստացաւ ա(ստուա)ծ աբրահամու, աճեաց ժողովուրդն՝ եւ բազմացա́ւ յոյժ յեգիպտոս։

Verse: 18   Link to gnt   
մինչեւ յարեաւ ա́յլ թագաւոր յեգիպտոս, որ ո́չ ճանաչէր զյովսէփ։

Verse: 19   Link to gnt   
Նա՝ հնարեցա́ւ ազգին մերում, եւ չարչարեաց զհարսն մեր, առնել ընկեցի́կ զմանկունս նոցա զի մի́ ապրեսցին։

Verse: 20   Link to gnt   
Յորում ժամանակի ծնաւ մովսէս, եւ էր կայտա́ռ առաջի ա(ստուածո)յ. որ եւ սնա́ւ ՛ի տան հօր իւրոյ ամիսս երիս։

Verse: 21   Link to gnt   
եւ յընկեցիկն առնել զնա՝ եբարձ զնա դուստրն փառաւոնի, եւ սնոյց զնա ի́ւր յորդեգիրս։

Verse: 22   Link to gnt   
եւ վարժեցա́ւ մովսէս ամ(ենայն) իմաստու(թեամ)բ եգիպտացւոցն. եւ էր զօրաւո́ր բանիւք եւ գործովք իւրովք։

Verse: 23   Link to gnt   
Իբրեւ լցա́ւ ն(ո)ր(ա) քառասնամեայ ժամանակք, անկաւ ՛ի սիրտ ն(ո)ր(ա) շրջել զեղբարբք իւրովք՝ զորդւովքն ի(սրաէ)լի։

Verse: 24   Link to gnt   
եւ տեսեալ զոմն զրկեալ՝ զչարեցա́ւ, եւ խնդրեա́ց զվրէժ զրկելոյն՝ սպանեալ զեգիպտացին։

Verse: 25   Link to gnt   
Զմտաւ ածէր թէ իմասցին եղբարք ն(ո)ր(ա), զի ա(ստուա)ծ ՛ի ձեռն նորա́ տալոց էր զփրկու(թ)ի(ւն) ն(ո)ց(ա). եւ նոքա ո́չ իմացան։

Verse: 26   Link to gnt   
Եւ ՛ի վաղիւ անդր երեւեցաւ ն(ո)ց(ա) մինչդեռ մարտնչէինն, եւ վարեաց զն(ո)ս(ա) ՛ի խաղաղութի(ւն). ասէ՝ ա́րք եղբարք էք, ընդէ՞ր զրկէք զմինեանս։

Verse: 27   Link to gnt   
Իսկ որ զրկէր զընկերն՝ մերժեաց զնա, եւ ասէ. ո՞ կացոյց զքեզ իշխան եւ դատաւոր ի վերայ մեր։

Verse: 28   Link to gnt   
մի՞թէ՝ սպանանե՞լ կամիցիս զիս, զոր օրինակ սպաներ երէկ զեգիպտացին։
Passage: 2-3 
Verse: 29   Link to gnt   
Եւ փախեա́ւ մովսէս ՛ի բանիցս յայսցանէ, եւ եղեւ պանդո́ւխտ յերկրին մադիամու. ուր ծնաւ երկուս որդիս։

Verse: 30   Link to gnt   
եւ ՛ի կատարել ամաց քառասնից, երեւեցա́ւ նմ(անէ) յանապատին լերինն սինայ հրեշտակ տ(եառ)ն ՛ի բոց հրոյ մորենւոյն։

Verse: 31   Link to gnt   
Եւ մովսիսի տեսեալ՝ զարմացա́ւ ընդ տեսիլն։ եւ ՛ի մատչելն ն(ո)ր(ա) նշմարել, եղեւ ձա́յն տ(եառ)ն՝ եւ ասէ։

Verse: 32   Link to gnt   
ես եմ ա(ստուա)ծ հարց քոց, ա(ստուա)ծ աբրահամու՝ եւ սահակայ՝ եւ յակովբայ։ եւ զահի հարեալ մովսէս՝ ո́չ իշխէր հայել։

Verse: 33   Link to gnt   
Եւ ասէ ցնա տ(է)ր. լո́յծ զկօշիկս ոտից քոց, զի տեղիդ յորում դուդ կացեր՝ երկիր սո́ւրբ է։

Verse: 34   Link to gnt   
տեսանելո́վ տեսի զչարչարանս ժողովրդեան իմոյ որ յեգիպտոս, եւ լուա́յ հեծութե(ան) ն(ո)ց(ա), եւ իջի փրկե́լ զն(ո)ս(ա). եւ արդ՝ ե́կ առաքեցից զքեզ յեգիպտոս։

Verse: 35   Link to gnt   
Զայն մովսէս՝ զոր ուրացան եւ ասէին. ո՞ կացոյց զքեզ իշխան եւ դատաւոր ՛ի վերայ մեր, զնա ա(ստուա)ծ իշխան եւ փրկի́չ առաքեած ՛ի ձեռն հրաշտակին, որ երեւեցաւ նմա ՛ի մորենւոջն։

Verse: 36   Link to gnt   
Նա́ եհան զն(ո)ս(ա) արարեալ նշանս եւ արուեստս յերկրին եգիպտացւոց, եւ ՛ի կարմիր ծովուն, եւ յանապատի՝ ամս քառասուն։

Verse: 37   Link to gnt   
Ա́յս մովսէս՝ որ ասաց ցորդիսն ի(սրաէ)լի. մարգարէ́ ձեզ յարուսցէ տ(է)ր ա(ստուա)ծ յեղբարց ձերոց՝ իբրեւ զիս, նմա́ լուիջիք։

Verse: 38   Link to gnt   
Սա է որ եղեւ յեկեղեցւոջն յանապատին ընդ հրեշտակին, որ խօսեցաւ ընդ նմա ՛ի լերինն սինայ՝ եւ ընդ հարսն մեր. որ ընկալաւ զպատգամս կենդանիս տալ մեզ։

Verse: 39   Link to gnt   
Որում ո́չ կամեցան հնազանդ լինել հարքն մեր, այլ մերժեցին եւ դարձա́ն սրտիւք իւրեանց յեգիպտոս։

Verse: 40   Link to gnt   
եւ ասէն ցահարոն. արա́ մեզ աստո́ւածս որ երթայցեն առաջի մեր. զի մովսէսն այն որ եհան զմեզ յերկրէն եգիպտացւոց՝ ո́չ գիտեմք զի́ եղեւ նմ(անէ)։

Verse: 41   Link to gnt   
Եւ արարին յաւուրսն յայնոսիկ որթ, եւ մատուցին զո́հս կռոց, եւ ուրա́խ լինէին ՛ի գործս ձեռաց իւրեանց։

Verse: 42   Link to gnt   
Դարձոյց ա(ստուա)ծ՝ եւ մատնեա́ց զն(ո)ս(ա) ՛ի պաշտօն զօրու(թ)ե(ան) երկնից.ո(ր)պ(էս) եւ գրեա́լ է ՛ի գիրս մարգարէից. մի թէ զո՞հս եւ պատարագս մատուցէք ինձ զամս քառասուն յանապատին՝ տո́ւնդ ի(սրաէ)լի։

Verse: 43   Link to gnt   
եւ առէք զվրանն մողոքայ, եւ զաստղն աստուածոյն հռեմփայ, զպատկերսն զոր արարէք երկիր պագանել ն(ո)ց(ա). եւ փոխեցից զձեզ յա́յն կողմ բաբելացւոց։

Verse: 44   Link to gnt   
Խորա́նն վկայութե(ան) էր ընդ հարսն մեր յանապատին. ո(ր)պ(էս) հրամա́ն ետ որ խօսէրն ընդ մովսիսի, առնել զայն ըստ օրինակին զոր ետես։

Verse: 45   Link to gnt   
Զոր եւ ընկալեալ բերէին հարքն մեր հանդերձ յեսուաւ ՛ի վիճակ ազգացն, զորս մերժեաց ա(ստուա)ծ յերեսաց հարցն մերոց. մինչեւ յաւուրս դաւթի,

Verse: 46   Link to gnt   
որ եգիտ շնո́րհս առաջի ա(ստուածո)յ, եւ խնդրեաց գտանել զյարկս ա(ստուածո)յ յակովբայ։

Verse: 47   Link to gnt   
Նա եւ սողովմոն շինեաց նմա տուն։

Verse: 48   Link to gnt   
այլ ո́չ եթէ բարձրեալն ՛ի ձեռագործ տաճարս բնակէ։ այլ ո(ր)պ(էս) մարգարէն ասէ.

Verse: 49   Link to gnt   
երկինք աթո́ռ իմ են, եւ երկիր պատուանդան ոտից իմոց. որպիսի՞ տուն շինեցէք ինձ՝ ասէ տ(է)ր. կամ զի՞նչ տեղի հանգստեան իմոյ

Verse: 50   Link to gnt   
ո՞չ ձեռն իմ արար զայս ամ(ենայն)։

Verse: 51   Link to gnt   
Խստապարանոցք եւ անթլփա́տք սրտիւք եւ ակընջօք։ դուք հանապա́զ հոգւոյն ս(ր)բ(ո)յ հակառակ կայք. ո(ր)պ(էս) հարքն ձեր, եւ դուք։

Verse: 52   Link to gnt   
Զո́ ոք ՛ի մարգարէիցն ո́չ հալածեցին հարքն ձեր. եւ սպանին զայնոսիկ որ յառաջագոյն պատմեցին վ(ա)ս(ն) գալստեան արդարոյն. որոյ դուք այժմ մատնիչք եւ սպանօղք եղերուք.

Verse: 53   Link to gnt   
ոյք առէք զօրէնս ՛ի հրամանս հրեշտակաց, եւ ո́չ պահեցէք։

Verse: 54   Link to gnt   
Եւ լուեալ զայս զայրանայի́ն ՛ի սիրտս իւրեանց, եւ կրճտէին զատամունս ՛ի վերայ նորա։

Verse: 55   Link to gnt   
Եւ նա էր լի́ հոգւով սրբով. հայեցաւ յերկինս՝ եւ ետե́ս զփառս ա(ստուածո)յ, եւ զյ(իսու)ս զի կա́յր ընդ աջմէ ա(ստուածո)յ։ եւ ասէ՝ ահա տեսանե́մ զերկինս բացեալ՝ եւ զորդի մարդոյ զի կայ ընդ աջմէ ա(ստուածո)յ։

Verse: 56   Link to gnt   
Աղաղակեա́լ ՛ի ձայն մեծ, խցի́ն զականջս իւրեանց, եւ դիմեցին առ հասառակ ՛ի վերայ ն(ո)ր(ա)։

Verse: 57   Link to gnt   
եւ հանեալ արտաքոյ քաղաքին՝ քարկոծէի́ն զնա։ եւ վկայքն դնեին զձորձս իւրեանց առ ոտս երիտասարդի միոջ՝ որ կոչէր սա́ւուղ։

Verse: 58   Link to gnt   
եւ քարկո́ծ առնեին զստեփանոս, որ կարդայր եւ ասէր. տ(է)ր՝ յ(իսու)ս՝ ընկա́լ զոգի իմ։

Verse: 59   Link to gnt   
Եդ ծունր՝ եւ աղաղակեաց ՛ի ձայն բարձր. տ(է)ր, մի́ համարիր դոցա զայս մեղս։ եւ զայս իբրեւ ասաց՝ ննջեաց. եւ սաւղոս էր կամակից սպանման նորա։



Next part



This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.