TITUS
Armenian NT (Zohrab Bible)
Part No. 74
Previous part

Chapter: 6  
(Զ՜)


Passage: 4-3 
Verse: 1   Link to gnt   Յետ այսորիկ գնաց Յիսուս յայնկոյս ծովուն Գալիլեացւոց Տիբերեայ։

Verse: 2   Link to gnt   Եւ զհետ երթայր նորա ժողովուրդ բազում. զի տեսանէին զնշանսն՝ զոր առնէր ի վերայ հիւանդաց։

Verse: 3   Link to gnt   Ել ի լեառն Յիսուս, եւ անդ նստէր աշակերտօքն հանդերձ։

Verse: 4   Link to gnt   Եւ էր մերձ զատիկ տօնն Հրէից։

Section: 15  
Verse: 5   Link to gnt   Բարձ ի վեր զաչս իւր Յիսուս, եւ ետես զի ժողովուրդ բազում գայր առ նա. ասէ ցՓիլիպպոս. ուստի գնեսցուք հաց զի՝ կերիցեն դոքա։

Verse: 6   Link to gnt   Զայս ասէր փորձելով զնա. այլ ինքն գիտէր զինչ առնելոց էր։

Verse: 7   Link to gnt   Պատասխանի ետ նմա Փիլիպպոս. երկերիւր դահեկանի հաց՝ չէ դոցա բաւական, թէպէտ եւ իւրաքանչիւր ոք սակաւ ինչ առնուցու։

Verse: 8   Link to gnt   Ասէ ցնա մի յաշակերտացն նորա, Անդրէաս՝ եղբայր սիմովնի վիմի.

Verse: 9   Link to gnt   Է աստ՝ պատանեակ մի որ ունի հինգ նկանակ գարեղէն՝ եւ երկուս ձկունս, այլ այն զինչ է առ այդչափ մարդիկդ։

Verse: 10   Link to gnt   Ասէ Յիսուս. բազմեցուցէք զմարդիկդ, եւ էր խոտ յոյժ ի տեղւոջն. եւ բազմեցան մարդիկն թուով իբրեւ հինգ հազար։

Verse: 11   Link to gnt   Եւ առ զհացն Յիսուս, եւ գոհացաւ. եւ բաշխեաց բազմականացն. Նոյնպէս եւ ի ձկանցն որչափ եւ կամեցան։

Verse: 12   Link to gnt   Եւ իբրեւ յագեցան, ասէ ցաշակերտսն. ժողովեցէք զնշխարեալ կոտորսդ, զի մի ինչ կորիցէ։

Verse: 13   Link to gnt   Ժողովեցին. եւ լցին երկոտասան սակառի զկոտորոցն՝ ի հինգ գարեղէն նկանակէ անտի, որ յաւելաւ ի կերողացն։

Verse: 14   Link to gnt   Իսկ մարդիկն՝ իբրեւ տեսին զնշանսն զոր արար, ասէին, թէ սա է ճշմարիտ մարգարէն՝ որ գալոց էր յաշխարհ։

Passage: 4-4 
Verse: 15   Link to gnt   Յիսուս իբրեւ գիտաց եթէ գալոց են յափշտակել զնա, զի արասցեն զնա թագաւոր, գնաց դարձեալ ի լեառնն միայն։

Section: 16  
Verse: 16   Link to gnt   Եւ իբրեւ երեկոյ եղեւ, իջին աշակերտքն նորա ի ծովեզրն։

Verse: 17   Link to gnt   Եւ մտեալ ի նաւ՝ գնացին յայնկոյս ծովուն ի կափառնաում։ Եւ իբրեւ նսեմացաւ, եւ չեւ եւս եկեալ էր առ նոսա Յիսուս.

Verse: 18   Link to gnt   Եւ ծովն ի սաստիկ հողմոյ շնչելոյ յուզէր։

Verse: 19   Link to gnt   Եւ Վարեալ իբրեւ ասպարէսս քսան եւ հինգ՝ կամ երեսուն, տեսանէին զՅիսուս՝ զի գայր ի վերայ ծովուն՝ եւ մերձ էր ի նաւն, եւ զարհուրեցան յոյժ։

Verse: 20   Link to gnt   Եւ նա՝ ասէ ցնոսա. ես եմ՝ մի երկնչիք։

Verse: 21   Link to gnt   Եւ կամէին զնա ընդունել ի նաւն. եւ վաղվաղակի եհաս նաւն յերկիրն յոր երթային։

Passage: 4-5 
Verse: 22   Link to gnt   Ի վաղիւ անդր ժողովուրդն որ կայր յայն կոյս ծովուն. տեսանէր թէ այլ նաւ ոչ գոյր անդ բայց միայն ի միոյն՝ յոր մտին աշակերտքն Յիսուսի. եւ զի չէր մտեալ Յիսուս ընդ աշակերտսն իւր ի նաւն. բայց միայն աշակերտքն նորա գնացին։

Verse: 23   Link to gnt   Իբրեւ այլ նաւք գային ի Տիբերեայ մօտ յայն տեղի՝ ուր զհացն կերան։

Verse: 24   Link to gnt   Իսկ իբրեւ ետես ժողովուրդն եթէ Յիսուս ոչ է անդ՝ եւ ոչ աշակերտքն նորա, առին նոքա զնաւսն, եւ եկին ի Կափառնաում խնդրել զՅիսուս։

Verse: 25   Link to gnt   Եւ իբրեւ գտին զնա յայնկոյս ծովուն, ասեն ցնա. Ռաբբի երբ եկիր այսր։

Verse: 26   Link to gnt   Պատասխանի ետ նոցա Յիսուս՝ եւ ասէ. ամէն ամէն ասեմ ձեզ. խնդրէք դուք զիս, իբրեւ ոչ եթէ զի նշանս ինչ տեսէք, այլ զի կերայք ի հացէ անտի՝ եւ յագեցարուք։

Verse: 27   Link to gnt   Երթայք գործեցէք՝ մի զկորստական կերակուրն, այլ զկերակուրն որ մնայ ի կեանսն յաւիտենականս, զոր որդին մարդոյ տացէ ձեզ. քանզի զնա հայր կնքեաց Աստուած։

Verse: 28   Link to gnt   Ասեն ցնա. զինչ առնիցեմք զի զգործսն Աստուծոյ գործեսցուք։

Verse: 29   Link to gnt   Պատասխանի ետ Յիսուս՝ եւ ասէ ցնոսա. այս է գործն Աստուծոյ, զի հաւատասջիք յայն, զոր առաքեացն նա։

Verse: 30   Link to gnt   Ասեն ցնա. զինչ նշան առնիցես, զի տեսցուք եւ հաւատասցուք, զինչ գործիցես։

Verse: 31   Link to gnt   Հարքն մեր կերան զմանանայն յանապատի անդ, որպէս եւ գրեալ է. հաց երկնից ետ նոցա ուտել։

Verse: 32   Link to gnt   Ասէ ցնոսա Յիսուս. ամէն ամէն ասեմ ձեզ. թէ ոչ Մովսէս ետ ձեզ զհացն յերկնից. այլ հայրն իմ տացէ ձեզ զհացն յերկնից զճշմարիտ։

Verse: 33   Link to gnt   Զի հաց յԱստուծոյ է, որ իջանէն յերկնից՝ եւ կեանս տայ աշխարհի։

Verse: 34   Link to gnt   Ասեն ցնա. Տէր՝ յամենայն ժամ տուր մեզ զհացն զայն։

Verse: 35   Link to gnt   Ասէ ցնոսա Յիսուս. ես եմ հացն կենաց. որ գայ առ իս՝ ոչ քաղցիցէ, եւ որ հաւատայ յիս՝ ոչ երբէք ծառաւեսցի։

Verse: 36   Link to gnt   Այլ ասացի ձեզ՝ եթէ տեսէք զիս, եւ ոչ հաւատայք։

Verse: 37   Link to gnt   Զամենայն զոր տայ ինձ հայր, առ իս եկեսցէ. եւ որ գայ առ իս, ոչ հանից արտաքս։

Verse: 38   Link to gnt   Զի իջի ես յերկնից, ոչ զի զկամս իմ արարից, այլ զկամս այնորիկ որ առաքեացն զիս։

Passage: 4-6 
Verse: 39   Link to gnt   Այս են կամք հօր իմոյ որ առաքեացն զիս. զի ամենայն զոր ետ ցիս հայր՝ ոչ կորուսից ի նմանէ, այլ յարուցից զնա յաւուրն յետնում։

Verse: 40   Link to gnt   Այս են կամք հօր իմոյ. զի ամենայն որ տեսանիցէ զորդի՝ եւ հաւատայցէ ի նա, ընկալցի զկեանսն յաւիտենականս. եւ ես՝ յարուցից զնա յաւուրն յետնում։

Verse: 41   Link to gnt   Տրտնջէին զնմանէ Հրէայքն, զի ասաց թէ ես եմ հացն իջեալ յերկնից։

Verse: 42   Link to gnt   Եւ ասէին, ոչ սա է որդին Յովսեփու, զորոյ մեք գիտեմք զհայրն. իսկ արդ՝ զիարդ ասէ՝ եթէ ես յերկնից իջի։

Verse: 43   Link to gnt   Պատասխանի ետ Յիսուս՝ եւ ասէ ցնոսա. մի քրթմնջէք ընդ միմեանս.

Verse: 44   Link to gnt   Ոչ ոք կարէ գալ առ իս, եթէ ոչ հայրն՝ որ զիս առաքեաց՝ ձգեսցէ զնա. եւ ես յարուցից զնա յաւուրն յետնում։

Verse: 45   Link to gnt   Գրեալ է ի մարգարէս. եւ եղիցին ամենեքեան ուսեալք յԱստուծոյ։ Ամենայն որ լսէ՝ ի հօրէ՝ եւ ուսանի՝ գայ առ իս։

Verse: 46   Link to gnt   Իբրեւ ոչ եթէ զհայր՝ ուրուք տեսեալ իցէ. եթէ ոչ որ էն յԱստուծոյ, նա ետես զհայր։

Verse: 47   Link to gnt   Ամէն ամէն ասեմ ձեզ. զի որ հաւատայ ընդունի զկեանսն յաւիտենականս։

Verse: 48   Link to gnt   Ես եմ հացն կենաց։

Verse: 49   Link to gnt   Հարքն ձեր կերան զմանանայն յանապատին՝ եւ մեռան։

Verse: 50   Link to gnt   Այս է հացն, որ յերկնիցն իջեալ է. զի որ ուտիցէ ոք ի սմանէ մի մեռանիցի։

Verse: 51   Link to gnt   Ես եմ հացն կենդանի, որ յերկնից իջեալ։

Verse: 52   Link to gnt   Եթէ ոք ուտիցէ ի հացէ յայսմանէ՝ կեցցէ ի յաւիտեան, եւ հացն զոր ես տաց՝ մարմին իմ է, զոր ես տաց վասն կենաց աշխարհի։

Section: 17  
Verse: 53   Link to gnt   Մարտնչէին ընդ միմեանս Հրէայքն եւ ասէին. զիարդ կարէ սա՝ տալ մեզ զմարմին իւր յուտել։

Verse: 54   Link to gnt   Ասէ ցնոսա Յիսուս. ամէն ամէն ասեմ ձեզ, եթէ ոչ կերիջիք զմարմին որդւոյ մարդոյ, եւ արբջիք զարիւն նորա, ոչ ունիք կեանս յանձինս։

Verse: 55   Link to gnt   Որ ուտէ զմարմին իմ՝ եւ ըմպէ զարիւն իմ, ունի զկեանս յաւիտենականս. եւ ես յարուցից զնա յաւուրն յետնում։

Verse: 56   Link to gnt   Զի մարմին իմ՝ ճշմարիտ կերակուր է, եւ արիւն իմ ճշմարիտ ըմպելի է։

Verse: 57   Link to gnt   Որ ուտէ զմարմին իմ եւ ըմպէ զարիւն իմ, յիս բնակեսցէ, եւ ես ի նմա։

Verse: 58   Link to gnt   Որպէս առաքեաց զիս կենդանին հայր, եւ ես կենդանի եմ վասն հօր. եւ որ ուտէն զիս՝ եւ նա կեցցէ վասն իմ։

Verse: 59   Link to gnt   Այս է հացն՝ որ յերկնից իջեալ։ ոչ որպէս կերան հարքն ձեր զմանանայն՝ եւ մեռան. որ ուտէ զհացս զայս՝ կեցցէ յաւիտեան։

Verse: 60   Link to gnt   Զայս ասաց ի ժողովրդեանն՝ յուսուցանելն ի Կափառնաում։

Verse: 61   Link to gnt   Եւ բազումք յաշակերտացն իբրեւ լուան՝ ասեն. խիստ է բանդ այդ, ով կարէ լսել դմա։

Verse: 62   Link to gnt   Իբրեւ գիտաց Յիսուս յանձն իւր՝ եթէ տրտնջեն վասն այնորիկ աշակերտքն նորա, ասէ ցնոսա, այդ գայթագղեցուցանէ զձեզ։

Verse: 63   Link to gnt   Իսկ արդ՝ եթէ տեսանիցէք զորդի մարդոյ՝ զի ելանիցէ ուր էր զառաջինն։

Verse: 64   Link to gnt   Հոգին է կենդանարար, մարմին՝ ինչ ոչ օգնէ։ Զբանն զոր ես խօսեցայ ընդ ձեզ՝ հոգի է եւ կեանք։

Verse: 65   Link to gnt   Այլ են ոմանք ի ձէնջ՝ որ ոչ հաւատան։ Քանզի գիտէր Յիսուս ի սկզբանէ, ով են այնոքիկ որ ոչն հաւատան, եւ ով այն է որ մատնելոցն է զնա։ Եւ ասէր.

Verse: 66   Link to gnt   Վասն այսորիկ ասացի ձեզ՝ թէ ոչ ոք կարէ գալ առ իս, եթէ ոչ իցէ տուեալ ի հօրէ իմմէ։

Verse: 67   Link to gnt   Յայսմանէ բազումք յաշակերտացն նորա չոգան յետս, եւ ոչ եւս շրջէին ընդ նմա։

Verse: 68   Link to gnt   Ասէ Յիսուս ցերկոտասան աշակերտսն. միթէ՝ եւ դուք կամիք երթալ։

Verse: 69   Link to gnt   Պատասխանի ետ նմա Սիմովն Պետրոս. Տէր՝ առ ով երթիցուք. բանս կենաց յաւիտենականաց ունիս։

Verse: 70   Link to gnt   Եւ մեք՝ հաւատացաք եւ ծանեաք՝ եթէ դու ես Քրիստոսն որդի Աստուծոյ։

Verse: 71   Link to gnt   Պատասխանի ետ նոցա Յիսուս. ոչ ես զձեզ զերկոտասանսդ ընտրեցի, եւ միդ ի ձէնջ սատանայ է։

Verse: 72   Link to gnt   Եւ ասէր զՍիմովնեան Յուդայէ Սկարիովտացւոյ. զի նա իսկ՝ մատնելոց էր զնա. եւ մի էր յերկոտասանիցն։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.