TITUS
Armenian NT (Zohrab Bible)
Part No. 23
Previous part

Chapter: 23  
(Ի՜Գ)


Passage: 7-6 
Verse: 1   Link to gnt   Յայնժամ խօսեցաւ Յիսուս ընդ ժողովուրդսն եւ ընդ աշամերտսն իւր՝ եւ ասէ.

Verse: 2   Link to gnt   Յաթոռն մովսիսի նստան դպիտք եւ փարիսեցիք։

Verse: 3   Link to gnt   Զամենայն ինչ՝ որ ասիցեն ձեզ՝ արարէք եւ պահեցէք. բայց ըստ գործոցն նոցա մի առնէք. զի ասեն՝ եւ ոչ առնեն։

Verse: 4   Link to gnt   Կապեն բեռինս ծանունս եւ դժուակակիրս, եւ դնեն ի վերայ ուսոց մարդկան. եւ մատամբ իւրեանց ոչ կամին շարժել զնոսա։

Verse: 5   Link to gnt   Եւ զամենայն գործս իւրեանց առնեն ի ցոյցս մարդկան, լայնեն զգրապանակս իւրեանց, եւ երկայնեն զքղանցս հանդերձից իւրեանց։

Verse: 6   Link to gnt   Սիրեն զյառաջագահս յընթրիս, եւ զնախաթոռս ի ժողովուրդս՝ եւ զողջոյնս ի հրապարակս։

Verse: 7   Link to gnt   Եւ կոչել ի մարդկանէ՝ ռաբբի ռաբբի։

Verse: 8   Link to gnt   Բայց դուք մի զոք կոչէք վարդապետ, զի մի է ձեր ուսուցիչ, եւ ամենեքին դուք եղբարք էք։

Verse: 9   Link to gnt   Եւ հայր՝ մի կոչէք ձեզ յերկրի. զի ձեր՝ մի է հայր՝ որ յերկինսն է։

Verse: 10   Link to gnt   Եւ մի կոչիցիք ուսուցիչք, զի ուսուցիչ ձեր Քրիստոսն է։

Verse: 11   Link to gnt   Եւ մեծն ի ձէնջ եղիցի ձեր սպասաւոր։

Verse: 12   Link to gnt   Որ բարձրացուցանէ զանձն՝ խոնարհեսցի, եւ որ խոնարհեցուցանէ զանձն՝ բարձրասցի։

Section: 56  
Verse: 13   Link to gnt   Վայ ձեզ դպրաց եւ փարիսեցւոց կեղծաւորաց. զի փակէք զարքայութիւն երկնից առաջի մարդկան. դուք ոչ մտանէք, եւ որոց մտանեն՝ չտայք թոյլ մտանել։

Verse: 15   Link to gnt   Վայ ձեզ դպրաց եւ փարիսեցւոց կեղծաւորաց. զի յածիք ընդ ծով եւ ընդ ցամաք՝ առնել եկամուտ մի. եւ յորժամ լինիցի, առնէք զնա որդի գեհենի՝ կրկին եւս քան զձեզ·

Verse: 16   Link to gnt   Վայ ձեզ՝ առաջնորդք կոյրք. զի ասէք՝ որ երդնու ի տաճարն՝ չէ ինչ, բայց որ երդնու յոսկին որ ի տաճարին է՝ արժան է։

Verse: 17   Link to gnt   Մորոսք եւ կոյրք՝ զինչ մեծ է, ոսկին՝ եթէ տաճարն որ զսրբէ զոսկին։

Verse: 18   Link to gnt   Եւ որ երդնու ի սեղանն՝ չէ ինչ, բայց որ երդնու ի պատարագն, որ ի վերայ նորա է՝ արժանի է։

Verse: 19   Link to gnt   Յիմարք եւ կոյրք՝ զինչ մեծ է. պատարագն, եթէ սեղանն՝ որ սրբէ զպատարագն։

Verse: 20   Link to gnt   Իսկ արդ՝ որ երդնու ի սեղանն, երդուաւ ի նա՝ եւ յամենայն որ ի վերայ նորա է։

Verse: 21   Link to gnt   Եւ որ երդուաւ ի տաճարն, երդուաւ ի նա՝ եւ ի բնակիչն նորա։

Verse: 22   Link to gnt   Եւ որ երդուաւ յերկինս. երդուաւ յաթոռն Աստուծոյ՝ եւ յայն որ նստի ի վերայ նորա։

Verse: 23   Link to gnt   Վայ ձեզ դպրաց եւ փարիսեցւոց կեղծաւորաց. զի տասանորդէք զանանուխ եւ զսամիթ եւ զչաման. եւ թողէք զծանր ծանր օրինացն՝ զդատաստան, եւ զողորմութիւն, եւ զհաւատս, զայս արժան էր առնել՝ եւ զայն չթողուլ։

Verse: 24   Link to gnt   Առաջնորդք կոյրք, որ զմժղուկս քամէք, եւ զուղտս կլանէք։

Verse: 25   Link to gnt   Վայ ձեզ դպրաց եւ փարիսեցւոց կեղծաւորաց. զի սրբէք զարտաքին զբաժակին եւ զսկաւառակի, եւ ի ներքոյ լի են յափշտակութեամբ եւ անխառնութեամբ։

Verse: 26   Link to gnt   Փարիսեցի կոյր՝ սրբեա նախ զներքին բաժակին եւ զսկաւառակին, զի լինիցի եւ արտաքինն նոցա սուրբ։

Verse: 27   Link to gnt   Վայ ձեզ դպրաց եւ փարիսեցւոց կեղծաւորաց. զի նման էք գերեզմանաց բռելոց, որ արտաքոյ երեւին գեղեցիկք, եւ ի ներքոյ լի են ոսկերօք մեռելոց, եւ ամենայն պղծութեամբ։

Verse: 28   Link to gnt   Նոյնպէս եւ դուք՝ արտաքոյ երեւիք մարդկան արդարք, եւ ի ներքոյ չի էք կեղծաւորութեամբ եւ անօրէնութեամբ։

Verse: 29   Link to gnt   Վայ ձեզ դպրաց եւ փարիսեցւոց կեղծաւորաց. զի շինէք զշիրիմս մարգարէից, եւ զարդարէք զգերեզմանս արդարոց։

Verse: 30   Link to gnt   Եւ ասէք՝ եթէ էաք յաւուրս հարցն մերոց՝ ոչ հաղորդէաք արեան մարգարէիցն։

Verse: 31   Link to gnt   Ապա ուրեմն վկայէք զանձանց՝ եթէ որդիք էք այնոցիք՝ որ կոտորէին զամրգարէսն։

Verse: 32   Link to gnt   Եւ դուք՝ լցէք զչափ հարցն ձերոց,

Verse: 33   Link to gnt   Օձք՝ ծնունդ իժից, զիարդ փախնուցուք ի դատաստանէ գեհենին։

Verse: 34   Link to gnt   Վասն այդորիկ՝ ահաւասիկ ես առաքեմ առ ձեզ մարգարէս, եւ իմաստունս, եւ դպիրս. ի նոցանէ սպանանիցէք, եւ ի խաչ հանիցէք, եւ ի նոցանէ տանջիցէք ի ժողովուրդս ձեր, եւ հալածիցէք ի քաղաքէ ի քաղաք։

Verse: 35   Link to gnt   Որպէս զի եկեսցէ ի վերայ ձեր ամենայն արիւն արդար հեղեալ յերկրի. յարենէն աբելի արդարոյ մինչեւ ցարիւնն զաքարիայ որդւոյ բարաքեայ՝ զոր սպանէք ընդ մէջ տաճարին եւ սեղանոյ

Verse: 36   Link to gnt   Ամէն ասեմ ձեզ. եկեսցէ այն ամենայն ի վերայ ազգիս այսորիկ,.

Verse: 37   Link to gnt   Երուսաղէմ, երուսաղէմ. որ կոտորէր զմարգարէս՝ եւ քարկոծ առնէր զառաքեալսն առ նա, քանիցս անգամ կամեցայ ժողովել զմանկունս քո՝ զոր օրինակ ժողովէ հաւ զձագս իւր ընդ թեւովք, եւ ոչ կամեցարուք։

Verse: 38   Link to gnt   ահա թողեալ լիցի ձեզ տունդ ձեր աւերակ։

Verse: 39   Link to gnt   Բայց ասեմ ձեզ, թէ ոչ եւս տեսանիցէք զիս յայսմ հետէ, մինչեւ ասիցէք՝ օրհնեալ եկեալն յանուն տեառն։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.