TITUS
Armenian NT (Zohrab Bible)
Part No. 25
Previous part

Chapter: 25  
(Ի՜Ե)


Section: 59  
Verse: 1   Link to gnt   Յայնժամ նմանեսցի արքայութիւն երկնից տասն կուսանաց, որոց առեալ զլապտերս իւրանց՝ ելին ընդ առաջ փեսային եւ հարսին։

Verse: 2   Link to gnt   Հինգն ի նոցանէ յիմարք էին՝ եւ հինգն իմաստունք։

Verse: 3   Link to gnt   Յիմարքն առին զլապտերսն, եւ ձէթ ընդ իւրեանս ոչ բարձին.

Verse: 4   Link to gnt   Իսկ իմաստունքն առին եւ ձէթ ամանօք ընդ լապտերս իւրեանց

Verse: 5   Link to gnt   Եւ ի յամել փեսային, նիհրեցին ամենեքեան եւ ի քուն մտին։

Verse: 6   Link to gnt   Եւ ի մէջ գիշերի եղեւ բարբառ, ահա փեսայ գայ արիք ընդ առաջ նորա։

Verse: 7   Link to gnt   Յայնժամ յարեան ամենայն կուսանքն, եւ կազմեցին զլապտերսն իւրեանց։

Verse: 8   Link to gnt   Ասեն յիմարքն ցիմաստունսն, տուք մեզ յիւղոյդ ձերմէ, զի ահա՝ շիջձանին լապտերքս մեր։

Verse: 9   Link to gnt   Պատասխանի ետուն իմաստունքն՝ եւ ասեն. գուցէ ոչ իցէ մեզ եւ ձեզ բաւական, այլ երթայք ի վաճառականս՝ եւ գնեսջիք ձեզ։

Verse: 10   Link to gnt   Իբրեւ նոքա գնացին գնել՝ եւ եկն փեսայն եւ պատրաստքն մտին ընդ նմա ի հարսանիսն եւ փակեցաւ դուռնն։

Verse: 11   Link to gnt   Յետոյ՝ գան եւ այլ կուսանքն եւ ասեն. տէր տէր բաց մեզ։

Verse: 12   Link to gnt   Նա պատասխանի ետ եւ ասէ, ամէն ասեմ ձեզ, թէ ոչ գիտեմ զձեզ։

Verse: 13   Link to gnt   Արթուն կացէք՝ զի ոչ գիտէք զօրն եւ ոչ զժամ։

Section: 60  
Verse: 14   Link to gnt   Որպէս այր մի գնացեալ ի տար աշխարհ, կոչեաց զծառայս իւր՝ եւ ետ նոցա զինչս իւր։

Verse: 15   Link to gnt   Ումեմն ետ հինգ քանքար. եւ ումեմն երկուս, եւ ումեմն մի. իւրաքանչիւր ըստ իւրում կարի. եւ գնաց։

Verse: 16   Link to gnt   Չոգաւ վաղվաղակի՝ որ առ զհինգն, գործեաց նոքօք, եւ շահեցաւ այլ եւս հինգ։

Verse: 17   Link to gnt   Նոյնպէս եւ որ զերկուսն շահեցաւ այլ եւս երկուս։

Verse: 18   Link to gnt   Եւ որ զմին առ՝ գնաց փորեաց զերկիր, եւ թաքոյց զարծաթ տեառն իւրոյ։

Verse: 19   Link to gnt   Յետ բազում ժամանակի, գայ տէր ծառայիցն այնոցիկ, եւ առնէ համարս ի մէջ նիցա։

Verse: 20   Link to gnt   Եւ մատուցեալ որ զհինգ քանքարն առ, մատոյց այլ եւս հինգ քանքար՝ եւ ասէ. տէր հինգ քանքար ետուր ցիս, արդ ահաւասիկ՝ հինգ այլ եւս քանքար ի վերայ շահեցայ։

Verse: 21   Link to gnt   Ասէ ցնա տէրն իւր. ազնիւ ծառայ՝ բարի եւ հաւատարիմ, որովհետեւ ի սակաւուդ հաւատարիմ ես, ի վերայ բազմաց կացուցի զքեզ. մուտ յուրախութիւն տեառն քոյ։

Verse: 22   Link to gnt   Մատուցեալ եւ որոյ զերկուս քանքարսն առեալ էր, եւ ասէ. տէր՝ երկուս քանքարս ետուր ցիս. ահաւասիկ երկուս եւս այլ քանքարս՝ զոր ի վերայ շահեցայ։

Verse: 23   Link to gnt   Ասէ ցնա տէրն իւր. ազնիւ ծառայ բարի եւ հաւատարիմ, որովհետեւ ի սակաւուդ հաւատարիմ ես, ի վերայ բազմաց կացուցից զքեզ. մուտ յուրախութիւն տեառն քոյ։

Verse: 24   Link to gnt   Մատուցեալ եւ որոյ զմի քանքարն առեալ էր, եւ ասէ. տէր՝ գիտէի զի այր մի խիստ ես. հնձես՝ զոր ոչ սերմանեցեր, եւ ժողովես՝ ուստի ոչ սփռեցեր.

Verse: 25   Link to gnt   երկեայ՝ գնացի եւ թագուցի զքանքարս քո յերկրի. արդ՝ աւասիկ քոյդ ցքեզ։

Verse: 26   Link to gnt   Պատասխանի ետ տէրն՝ եւ ասէ ցնա. ծառայ չար եւ վատ՝ գիտէիր թէ հնձեմ՝ ուստի ոչ սերմանեցի. եւ ժողովեմ՝ ուսզ ոչ սփռեցի.

Verse: 27   Link to gnt   պարտ էր քեզ արկանել զարծաթդ իմ ի սեղանաւորս, եւ եկեալ ես՝ տոկոսեօք պահանջէի զիմն։

Verse: 28   Link to gnt   Արդ՝ առէք ի դմանէ զքանքարդ՝ եւ տուք այնմ որ ունիցի զտասն քանքարն։

Verse: 29   Link to gnt   Զի ամենայնի որ ունիցի՝ տացի եւ յաւելցի, եւ որ ոչն ունիցի, եւ զոր ունիցին՝ բարձցի ի նմանէ։

Verse: 30   Link to gnt   Եւ զծառայդ անպիտան հանէք խաւարն արտաքին. անդ եղիցի լալ եւ կրճել ատամանց։

Section: 61  
Verse: 31   Link to gnt   Եւ յորժամ եկեսցէ որդի մարդոյ փառօք իւրովք՝ եւ ամենայն հրեշտակք ընդ նմա, յայնժամ նստցի յաթոռ փառաց իւրոց։

Verse: 32   Link to gnt   Եւ ժողովեսցին առաջի նորա ամենայն ազգք, եւ մեկնեսցէ զնոսա ի միմեանց, որպէս հովիւ զի մեկնէ զօդիս յայծեաց։

Verse: 33   Link to gnt   Եւ կացուսցէ զօդիսն ընդ աջմէ իւրմէ եւ զայծիսն ի ձախմէ։

Verse: 34   Link to gnt   Յայնժամ ասասցեն թագւորն ցայնոսիկ՝ որ ընդ աջմէն իցեն. եկայք օրհնեալք հօր իմոյ. ժառանգեցէք զպատրաստեալ ձեզ արքայութիւն ի սկզբանէ աշխարհի։

Verse: 35   Link to gnt   Զի քաճցեայ՝ եւ ետուք ինձ ուտել. ծարաւեցի՝ եւ արբուցէք ինձ. օտար էի՝ եւ ժողվեցէք զիս.

Verse: 36   Link to gnt   մերկ՝ եւ զգեցուցէք զիս. հիեւանդ էի՝ եւ տեսէք զիս. ի բանտի էի՝ եւ եկիք առ իս։

Verse: 37   Link to gnt   Յայնժամ պատասխանի տացեն նմա արդարքն եւ ասասցեն. տէր՝ երբ տեսաք զքեզ քաղցեալ՝ եւ կերակրեցաք, կամ ծարաւի՝ եւ արբուցաք։

Verse: 38   Link to gnt   երբ տեսաք զքեզ օտար՝ եւ ժողովեցաք. կամ մերկ՝ եւ զգեցուցաք։

Verse: 39   Link to gnt   երբ տեսաք զքեզ հիւանդ՝ կամ ի բանտի, եւ եկաք առ քեզ։

Verse: 40   Link to gnt   Պատասխանի տացէ թագաւորն՝ եւ ասասցէ ցնոսա. ամէն ասեմ ձեզ, որովհետեւ արարէք միում յեղբարցս այսոցիկ փոքրկանց՝ ինձ արարէք։

Verse: 41   Link to gnt   Յայնժամ ասասռծէ եւ ցայնոսիկ՝ որ ընդ ահեկին իցեն. երթաք յինէն՝ անիծեալք ի հուր յաւիտենական, որ պատրաստեալ է սատանայի եւ հրեշտակաց նորա։

Verse: 42   Link to gnt   Զի քաղցեայ՝ եւ ոչ ետուք ինձ ուտել, ծառաւեցի՝ եւ ոչ արբուցէք զիս.

Verse: 43   Link to gnt   օտար էի՝ եւ ոչ ժողովեցէք զիս, մերկ էի՝ եւ ոչ զգեցուցէք զիս, հիւանդ՝ եւ ի բանտի՝ եւ ոչ տեսէք զիս։

Verse: 44   Link to gnt   Յայնժամ պատասխանի տացեն եւ նոքա՝ եւ ասասցեն. տէր երբ տեսաք զքեզ քաղցեալ՝ կամ ծարաւի. կամ օտար. կամ մերկ, կամ հիւանդ, կամ ի բանտի, եւ ոչ պաշտեցաք զքեզ։

Verse: 45   Link to gnt   Յայնժամ պատասխանի զացէ նոցա՝ եւ ասասցէ. ամէն ասեմ ձեզ, որովհետեւ ոչ արարէք միում ի փոքրկանցս յայսցանէ, եւ ոչ ինձ արարէք։

Verse: 46   Link to gnt   Եւ երթիցեն նոքա ի տանջանսն յաւիտենականս, եւ արդարքն ի կեանսն յաւիտենականս։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.