TITUS
Armenian NT (Zohrab Bible)
Part No. 26
Previous part

Chapter: 26  
(Ի՜Զ)


Verse: 1   Link to gnt   Եւ եղեւ իբրեւ կատարեաց Յիսուս զամենայն զբանս զայսոսիկ, ասէ ցաշակերտսն իւր։

Verse: 2   Link to gnt   Գիտէք, զի յետ երկուց աւուրց զատիկ լինի. եւ որդի մարդոյ մատնի ի խաչ ելանել,

Passage:  
Verse: 3   Link to gnt   Յայնժամ ժողովեցան քահանայապետքն եւ դպիրք եւ ծերք ժողովրդեանն ի սրահ քահանայապետին՝ որում անուն էր կայափա.

Verse: 4   Link to gnt   Եւ արարին խորհուրդ՝ զի նենգութեամբ կալցեն զՅիսուս՝ եւ սպանցեն։

Verse: 5   Link to gnt   Բայց ասէին. թէ մի ի տօնի աստ՝ զի իմ խռովութիւն լինիցի ի ժողովրդեանն։

Section: 62 
Verse: 6   Link to gnt   Իբրեւ եկն Յիսուս ի բեթանիա ի տուն սիմոնի բորոտի,

Verse: 7   Link to gnt   Մատեաւ առ նա կին մի, որ ունէր շիշ իւղոյ ծանրագնի. եւ թափեալ ի գլուխ նորա ի բազմականին.

Verse: 8   Link to gnt   Իբրեւ տեսին աշակերտքն՝ բարկացան եւ ասեն. ընդէր է կորուստդ այդ իւղոյդ.

Verse: 9   Link to gnt   Զի մարթ էր վաճառել զդա մեծագնի՝ եւ տալ աղքատաց,

Verse: 10   Link to gnt   Գիտաց Յիսուս եւ ասէ ցնոսա. զի աշխատ առնէք զկինդ. գործ մի բարի գործեաց դա յիս։

Verse: 11   Link to gnt   Յամենայն ժամ զաղքատս ընդ ձեզ ունիք, բայց զիս ոչ հանապազ ընդ ձեզ ունիք։

Verse: 12   Link to gnt   Արկանել դորա զեւղդ ի մարմին իմ, առ ի թաղելոյ զիս նշանակեաց։

Verse: 13   Link to gnt   Բայց ամէն ասեմ ձեզ, զի ուր եւ քարոզեսցի աւետարանս այս ընդ ամենայն աշխարհ՝ խօսեսցի եւ զոր արար դա՝ ի յիշատակ դորա։

Verse: 14   Link to gnt   Յայնժամ գնաց մի յերկոտասանիցն անուանեալն յուդա սկարիովտացի՝ առ քահանայապետն, եւ ասէ.

Verse: 15   Link to gnt   Զինչ կամիք տալ ինձ, եւ ես մատնեցից զնա ձեզ, եւ նոքա կշռեցին նմա երեսուն արծաթի.

Verse: 16   Link to gnt   Եւ յայնմ հետէ խնդրէր պարապ՝ զի մատնեսցէ զնա նոցա։

Section: 63 
Verse: 17   Link to gnt   Եւ յառաջնում աւուր բաղարջակերացն մատեան աշակերտքն առ Յիսուս եւ ասեն. ուր կամիս՝ զի պատրաստեսցուք քեզ ուտել զզատիկն.

Verse: 18   Link to gnt   Եւ նա՝ ասէ ցնոսա. երթայք ի քաղաքն առ այս անուն, եւ ասացէք ցնա. վարդապետ ասէ՝ ժամանակ իմ մերձեալ է, առ քեզ առնեմ զզատիկ աշակերտօքս հանդերձ։

Verse: 19   Link to gnt   Եւ արարին աշակերտքն որպէս հրամայեաց նոցա Յիսուս, եւ պատրաստեցին զզատիկն.

Verse: 20   Link to gnt   Եւ իբրեւ եկ երեկոյ եղեւ՝ կայր բազմեալ ընդ երկոտասան աշակերտսն։

Verse: 21   Link to gnt   Եւ մինչ դեռ ուտէին նոքա. ասէ. ամէն ասեմ ձեզ. զի մի ոմն ի ձէնջ մատնելոց է զիս։

Verse: 22   Link to gnt   Եւ տրտմեցան յոյժ եւ սկսան ասել ցնա՝ իւրաքանչիւր ոք ի նոցանէ. միթէ ես իցեմ տէր։

Verse: 23   Link to gnt   Նա պատասխանի ետ՝ եւ ասէ. որ մխեաց ընդ իս զձեռն իւր ի սկաւառակն՝ նա մատնելոց է զիս։

Verse: 24   Link to gnt   Որդի մարդոյ երթայ՝ որպէս գրեալ է վասն նորա։ Բայց վայ մարդոյն այնմիկ՝ յոյր ձեռս որդին մարդոյ մատնեսցի, լաւ էր նմա թէ չէր ծնեալ մարդն այն։

Verse: 25   Link to gnt   Պատասխանի ետ յուդա՝ որ մատնելոցն էր զնա՝ եւ ասէ. միթէ ես իցեմ վարդապետ, ասէ ցնա դու ասացեր։

Section: 64 
Verse: 26   Link to gnt   Եւ մինչդեռ ուտէին նոքա, առ Յիսուս հաց՝ օրհնեաց եւ եբեկ, եւ ետ աշակերտացն՝ եւ ասէ. առէք կերայք՝ այս է մարմին իմ։

Verse: 27   Link to gnt   Եւ առեալ բաժակ գոհացաւ՝ ետ նոցա եւ ասէ. արբէք ի դմանէ ամենեքին։

Verse: 28   Link to gnt   Զի այդ է արիւն իմ նորոյ ուխտի, որ ի վերայ բազմաց հեղու ի թողութիւն մեղաց։

Verse: 29   Link to gnt   Բայց ասեմ ձեզ. ոչ եւս արբից յայսմ հետէ ի բերոյ որթոյ մինչեւ ցօրն ցայն՝ յորժամ արբից զդա ընդ ձեզ նոր յարքայութեան հօր իմոյ։

Verse: 30   Link to gnt   Եւ օրհնեցին, եւ ելին ի լեառն ձիթենեաց։

Verse: 31   Link to gnt   Յայնժամ ասէ ցնա Յիսուս. ամենեքին դուք՝ գայթագղելոց էք յինէն յայսմ գիշերի. զի գրեալ է թէ հարիք զհովիւն՝ եւ ցրուեսցին ոչխարք հոտին։

Verse: 32   Link to gnt   Եւ յետ յառնելոյ իմոյ. յառաջեցից քան զձեզ ի գալիլեա։

Verse: 33   Link to gnt   Պատասխանի ետ պետրոս՝ եւ ասէ ցնա. թէպէտ եւ ամենեքեան գայթագղեսցին ի քէն, սակայն ես ոչ գայթագղեցայց։

Verse: 34   Link to gnt   Ասէ ցնա Յիսուս. ամէն ասեմ քեզ. զի յայսմ գիշերի՝ մինչչեւ հաւու խօսեալ իցէ, երիցս ուրասցիս զիս։

Verse: 35   Link to gnt   Ասէ ցնա պետրոս. թէ եւ մեռանել հասանիցէ ընդ քեզ, զքեզ ոչ ուրացայց։ նոյնպէս եւ ամենայն աշակերտքն ասէին։

Verse: 36   Link to gnt   Յայնժամ գայ Յիսուս ընդ նոսա ի գեղ մի որում անուն էր գեթսամանի, եւ ասէ ցնոսա, նստարուք անդր՝ մինչեւ երթայց կացից յաղօթս։

Verse: 37   Link to gnt   Եւ առեալ ընդ իւր զպետրոս՝ եւ զերկուս որդիսն զեբեդեայ, սկսաւ տրտմել եւ հոգալ։

Verse: 38   Link to gnt   Յայնժամ ասէ ցնոսա, տրտում է ոգի իմ մինչեւ ի մահ, կացէք աստ՝ եւ սկեցէք ընդ իս.

Verse: 39   Link to gnt   Եւ մատուցեալ յառաջ սակաւիկ մի անկաւ ի վերայ երեսաց իւրոց, կաց յաղօթս՝ եւ ասէ. Հայր իմ, եթէ հնար է՝ անցցէ բաժակս այս յինէն բայց ոչ որպէս ես կամիմ, այլ որպէս դու.

Verse: 40   Link to gnt   Գայ առ աշակերտշն, եւ գտանէ զնոսա ի քուն, եւ ասէ ցպետրոս, այդպէս ոչ կարացէք մի ժամ արթուն կալ ընդ իս։

Verse: 41   Link to gnt   Արթուն կացէք եւ աղօթս արարէք՝ զի մի անկանիցիք ի փորձութիւն. հոգիս յօժար է՝ բայց մարմինս տկար։

Verse: 42   Link to gnt   Դարձեալ երկրորդ անգամ չոգաւ եկաց յաղօթս Յիսուս՝ եւ ասէ. Հայր իմ՝ եթէ հնար իցէ անցանել յինէն բաժակիս այսմիկ, ապա թէ ոչ՝ արբից զսա, եղիցին կամք քո։

Verse: 43   Link to gnt   Եւ եկեալ միւսանգամ եգիտ զնոսա ի քուն, զի էին աչք իւրեանց ծանրացեալք։

Verse: 44   Link to gnt   Եթող զնոսա՝ եւ գնաց կաց յաղօթս երրորդ անգամ, եւ դարձեալ զնոյն բան ասաց։

Verse: 45   Link to gnt   Յայնժամ գայ առ աշակերտսն՝ եւ ասէ ցնոսա. ննջեցէք այսուհետեւ՝ եւ հանգերուք. զի ահա՝ հասեալ է ժամ, եւ որդի մարդոյ մատնի ի ձեռս մեղաւորաց։

Verse: 46   Link to gnt   արիք երթիցուք աստի, զի ահաւասիկ եհաս որ մատնելոց է զիս։

Section: 65 
Verse: 47   Link to gnt   Եւ մինչդեռ նա զայն խօսէր. ահա յուդա՝ մի յերկոտասանիցն եկն, եւ ընդ նմա ամբոխ բազում սրովք եւ բրօք՝ ի քահանայապետիցն՝ եւ ի ծերոց ժողովրդեանն։

Verse: 48   Link to gnt   Եւ որ մատնելոցն էր զնա՝ ետ նոցա նշան՝ եւ ասէ. ընդ որում ես համբուրեցից՝ նա է, զնա ունիցիք։

Verse: 49   Link to gnt   Եւ վաղվաղակի մատուցեալ առ Յիսուս ասէ. ողջ լեր վարդապետ. եւ համբուրեաց ընդ նմա։

Verse: 50   Link to gnt   Եւ յիսուս ասէ ցնա. ընկեր՝ վասն որոյ եկիրդ։ յայնժամ մատուցեալ արկին ձեռս ի Յիսուս եւ կալան զնա։

Verse: 51   Link to gnt   Եւ ահա՝ մին ոմն յայնցանէ՝որ էին ընդ Յիսուսի, ձգեաց զձեռն եւ եհար զսուր իւր՝ եւ եհար զծառայ քահանայապետին, եւ ի բաց եհար զունկն նորա։

Verse: 52   Link to gnt   Յայնժամ ասէ ցնա Յիսուս. դարձո զսուր քո ի տեղի իւր. զի ամենեքեան՝ որ սուր առնուցուն՝ սրով անկցին։

Verse: 53   Link to gnt   Թէ համարիցիս՝ թէ ոչ կարիցեմ աղաչել զհայր իմ. եւ հասուցանիցէ ինձ այժմ այսր՝ աւելի քան զերկոտասն գունդս հրեշտակաց։

Verse: 54   Link to gnt   Այլ զիարդ լնուցուն գիրք եթէ այսպէս պարտ է լինել։

Verse: 55   Link to gnt   Յայնժամ ասաց Յիսուս ցամբոխս. իբրեւ ի վերայ աւազակի ելէք սուսերօքն եւ բրօք՝ ունել զիս. հանապազ առ ձեզ ի տաճարին նստէի եւ ուսուցանէի, եւ ոչ կալայք զիս։

Verse: 56   Link to gnt   Այլ այս ամենայն եղեւ՝ զի լցցին գիրք մարգարէիցն. Յայնժամ աշակերտքն ամենեքին թողին զնա եւ փախեան։

Verse: 57   Link to gnt   Իսկ նոցա կալեալ զՅիսուս ածին առ կայառպա քահանայպետ՝ ուր դպիրքն եւ ծերք ռզողովեալ էին։

Verse: 58   Link to gnt   Եւ պետրոս զհետ նորա երթայր բացագոյն մինչեւ ի սրահ քահանայապետին. եւ մտեալ ի ներքս նստէր ընդ սպասաւորսն տեսանել զկատարածն։

Verse: 59   Link to gnt   Իսկ քահանայապետքն եւ ամենայն ատեանն խնդրէին սուտ վկայութիւն զՅիսուսէ. զի սպանանիցեն զնա.

Verse: 60   Link to gnt   եւ ոչ գտանէին ի բազմաց սուտ վկայիցն մատուցելոց։ Յետոյ մատուցեալ երկու սուտ վկայք։

Verse: 61   Link to gnt   ասէին՝ թէ սա ասէր՝ կարօղ եմ քակել զտաճարն Աստուծոյ, եւ զերիս աւուրս շինել։

Verse: 62   Link to gnt   Եւ յարուցեալ քահանայապետն ասէ ցնա. չտաս ինչ պատասխանի. զինչ դոքա ամբաստանեն զքէն։

Verse: 63   Link to gnt   Եւ Յիսուս լուռ կայր։ Պատասխանի ետ քահանայապետն եւ ասէ ցնա. երդնեցուցանեմ զքեզ յԱստուած կենդանի, զի ասասցես մեզ՝ թէ դու ես Քրիստոսն որդի Աստուծոյ։

Verse: 64   Link to gnt   Ասէ ցնա Յիսուս. դու ասացեր, բայց ասեմ ձեզ, յայսմ հետէ տեսանիցէք զորդի մարդոյ նստեալ ընդ աջմէ զօրութեանն՝ եւ եկեալ ընդ ամպս երկնից։.

Verse: 65   Link to gnt   Յայնժամ քահանայապետն պատառեաց զհանդերձս իւր, եւ ասէ. հայհոյեաց։ զի պիտոյ են մեզ վկայք, ահա արդ՝ լուայք զհայհոյութիւն դորա։

Verse: 66   Link to gnt   Զինչ հաճոյ է ձեզ, նոքա պատասխանի ետուն եւ ասեն. մահապարտ է։

Verse: 67   Link to gnt   Յայնժամ թքին ընդ երեսս նորա, եւ կռփեցին զնա. եւ ոմանք ապտակէին, եւ ասեն.

Verse: 68   Link to gnt   Մարգարեաց մեզ Քրիստոսդ, ով է՝ որ եհար զքեզ։

Section: 66 
Verse: 69   Link to gnt   Իսկ պետրոս նստէր արտաքոյ՝ ի գաւթին, մատեաւ առ նա աղախին մի եւ ասէ. եւ դու ընդ Յիսուսի գալիլեացւոյ էիր։

Verse: 70   Link to gnt   Նա ուրացաւ առաջի ամենեցուն եւ ասէ. թէ ոչ գիտեմ զինչ խօսիսդ.

Verse: 71   Link to gnt   Եւ իբրեւ ել նա արտաքս քան զդուռնն ետես. զնա այլ կին մի, եւ ասէ ցայնոսիկ՝ որանդն կային. եւ սա ընդ Յիսուսի նազովրեցւոյ էր։

Verse: 72   Link to gnt   Եւ դարձեալ ուրացաւ երդմամբ, թէ ոչ գիտեմ զայրն

Verse: 73   Link to gnt   Եւ յետ՝ սակաւ միոյ մատուցեալ որք կային անդ՝ եւ ասեն ցպետրոս. արդարեւ եւ դու ի նոցանէ ես. քանզի եւ խօսք քո յայտնեն զքեզ։

Verse: 74   Link to gnt   Յայնժամ սկսաւ նզովել եւ երդնուլ, թէ ոչ գիտեմ զայրն։ եւ իսկոյն հաւ խօսեցաւ։

Verse: 75   Link to gnt   Եւ յիշեաց պետրոս զբանն Յիսուսի զոր ասաց, թէ մինչչեւ հաւու խօսեալ իցէ երիցս ուրասցիս զիս։ Եւ ելեալ արտաքս՝ ելաց դառնապէս։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.