TITUS
Avestan Corpus
Part No. 95
Previous part

Book: Vd 
Chapter: 1 
Vidēvdād


On the basis of the edition Geldner 1889.



Paragraph: 1 
Verse: a    mraot̰. ahurō. mazdā̊. spitamāi. zaraϑuštrāi:
Verse: b    
azəm. daδąm.1
Verse: c          
spitama. zaraϑuštra.
Verse: d       
asō. rāmō.dāitīm. nōit̰.kudat̰.ṣ̌āitīm:
Verse: e    
yeiδi. .2 azəm. nōit̰. daiδiiąm.
Verse: f          
spitama. zaraϑuštra.
Verse: g       
asō. rāmō.dāitīm. nōit̰.kudat̰.ṣ̌āitīm.
Verse: h    
vīspō. aŋhuš. astuuā̊. airiianəm. vaējō. frāṣ̌nuuāt̰.3

Paragraph: 2 
Verse: a    
paoirīm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm.1 azəm.
Verse: c          
. ahurō. mazdā̊.
Verse: d       
airiianəm. vaējō. vaŋhuiiā̊. dāitiiaiiā̊:
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
ažimca.2 yim. raoiδitəm.
Verse: h          
ziiąmca. daēuuō.dātəm.

Paragraph: 3 
Verse: a    
dasa. auuaϑra. ̊ŋhō. zaiiana.
Verse: b       
duua. hąmina.1
Verse: c    
taēca. həṇti. sarəta. āpō.
Verse: d       
sarəta. zəmō.
Verse: e       
sarəta. uruuaraiiā̊.2
Verse: f    
aδa.3 zimahe.4 maiδim.5
Verse: g       
aδa. zimahe.4 zarəδaēm.
Verse: h       
aδa. ziiā̊scit̰. pairi.pataiti.6
Verse: i       
aδa.7 fraēštəm. vōiγnanąm.

Paragraph: 4 
Verse: a    
bitīm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
gāum.1 yim. suγδō.ṣ̌aiianəm:
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
skaitīm.2 yąm. gauuaca. daiiaca.3 pouru.mahrkəm.4

Paragraph: 5 
Verse: a    
ϑritīm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
mōurum. sūrəm. aṣ̌auuanəm:
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
marəδąmca. vīϑuṣ̌ąmca.1

Paragraph: 6 
Verse: a    
tūirīm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
bāxδīm.1 srīrąm. ərəδβō.drafṣ̌ąm:
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
brauuarəmca.2 usaδasca.3

Paragraph: 7 
Verse: a    
puxδəm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
nisāim. yim. aṇtarə. mōurumca. bāxδīmca:1
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
aγəmca.2 vīmanō.hīm.

Paragraph: 8 
Verse: a    
xštūm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
harōiiūm.1 yim. višharəzanəm:2
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
saraskəmca.3 driβikāca.4

Paragraph: 9 
Verse: a    
haptaϑəm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
vaēkərətəm.1 yim. dužakō.saiianəm:2
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
pairikąm. yąm. xnąϑaite.3
Verse: h             
.4 upaŋhacat̰. kərəsāspəm.

Paragraph: 10 
Verse: a    
aštəməm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
uruuąm. pouru.vāstrąm:
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
aγa. aiβištāra.1

Paragraph: 11 
Verse: a    
nāuməm.1 asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
xnəṇtəm. yim. vəhrkānō.ṣ̌aiianəm:2
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
aγa. anāpərəϑa.3 š́iiaoϑna.
Verse: h             
.4 narō.vaēpaiia.5

Paragraph: 12 
Verse: a    
dasəməm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
haraxvaitīm. srīrąm:1
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
aγa. anāpərəϑa. š́iiaoϑna.
Verse: h             
. nasuspaiia.2

Paragraph: 13 
Verse: a    
aēuuaṇdasəm.1 asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
haētumaṇtəm.2 raēuuaṇtəm. xvarənaŋuhaṇtəm:3
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
aγa. yātauua.

Paragraph: 14 
Verse: a    
aēmca.1 ahe. ciϑrō. daxštō.2 aŋhat̰.
Verse: b       
aēm. ciϑrō. paiti.daiiō.
Verse: c          
yaϑa. kauuacit̰.3 jasən. zaoiiehe.4 yātuməṇtəm.5
Verse: d    
aδa.6 həṇti.7 yātumastəma.8
Verse: e    
aδa.9 taēcit̰.10 uzjasəṇti.
Verse: f       
. mərəṇciiāica.11 zaraδaγniiāica.12
Verse: g          
xštąmicat̰ca.13 maδaxaheca.14

Paragraph: 15 
Verse: a    
duuadasəm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
raγąm. ϑrizaṇtūm:
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
aγəmca. uparō.vīmanō.hīm.

Paragraph: 16 
Verse: a    
ϑridasəm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
caxrəm.1 sūrəm. aṣ̌auuanəm.2
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
aγa. anāpərəϑa. š́iiaoϑna.
Verse: h             
. nasuspaciia.3

Paragraph: 17 
Verse: a    
caϑrudasəm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
varənəm. yim. caϑru.gaoṣ̌əm.
Verse: e          
yahmāi. zaiiata.1 ϑraētaonō.2
Verse: f             
jaṇta. ažōiš. dahākāi:
Verse: g    
āat̰. ahe. paitiiārəm. frākərəṇtat̰.
Verse: h       
aŋrō. mainiiuš. pouru.mahrkō.
Verse: i          
araϑβiiāca. daxšta.
Verse: j          
anairiiāca. daiŋ́huš.aiβištāra.3

Paragraph: 18 
Verse: a    
paṇcadasəm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
. hapta.həṇdu:1
Verse: e    
āat̰. ahe. paitiiārəm. frākərəṇtat̰.
Verse: f       
aŋrō. mainiiuš. pouru.mahrkō.
Verse: g          
araϑβiiāca. daxšta.2
Verse: h          
araϑβīmca.3 garəmāum.4

Paragraph: 19 
Verse: a    
xṣ̌uuaš.kasəm. asaŋhąmca. ṣ̌ōiϑranąmca.
Verse: b       
vahištəm. frāϑβərəsəm. azəm.
Verse: c          
. ahurō. mazdā̊.
Verse: d       
upa. aoδaēṣ̌u.1 raŋhaiiā̊.
Verse: e          
. asārō. aiβiiāxṣ̌aiieiṇti:2
Verse: f    
āat̰. ahe. paitiiārəm. frākərəṇtat̰.
Verse: g       
aŋrō. mainiiuš. pouru.mahrkō.
Verse: h          
ziiąmca. daēuuō.dātəm.
Verse: i          
taožiiāca.3 daiŋ́hūš.aiβištāra.4

Paragraph: 20 
Verse: a    
həṇti. aniiā̊scit̰.1 asā̊sca. ṣ̌ōiϑrā̊sca.
Verse: b       
srīrā̊sca. 2gufrā̊sca.
Verse: c       
bərəxδā̊sca.2 fraṣ̌ā̊sca. bāmiiā̊sca.


Verse: Q1a    
aṣ̌əm. vohū. vahištəm. astī::
Verse: Q1b    
uštā. astī. uštā. ahmāi.
Verse: Q1c    
hiiat̰. aṣ̌āi. vahištāi. aṣ̌əm.::


Next part



This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.