TITUS
Vetus testamentum iberice: Biblia Bakarii
Part No. 9
Previous part

Book: Eccl. 
Ecclesiastes

electronically prepared by Zurab Sarjveladze,
Tbilisi 1999;
TITUS version by Jost Gippert,
Frankfurt a/M, 20.12.1999 / 1.6.2000 / 20.3.2007



ეკლესიასტე



რედაქცია

(ბაქარის ბიბლია)



Chapter: 1 
თავი I


Verse: 1  Link to oskijerLink to mcatLink to sept   სიტყუანი ეკლესიასტესანი, ძისა დავითისა, მეფისა ისრაჱლისანი, იერუსალჱმსა შინა.

Verse: 2  Link to oskijerLink to mcatLink to sept   
ამაოებაჲ ამაოთა, - თქუა ეკლესიასტე, - ამაოება ამაოთაჲ, ყოველივე ამაო.

Verse: 3  Link to oskijerLink to mcatLink to sept   
რაჲმე უმეტესობაა კაცისა ყოველსა შინა შრომასა მისსა, რომელსა შურების მზესა ქუჱშე.

Verse: 4  Link to oskijerLink to mcatLink to sept   
ნათესავი წარვალს და ნათესავი მოვალს და ქუეყანაჲ ჰგიეს უკუნისამდე.

Verse: 5  Link to oskijerLink to mcatLink to sept   
აღმოჰჴდების მზე და დაჰჴდების მზე და ადგილადვე თჳსად მიიზიდავს.

Verse: 6  Link to oskijerLink to mcatLink to sept   
ესე აღმოაბრწყინვებს, მუნ მივალს სამხრით კერძო და გარემოჰვლის ჩრდილოჲთ კერძო, გარემოჲს გარემოვლით ვალს სული და სიმგრგვლესა თჳსსა გარემოიქცევის სული.

Verse: 7  Link to oskijerLink to mcatLink to sept   
ყოველი ღუარნი შესდიან ზღუასა და ზღუაჲ არა არს აღვსებულ, ადგილსა ზედა, სადაცა ღუარნი მივლენ, მუნ იგინი მიიქცევიან მისლვად.

Verse: 8  Link to oskijerLink to mcatLink to sept   
ყოველნი სიტყუანი შრომისა, ვერ შემძლებელ არს მამაკაცი თქუმად და არა აღივსების თუალი ხედვითა, და არა სავსე იქმნების ყური სმენისაგან.

Verse: 9  Link to oskijerLink to mcatLink to sept   
რაჲ ქმნადი, ქმნილი იგი, და რაჲ ყოფადი, მყოფი იგი და არა არს ყოველივე ახალ მზესა ამას ქუჱშე.

Verse: 10  Link to oskijerLink to mcatLink to sept   
ვითარცა თქუა და იზრახა, აჰა, ესე ახალ არს, აჰა, ეგერა, ქმნილ არს საუკუნეთა შინა ქმნილთაჲ წინაჲსწარ ჩუენსა.

Verse: 11  Link to oskijerLink to mcatLink to sept   
არა არს ჴსენებაჲ პირველთაჲ მათ და უკუანასკნელთა ქმნილთაჲ, არა იყოს მათდა ჴსენებაჲ ყოფადთა თანა უკუანაჲსკნელ.

Verse: 12  Link to oskijerLink to mcatLink to sept   
მე, ეკლესიასტე, მეფე ვიყავ ისრაჱლსა ზედა იერუსალჱმსა შინა.

Verse: 13  Link to oskijerLink to mcatLink to sept   
და მივეც გული ჩემი გამოძიებად და განხილვად სიბრძნით ყოველთათჳს ყოფილთა ცასა ქუჱშე, რამეთუ ზრუნვაჲ ბოროტი მოსცა ღმერთმან ძეთა კაცთასა მიმოტაცებად მას შინა.

Verse: 14  Link to oskijerLink to mcatLink to sept   
ვიხილენ თანად ყოველნი ქმნილნი, ნაქმარნი მზესა ქუეშე, და, აჰა, ყოველი ამაოება და აღრჩევაჲ სულისა.

Verse: 15  Link to oskijerLink to mcatLink to sept   
გარდაქცეული არა შესაძლებელ არს შემკობად და ნაკლული არა შესაძლებელ არს აღრიცხუვად.

Verse: 16  Link to oskijerLink to mcatLink to sept   
ვთქუ მე გულსა ჩემსა და ვთქუ: აჰა, მე განვდიდენ და შევიძინე სიბრძნე უფროჲს ყოველთა, რომელნი იყვნეს უწინარეს ჩემსა იერუსალჱმს შინა და გული ჩემი მივეც ხედვად სიბრძნისა და მეცნიერებისა და გულმან ჩემმან იხილა მრავალი სიბრძნე და მეცნიერებაჲ.

Verse: 17  Link to oskijerLink to mcatLink to sept   
იგავნი და ჴელოვნებანი ვიცნენ მე, და რამეთუ ესეცა აღრჩევა სულისა.

Verse: 18  Link to oskijerLink to mcatLink to sept   
რამეთუ სიმრავლესა შინა სიბრძნისასა სიმრავლე მეცნიერებისა არს. და რომელმან შეიძინა მეცნიერებაჲ, შეიძინა ლმობაჲ.


Verse: 13V    
ჩემი + რომელ B;
Verse: 15V    
ნაკლული ] ნაკადული B




Next part



This text is part of the TITUS edition of Vetus testamentum iberice: Biblia Bakarii.

Copyright TITUS Project, Frankfurt a/M, 28.10.2007. No parts of this document may be republished in any form without prior permission by the copyright holder.