TITUS
Balavariani, Red. A
Part No. 11
Previous part

Chapter: 11   Link to balavarb
Page of edition: 31  
Line of edition: 1        11. ჰრქუა მას ბალაჰვარ: [დაღაცა]თუ
Line of edition: 2     ჰყავ ესე, არავე საკჳრველ არს, რამეთუ ყოფილ
Line of edition: 3     არს მეფე ვინმე მორწმუნე, რომელი
Line of edition: 4     იყო სახიერ და მეძიებელ სიმართლისა. და
Line of edition: 5     ვითარ იგი ვიდოდა დღესა ერთსა სიმრავლითა
Line of edition: 6     ერისაჲთა, იხილნა ვინმე კაცნი ორნი
Line of edition: 7     უნდოჲთა სამოსლითა, რომელი შეძერწულ
Line of edition: 8     იყო სანაგვით პოვნილითა. და სიყჳთლე
Line of edition: 9     პირთა მათთაჲ აუწყებდა სიგლახაკესა მათსა
Line of edition: 10     და ჭირვეულობასა. ხოლო მეფემან იცოდნა
Line of edition: 11     იგინი, და ვითარცა იხილნა იგინი, მსწრაფლ
Line of edition: 12     ჩამოვარდა წინაშე მათსა და მოეხჳა ქედთა
Line of edition: 13     მათთა და პატივ-სცა დიდითა პატივითა. და
Line of edition: 14     რაჟამს იხილეს ესე მოყუასთა მისთა, განრისხნეს
Line of edition: 15     გონებათა შინა მათთა საქმისა მისთჳს,
Line of edition: 16     რომელი ყო მეფემან, და სიჩქურედ შეჰრაცხეს
Line of edition: 17     საქმე იგი Manuscript page: 29V  მისგან, რამეთუ ესევითარი ჩუეულებაჲ
Line of edition: 18     [ა]რა აქუნდა მეფეთა მათთა. და ვერ
Line of edition: 19     იკადრეს მხილებაჲ მეფისაჲ, და მივიდეს ძმისა
Line of edition: 20     მისისა, რომელი კადნიერ იყო წინაშე მისსა
Line of edition: 21     და უთხრეს, რაჲ-იგი ყო მეფემან და ჰრქუეს,
Line of edition: 22     რაითა ამცნოს მეფესა ესევითარისათჳს არღარა
Line of edition: 23     ყოფად. და მივიდა მეფისა ძმაჲ იგი მისი და
Line of edition: 24     უთხრა, რაჲ-იგი ჰრქუეს მას. და ვითარცა დაასრულნა
Line of edition: 25     სიტყუანი მისნი, მისცა პასუხი მეფემან,
Line of edition: 26     რომელი ვერ ცნა, თუ მიითუალა მეფემან
Line of edition: 27     სიტყუაჲ იგი მისი, ანუ განურისხნა მას.

Line of edition: 28        ხოლო იყო ჩუეულებაჲ სამეუფოჲსაჲ მის
Line of edition: 29     ესრეთ, რაჟამს განრისხნის ვის ზედამე მეფე
Line of edition: 30     და უნებნ მოკლვაჲ მისი, წარავლინის ქადაგი,
Line of edition: 31     რომელსა ერქუა ქადაგი სიკუდილისაჲ, და
Line of edition: 32     ჴმა-ყვის კართა ზედა მის რისხვეულისათა
Line of edition: 33     და დასცის საყჳრსა, და რაჟამს ესმის სახლისა
Line of edition: 34     უფალსა, ცნის ჭეშმარიტად, რამეთუ
Line of edition: 35     მოსიკუდიდ Manuscript page: 30R  იარს მსწრაფლ და ყოველმან
Line of edition: 36     ე[რმან] ცნ(ი)ს. და შემდგომად მცირედთა
Page of edition: 32   Line of edition: 1     დღეთა უბრძანა მეფემან ქადაგსა სიკუდილისასა,
Line of edition: 2     რაჲთა წარვიდეს და ჴმა-ყოს კართა
Line of edition: 3     ზედა ძმისა მისისათა. და წარვიდა ქადაგი
Line of edition: 4     იგი, და ჴმა-ყო და დასცა საყჳრსა სიკუდილისასა
Line of edition: 5     კართა თანა მისთა. და ვითარცა
Line of edition: 6     ესმა ჴმაი იგი ძმასა მეფისასა, სასო-წარკუეთილ
Line of edition: 7     იქმნა ცხორებისაგან და ყო ანდერძი,
Line of edition: 8     და იწყეს ტირილად და ტყებად სახლეულთა
Line of edition: 9     მისთა. ხოლო მან შეიმოსა საგრაგნელი თჳსი,
Line of edition: 10     და წარვიდეს იგი და ცოლი მისი და შვილნი
Line of edition: 11     მისნი კარად მეფისა სასო-წარკუეთილნი ტირილითა
Line of edition: 12     და გოდებითა მრავლითა, და ისხმიდეს
Line of edition: 13     ნაცარსა პირთა მათთა. მაშინ ბრძანა
Line of edition: 14     მეფემან შეყვანებაჲ მათი წინაშე მისსა. ხოლო
Line of edition: 15     იგი ტიროდა და ევედრებოდა მას. და
Line of edition: 16     ჰრქუა მას მეფემან: Manuscript page: 30V  ჵ უბადრუკო და
Line of edition: 17     უნდო ცნობ(ითა), ვითარ ესრე შეძრწუნებულ
Line of edition: 18     ხარ ქადაგისაგან ძმისა შენისა [...]
Line of edition: 19     ნიშანი სიკუდილისაჲ კართა ზედა შენთა და
Line of edition: 20     შენ უწყი, ვითარმედ ძმაჲ შენი და ქადაგი
Line of edition: 21     მისი დაბადებულნი არიან ღმრთისა მაღლისანი,
Line of edition: 22     რომელნი ვერ შემძლებელ არიან წარმატებად
Line of edition: 23     ნებისა მათისა და ვერცა გარემიქცევად
Line of edition: 24     მოწევნულსა მათ ზედა. და შენ
Line of edition: 25     უწყი, ვითარმედ შეუცოდებულ ხარ წინაშე
Line of edition: 26     ძმისა შენისა, რომლითამცა თანა-მდებ იყავ
Line of edition: 27     სიკუდილსა. მაშინ ვითარ განგიკჳრდა გარდასლვაჲ
Line of edition: 28     ჩემი და თაყუანის-ცემაჲ წინაშე
Line of edition: 29     მათსა, რომელნი-იგი ქადაგნი არიან უფლისა
Line of edition: 30     ღმრთისა და მაცხოვრისა ჩუენისა იესუ
Line of edition: 31     ქრისტესნი, რომელნი მომაჴსენებენ შემთხუევასა
Line of edition: 32     მისსა და მაუწყებენ სიტყუასა სახარეჰტსა
Line of edition: 33     მისისასა. და მას თანა უწყნი მრავალნი
Line of edition: 34     შეცოდებანი ჩემნი. ჵ შენდა და რომელთა
Line of edition: 35     შეგიმკ Manuscript page: 31R  [...მე] ესე, რომელი მ...მე და
Line of edition: 36     აწ მ[ით]ა ეუწყოს უგუნურებაჲ მათი, (ვითარცა-ესე)
Line of edition: 37     შენ გეუწყა. და შეუნდო მეფემან
Page of edition: 33   Line of edition: 1     ძმასა თჳსსა, და ფრიად სარგებელ ეყო
Line of edition: 2     მხილებაჲ მისი.


Next part


This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.