TITUS
Balavariani, Red. A
Part No. 25
Previous part

Chapter: 25   Link to balavarb
Page of edition: 55  
Line of edition: 13        25. ჰრქუა იოდასაფ: მე ვესავ ქრისტესა
Line of edition: 14     ძესა ღმრთისასა, ვითარმედ ჩემთჳს იყოს
Line of edition: 15     სახე ესე, Manuscript page: 53V  არამედ მესმა შენგან, იტყოდე
Line of edition: 16     რაჲ, ვითარმედ ბერმან გამოცადა გონებაჲ
Line of edition: 17     მის ჭაბუკისაჲო. აწ შენ, ვითარ გნებავს გამოცდაჲ
Line of edition: 18     გონებისა ჩემისაჲ? ჰრქუა ბალაჰვარ,
Line of edition: 19     რაჲთა გეშინოდის ღმრთისა და შეეყო ნებასა
Line of edition: 20     მისსა ყოველთა დღეთა შენთა და განეშორო
Line of edition: 21     ყოველთა ვნებათა სოფლისათა, რამეთუ
Line of edition: 22     არა წარსწყმედს ღმერთი სასყიდელსა
Line of edition: 23     შრომისასა და არცა წარუმართებს საქმესა
Line of edition: 24     იჭჳსასა, და განძლიერდი, რამეთუ არა განმცდელ
Line of edition: 25     არს უფროჲს ძალისა. დღითი-დღედ
Line of edition: 26     გეჴსენედ და იწურთიდი გონებასა შენსა,
Line of edition: 27     შეიპყრობდ საქმესა განცდით და ნუ სიტკბოებისათჳს
Line of edition: 28     შესცხარდები პირველ გამოცხადებისა,
Line of edition: 29     და ნუცა სიმწარისათჳს განაგდებ;
Line of edition: 30     უკუეთუ კეთილ იყოს, განიკითხევდ გულსა
Line of edition: 31     შენსა, რაჲთა არა შეგიჴდეს იჭჳ და ნუ
Line of edition: 32     მსწრაფლ დაამტკიცებ მოწევნულთა გულის
Line of edition: 33     სიტყუათა ვიდრემდის არა გამოსცადო დაწყნარებულებით
Line of edition: 34     და კრძალვით, Manuscript page: 54R  რაჲთა
Line of edition: 35     არა მიდრკეს გონებაჲ [შენი] ნებასა და გულის-თქუმასა,
Line of edition: 36     შეგაეჭოს კეთილსა და მოგატყუას
Line of edition: 37     ბოროტი. აწ მე ვევედრები შენთჳს
Line of edition: 38     მამასა უფლისა ჩუენისა იესუ ქრისტესა,
Page of edition: 56   Line of edition: 1     ღმერთსა დამბადებელსა ცათა და ქუეყანისასა,
Line of edition: 2     მტკიცესა და შეურყეველსა და სულსა
Line of edition: 3     წმიდასა თანაარსსა, რომელსა არა აქუს აღსასრული,
Line of edition: 4     საშინელსა და სახიერსა, ძლიერსა
Line of edition: 5     და მოწყალესა, უხილავსა და გამოუთქუმელსა,
Line of edition: 6     მეუფესა კაცთ მოყუარესა, მეცნიერსა და
Line of edition: 7     არა უდებ მყოფელსა, რომელი ყოვლად ძლიერ
Line of edition: 8     არს. და არა არს უძლურებაჲ მის თანა, რომელმან
Line of edition: 9     აღუთქჳს და არა ეცრუვის. შეიწყნარის
Line of edition: 10     და არა განწირის, რომლისაგან ძრწიან
Line of edition: 11     ყოველნი დაბადებულნი და ქედ-დადრეკილ
Line of edition: 12     არიან წინაშე საშინელებასა ღმრთეებისა მისისასა,
Line of edition: 13     რაჲთა წმიდა გყოს ჭეშმარიტ წინამძღუარ
Line of edition: 14     კეთილისა, თითის საჩუენებელ მოშიშებითა,
Line of edition: 15     ამხილველ ბრმათა, Manuscript page: 54V  მასმენელ
Line of edition: 16     ყრუთა, მამხილებელ უდებთა და მტერ სოფლისა,
Line of edition: 17     მოყუარე წმიდათა და მოძულე ვნებათა,
Line of edition: 18     ვიდრემდის მიგაწიოს ჩუენითურთ ადგილსა
Line of edition: 19     მას, რომელი აღუთქუა ქრისტემან პირითა
Line of edition: 20     მით უტყუველითა მოუგონებელსა, უსმენელსა
Line of edition: 21     და უხილავსა სასუფეველსა მისსა, რამეთუ
Line of edition: 22     სასოებაჲ ჩუენი ფრიად არს მოწყალებათა
Line of edition: 23     მიმართ ქრისტესთა, ეგრეცა შიში ჩუენი
Line of edition: 24     სატანჯველთაგან მისთა. თუალნი ჩუენნი განმარტულ
Line of edition: 25     არიან და ქედნი ჩუენნი დადრეკილ
Line of edition: 26     არიან წინაშე მისსა.

Line of edition: 27        ვითარცა ესმა ესე ყოველი, განჴურდა
Line of edition: 28     იოდასაფ სიტყუათა მათ ზედა წმიდისა მამისა
Line of edition: 29     ბალაჰვარისთა და აღიჩჩუა გული და იწყო ტირილედ,
Line of edition: 30     და ჰრქუა ბალაჰვარს: რავდენისა ჟამისაჲ
Line of edition: 31     ხარ, წმიდაო მამაო? ხოლო მან ჰრქუა:
Line of edition: 32     ათორმეტისა წლისაჲ. ჰრქუა მას იოდასაფ: ვითარ
Line of edition: 33     მეტყჳ ამას, რამეთუ გხედავ მოხუცებულად
Line of edition: 34     და სამეოცის წლის საგონებელ ხარ. ჰრქუა
Line of edition: 35     ბალაჰვარ: ვინაჲთგან ვიშევ, ვარ სამეოცის
Line of edition: 36     წლის, Manuscript page: 55R  ხოლო შენ მკითხენ ჟამნი ცხორებისა
Line of edition: 37     ჩემისანი; და ცხორებაჲ სიცოცხლესა
Line of edition: 38     ჰრქჳან, და სიცოცხლე არარაჲ არს თჳნიერ
Page of edition: 57   Line of edition: 1     შჯულისა ქრისტესისა და საქმეთა მისთა, და
Line of edition: 2     ესე არა იყო ჩემ თანა, გარნა ათორმეტით
Line of edition: 3     წლითგან. ჰრქუა იოდასაფ: ვითარ უკუე
Line of edition: 4     ჰყოფ კაცსა, რომელი ჭამს და სუამს და
Line of edition: 5     მიმოვალ[ს] მკუდრად? ჰრქუა ბალაჰვარ:
Line of edition: 6     ამისთჳს, რამეთუ ეზიარა მკუდართა მწუხარებითა
Line of edition: 7     და სიხარულითა და უღონოებითა,
Line of edition: 8     და ვერ რგომითა თავსა თჳსსა და ვერ გულისჴმის-ყოფითა
Line of edition: 9     კეთილთა ღმრთისათა, რომელ
Line of edition: 10     არიან მის თანა სიმრთელე და ფლობაჲ კეთილთა
Line of edition: 11     მიმართ. უკუეთუ უნდეს, ვითარცა აწ
Line of edition: 12     ეზიარა მკუდართა სა[ქ]მითა, ეგრეცა ემსგავსა
Line of edition: 13     ჴელითა. ჰრქუა იოდასაფ: უკუეთუ ცხორებაჲ
Line of edition: 14     იგი პირველი არა შეგირაცხია ცხორებად,
Line of edition: 15     თანა-გაც, რაჲთა სიკუდილიცა იგი მომავალი
Line of edition: 16     არა Manuscript page: 55V  შეჰრაცხო სიკუდილად და არცა ბოროტად
Line of edition: 17     გიჩნდეს. ჰრქუა ბალაჰვარ: ანუ არა
Line of edition: 18     გაუწყებსა განწირვაჲ თავისა ჩემისაჲ შემოსლვად
Line of edition: 19     შენდა, რამეთუ მე უწყი სიბოროტე
Line of edition: 20     მამისა შენისაჲ ჩემდა მომართ, რამეთუ არად
Line of edition: 21     შემირაცხიეს ბოროტად, არამედ ცხორებად
Line of edition: 22     საუკუნოდ.


Next part


This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.