TITUS
Balavariani, Red. A
Part No. 54
Previous part

Chapter: 55   Link to balavarb
Page of edition: 138  
Line of edition: 31        55. და განმრავლდა ჯეროვნებაჲ და სამართალი
Line of edition: 32     და სიხარული ერსა შორის, და
Line of edition: 33     მოისწრაფდეს ყოველნი კაცნი ყოვლით ქუეყანით
Line of edition: 34     და ნათელს-იღებდეს სახელითა წმიდისა
Line of edition: 35     სამებისაჲთა, და შეეძინებოდეს შჯულსა
Line of edition: 36     ქრისტეანობისასა ერნი ურიცხუნი მარადღე.
Line of edition: 37     და გამოჩნდა უმეტესობაჲ კეთილად განგებისა
Line of edition: 38     მისისაჲ, და იწყეს შეჩუენებად შჯულსა
Page of edition: 139   Line of edition: 1     პირველსა, რომელსა-იგი ზედა დგეს. და
Line of edition: 2     აღივსნეს გულნი ყოველთანი სიყუარულითა
Line of edition: 3     მისა მიმართ და სასოებითა კეთილითა მეფობისა
Line of edition: 4     მისისათჳს. და განცხადნა ერსა შორის
Line of edition: 5     საქმე და დიდებაჲ ქრისტეანობისაჲ და
Line of edition: 6     ღმრთის მსახურებისაჲ და სიყუარულისაჲ და
Line of edition: 7     მშჳდობისაჲ, რამეთუ თავი თჳსი მისცა სახედ
Line of edition: 8     ყოველთა: Manuscript page: 138V  სიმდაბლესა და სიყუარულსა
Line of edition: 9     და მოღუაწებასა ზედა. და არღარავინ
Line of edition: 10     ი[იპოე]ბოდა ყოველსა სამეუფოსა მისსა,
Line of edition: 11     რომელიმცა ჰმონებდა შჯულსა სხუასა, გარნა
Line of edition: 12     ღმერთსა, ყოვლისა მპყრობელსა, ერთიცა
Line of edition: 13     კაცი. გარნა მცირედნი ვინმე კაცნი წარვიდეს
Line of edition: 14     და მიიცვალეს სამეუფოდ აბენესე მეფისა
Line of edition: 15     მამისა მისისა, რამეთუ [ი]ყვნეს იგინი
Line of edition: 16     კერპთ მსახურ და არა თავს-იდვეს ყოფაჲ მათი
Line of edition: 17     შჯულსა შინა ქრისტესსა.


Line of edition: 23        და განითქუა ყოველსა ქუეყანასა ჰამბავი
Line of edition: 24     ქრისტეს მოყუარისა მის ჭაბუკისაჲ, და სიმდაბლისათჳს
Line of edition: 25     და მოთმინებისა მისისა და
Line of edition: 26     გარდარეულისა მოწყალებისა მისისა. და
Line of edition: 27     ვითარ-იგი ამათ ყოველთა სათნოებათა განჰმზადებდა
Line of edition: 28     სიბრძნითა და გონიერებითა, და
Line of edition: 29     მოვიდოდეს მისა ყოველთაგან ადგილთა კაცნი
Line of edition: 30     მორწმუნენი, რომელნი იფარვიდეს წესსა
Line of edition: 31     და სარწმუნოებასა შიშისაგან მეფისა, უშიშად,
Line of edition: 32     Manuscript page: 139R  და სიხარულითა დიდითა დაეშენებოდეს
Line of edition: 33     საბრძანებელთა მისთა, და იხარებდეს
Line of edition: 34     სულითა და ადიდებდეს განუყოფელსა
Line of edition: 35     სამებასა წმიდასა, რომელმან განაცხადა
Line of edition: 36     ერთარსებაჲ სამგუამოვნებისა მისისაჲ, და
Line of edition: 37     უჩუენა ძალი სარწმუნოებისა მათისაჲ წინაშე
Line of edition: 38     ყოველთა უღმრთოთა. და მრავალნი მოვიდოდეს,
Page of edition: 140   Line of edition: 1     რომელნი იყვნეს შჯულსა ზედა მამისა მისისასა და დაადგრებოდეს
Line of edition: 2     მის თანა სარწმუნოებასა ზედა ქრისტესსა განცხადებულად,
Line of edition: 3     და ვითარცა ყრმანი ჩჩჳლნი ნათელს იღებდეს სახელითა
Line of edition: 4     მამისაჲთა, ძისაჲთა და სულისა წმიდისაჲთა, და ადიდებდეს ქრისტესა
Line of edition: 5     ჭეშმარიტსა ღმერთსა, რომელი იშვა უთესლოდ და უხრწნელად
Line of edition: 6     ქალწულისაგან უქორწინებელისა პირველ საუკუნეთა მამისაგან
Line of edition: 7     უდედოდ შობილი, თანამოსაყდრე მამისა და სულისა
Line of edition: 8     წმიდისაჲ.


Next part


This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.