TITUS
Balavariani, Red. A
Part No. 67
Previous part

Chapter: 69   Link to balavarb
Page of edition: 167  
Line of edition: 21        69. და შემდგომად მცირედისა ჟამისა
Line of edition: 22     შეისუენა იოდასაფცა, და მივიდა ქრისტესა
Line of edition: 23     ფრთოვან-ქმნული სულითა. და იყო მახლობელად
Line of edition: 24     მათსა კაცი ვინმე წმიდათაგანი, და
Line of edition: 25     მოვიდა და დადვა გუამი მისი გუამსა თანა
Line of edition: 26     ბალაჰვარისსა; და წარვიდა იგი ქუეყანად
Line of edition: 27     შოლაიტად და უთხრა ბარაქია მეფესა Manuscript page: 172R 
Line of edition: 28     ყოველი იგი, რაჲცა იხილა.

Page of edition: 168  
Line of edition: 1        ხოლო მეფე იგი აღდგა ერითა დიდითა
Line of edition: 2     მთავართა მისთა თანა და მოვიდა ადგილსა
Line of edition: 3     მას და მოიხუნა გუამნი იგი ორთავე მათ
Line of edition: 4     წმიდათანი, და დაჰკრძალნა ლუსკუმათა
Line of edition: 5     შინა ოქრო-შეძერწულთა. და დადგნა იგინი
Line of edition: 6     წმიდასა შინა ეკლესიასა თაყუანის-საცემელსა
Line of edition: 7     წმიდისა სამებისასა, და ადიდნა იგინი
Line of edition: 8     ყოვლითა დიდებითა.


Line of edition: 11        და მრავალნი უძლურნი სენთაგან ბოროტთა
Line of edition: 12     განთავისუფლდებოდეს მათ მიერ და ყოვლადვე
Line of edition: 13     იქმან სასწაულთა. და იხილეს ესე
Line of edition: 14     მეფემან და ყოველმან ერმან და ადიდებდეს
Line of edition: 15     ქრისტესა ღმერთსა, რომელმან ყოველივე
Line of edition: 16     ადვილად განუმარჯჳს მოყუარეთა მისთა,
Line of edition: 17     რამეთუ მისა შუენის დიდებაჲ და პატივი,
Line of edition: 18     მადლობაჲ და თაყუანის-ცემაჲ თანა დაუსაბამოჲთ
Line of edition: 19     მამით და ცხოველს მყოფელით
Line of edition: 20     სულით წმიდითურთ აწ და მარადის და
Line of edition: 21     უკუნითი უკუნისამდე, ამენ*.


Next part


This text is part of the TITUS edition of Balavariani, Red. A.

Copyright TITUS Project, Frankfurt a/M, 30.5.2015. No parts of this document may be republished in any form without prior permission by the copyright holder.