TITUS
Novum Testamentum graece
Part No. 136
Previous part

Book: 1.Kor. 
ΠΡΟΣ ΚΟΡΙΝΘΙΟΥΣ Α

Epistola beati Pauli apostoli ad Corinthios prima




Chapter: 1 
Verse: 1    Παῦλος κλητὸς ἀπόστολος Χριστοῦ ᾽Ιησοῦ διὰ ϑελήματος ϑεοῦ, καὶ Σωσϑένης ὁ ἀδελϕός,
Verse: 2    τῇ ἐκκλησίᾳ τοῦ ϑεοῦ τῇ οὔσῃ ἐν Κορίνϑῳ, ἡγιασμένοις ἐν Χριστῷ ᾽Ιησοῦ, κλητοῖς ἁγίοις, σὺν πᾶσιν τοῖς ἐπικαλουμένοις τὸ ὄνομα τοῦ κυρίου ἡμῶν ᾽Ιησοῦ Χριστοῦ ἐν παντὶ τόπῳ, αὐτῶν καὶ ἡμῶν·
Verse: 3    χάρις ὑμῖν καὶ εἰρήνη ἀπὸ ϑεοῦ πατρὸς ἡμῶν καὶ κυρίου ᾽Ιησοῦ Χριστοῦ.
Verse: 4    Εὐχαριστῶ τῷ ϑεῷ μου πάντοτε περὶ ὑμῶν ἐπὶ τῇ χάριτι τοῦ ϑεοῦ τῇ δοϑείσῃ ὑμῖν ἐν Χριστῷ ᾽Ιησοῦ,
Verse: 5    ὅτι ἐν παντὶ ἐπλουτίσϑητε ἐν αὐτῷ, ἐν παντὶ λόγῳ καὶ πάσῃ γνώσει,
Verse: 6    καϑὼς τὸ μαρτύριον τοῦ Χριστοῦ ἐβεβαιώϑη ἐν ὑμῖν,
Verse: 7    ὥστε ὑμᾶς μὴ ὑστερεῖσϑαι ἐν μηδενὶ χαρίσματι, ἀπεκδεχομένους τὴν ἀποκάλυψιν τοῦ κυρίου ἡμῶν ᾽Ιησοῦ Χριστοῦ·
Verse: 8    ὃς καὶ βεβαιώσει ὑμᾶς ἕως τέλους ἀνεγκλήτους ἐν τῇ ἡμέρᾳ τοῦ κυρίου ἡμῶν ᾽Ιησοῦ [Χριστοῦ].
Verse: 9    πιστὸς ὁ ϑεὸς δι' οὗ ἐκλήϑητε εἰς κοινωνίαν τοῦ υἱοῦ αὐτοῦ ᾽Ιησοῦ Χριστοῦ τοῦ κυρίου ἡμῶν.
Verse: 10    Παρακαλῶ δὲ ὑμᾶς, ἀδελϕοί, διὰ τοῦ ὀνόματος τοῦ κυρίου ἡμῶν ᾽Ιησοῦ Χριστοῦ, ἵνα τὸ αὐτὸ λέγητε πάντες, καὶ μὴ ᾖ ἐν ὑμῖν σχίσματα, ἦτε δὲ κατηρτισμένοι ἐν τῷ αὐτῷ νοὶ καὶ ἐν τῇ αὐτῇ γνώμῃ.
Verse: 11    ἐδηλώϑη γάρ μοι περὶ ὑμῶν, ἀδελϕοί μου, ὑπὸ τῶν Χλόης ὅτι ἔριδες ἐν ὑμῖν εἰσιν.
Verse: 12    λέγω δὲ τοῦτο, ὅτι ἕκαστος ὑμῶν λέγει, ᾽Εγὼ μέν εἰμι Παύλου, ᾽Εγὼ δὲ ᾽Απολλῶ, ᾽Εγὼ δὲ Κηϕᾶ, ᾽Εγὼ δὲ Χριστοῦ.
Verse: 13    μεμέρισται ὁ Χριστός; μὴ Παῦλος ἐσταυρώϑη ὑπὲρ ὑμῶν, ἢ εἰς τὸ ὄνομα Παύλου ἐβαπτίσϑητε;
Verse: 14    εὐχαριστῶ ὅτι οὐδένα ὑμῶν ἐβάπτισα εἰ μὴ Κρίσπον καὶ Γάϊον,
Verse: 15    ἵνα μή τις εἴπῃ ὅτι εἰς τὸ ἐμὸν ὄνομα ἐβαπτίσϑητε.
Verse: 16    ἐβάπτισα δὲ καὶ τὸν Στεϕανᾶ οἶκον· λοιπὸν οὐκ οἶδα εἴ τινα ἄλλον ἐβάπτισα.
Verse: 17    οὐ γὰρ ἀπέστειλέν με Χριστὸς βαπτίζειν ἀλλὰ εὐαγγελίζεσϑαι, οὐκ ἐν σοϕίᾳ λόγου, ἵνα μὴ κενωϑῇ ὁ σταυρὸς τοῦ Χριστοῦ.
Verse: 18    ῾Ο λόγος γὰρ ὁ τοῦ σταυροῦ τοῖς μὲν ἀπολλυμένοις μωρία ἐστίν, τοῖς δὲ σῳζομένοις ἡμῖν δύναμις ϑεοῦ ἐστιν.
Verse: 19    γέγραπται γάρ, ᾽Απολῶ τὴν σοϕίαν τῶν σοϕῶν, καὶ τὴν σύνεσιν τῶν συνετῶν ἀϑετήσω.
Verse: 20    ποῦ σοϕός; ποῦ γραμματεύς; ποῦ συζητητὴς τοῦ αἰῶνος τούτου; οὐχὶ ἐμώρανεν ὁ ϑεὸς τὴν σοϕίαν τοῦ κόσμου;
Verse: 21    ἐπειδὴ γὰρ ἐν τῇ σοϕίᾳ τοῦ ϑεοῦ οὐκ ἔγνω ὁ κόσμος διὰ τῆς σοϕίας τὸν ϑεόν, εὐδόκησεν ὁ ϑεὸς διὰ τῆς μωρίας τοῦ κηρύγματος σῶσαι τοὺς πιστεύοντας.
Verse: 22    ἐπειδὴ καὶ ᾽Ιουδαῖοι σημεῖα αἰτοῦσιν καὶ ῞Ελληνες σοϕίαν ζητοῦσιν,
Verse: 23    ἡμεῖς δὲ κηρύσσομεν Χριστὸν ἐσταυρωμένον, ᾽Ιουδαίοις μὲν σκάνδαλον ἔϑνεσιν δὲ μωρίαν,
Verse: 24    αὐτοῖς δὲ τοῖς κλητοῖς, ᾽Ιουδαίοις τε καὶ ῞Ελλησιν, Χριστὸν ϑεοῦ δύναμιν καὶ ϑεοῦ σοϕίαν·
Verse: 25    ὅτι τὸ μωρὸν τοῦ ϑεοῦ σοϕώτερον τῶν ἀνϑρώπων ἐστίν, καὶ τὸ ἀσϑενὲς τοῦ ϑεοῦ ἰσχυρότερον τῶν ἀνϑρώπων.
Verse: 26    Βλέπετε γὰρ τὴν κλῆσιν ὑμῶν, ἀδελϕοί, ὅτι οὐ πολλοὶ σοϕοὶ κατὰ σάρκα, οὐ πολλοὶ δυνατοί, οὐ πολλοὶ εὐγενεῖς·
Verse: 27    ἀλλὰ τὰ μωρὰ τοῦ κόσμου ἐξελέξατο ὁ ϑεὸς ἵνα καταισχύνῃ τοὺς σοϕούς, καὶ τὰ ἀσϑενῆ τοῦ κόσμου ἐξελέξατο ὁ ϑεὸς ἵνα καταισχύνῃ τὰ ἰσχυρά,
Verse: 28    καὶ τὰ ἀγενῆ τοῦ κόσμου καὶ τὰ ἐξουϑενημένα ἐξελέξατο ὁ ϑεός, τὰ μὴ ὄντα, ἵνα τὰ ὄντα καταργήσῃ,
Verse: 29    ὅπως μὴ καυχήσηται πᾶσα σὰρξ ἐνώπιον τοῦ ϑεοῦ.
Verse: 30    ἐξ αὐτοῦ δὲ ὑμεῖς ἐστε ἐν Χριστῷ ᾽Ιησοῦ, ὃς ἐγενήϑη σοϕία ἡμῖν ἀπὸ ϑεοῦ, δικαιοσύνη τε καὶ ἁγιασμὸς καὶ ἀπολύτρωσις,
Verse: 31    ἵνα καϑὼς γέγραπται, ῾Ο καυχώμενος ἐν κυρίῳ καυχάσϑω.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.