TITUS
Novum Testamentum graece
Part No. 137
Previous part

Chapter: 2 
Verse: 1    Κἀγὼ ἐλϑὼν πρὸς ὑμᾶς, ἀδελϕοί, ἦλϑον οὐ καϑ' ὑπεροχὴν λόγου ἢ σοϕίας καταγγέλλων ὑμῖν τὸ μυστήριον τοῦ ϑεοῦ.
Verse: 2    οὐ γὰρ ἔκρινά τι εἰδέναι ἐν ὑμῖν εἰ μὴ ᾽Ιησοῦν Χριστὸν καὶ τοῦτον ἐσταυρωμένον.
Verse: 3    κἀγὼ ἐν ἀσϑενείᾳ καὶ ἐν ϕόβῳ καὶ ἐν τρόμῳ πολλῷ ἐγενόμην πρὸς ὑμᾶς,
Verse: 4    καὶ ὁ λόγος μου καὶ τὸ κήρυγμά μου οὐκ ἐν πειϑοῖ[ς] σοϕίας [λόγοις] ἀλλ' ἐν ἀποδείξει πνεύματος καὶ δυνάμεως,
Verse: 5    ἵνα ἡ πίστις ὑμῶν μὴ ᾖ ἐν σοϕίᾳ ἀνϑρώπων ἀλλ' ἐν δυνάμει ϑεοῦ.
Verse: 6    Σοϕίαν δὲ λαλοῦμεν ἐν τοῖς τελείοις, σοϕίαν δὲ οὐ τοῦ αἰῶνος τούτου οὐδὲ τῶν ἀρχόντων τοῦ αἰῶνος τούτου τῶν καταργουμένων·
Verse: 7    ἀλλὰ λαλοῦμεν ϑεοῦ σοϕίαν ἐν μυστηρίῳ, τὴν ἀποκεκρυμμένην, ἣν προώρισεν ὁ ϑεὸς πρὸ τῶν αἰώνων εἰς δόξαν ἡμῶν·
Verse: 8    ἣν οὐδεὶς τῶν ἀρχόντων τοῦ αἰῶνος τούτου ἔγνωκεν, εἰ γὰρ ἔγνωσαν, οὐκ ἂν τὸν κύριον τῆς δόξης ἐσταύρωσαν.
Verse: 9    ἀλλὰ καϑὼς γέγραπται, ῝Α ὀϕϑαλμὸς οὐκ εἶδεν καὶ οὖς οὐκ ἤκουσεν καὶ ἐπὶ καρδίαν ἀνϑρώπου οὐκ ἀνέβη, ἃ ἡτοίμασεν ὁ ϑεὸς τοῖς ἀγαπῶσιν αὐτόν.
Verse: 10    ἡμῖν δὲ ἀπεκάλυψεν ὁ ϑεὸς διὰ τοῦ πνεύματος· τὸ γὰρ πνεῦμα πάντα ἐραυνᾷ, καὶ τὰ βάϑη τοῦ ϑεοῦ.
Verse: 11    τίς γὰρ οἶδεν ἀνϑρώπων τὰ τοῦ ἀνϑρώπου εἰ μὴ τὸ πνεῦμα τοῦ ἀνϑρώπου τὸ ἐν αὐτῷ; οὕτως καὶ τὰ τοῦ ϑεοῦ οὐδεὶς ἔγνωκεν εἰ μὴ τὸ πνεῦμα τοῦ ϑεοῦ.
Verse: 12    ἡμεῖς δὲ οὐ τὸ πνεῦμα τοῦ κόσμου ἐλάβομεν ἀλλὰ τὸ πνεῦμα τὸ ἐκ τοῦ ϑεοῦ, ἵνα εἰδῶμεν τὰ ὑπὸ τοῦ ϑεοῦ χαρισϑέντα ἡμῖν·
Verse: 13    ἃ καὶ λαλοῦμεν οὐκ ἐν διδακτοῖς ἀνϑρωπίνης σοϕίας λόγοις ἀλλ' ἐν διδακτοῖς πνεύματος, πνευματικοῖς πνευματικὰ συγκρίνοντες.
Verse: 14    ψυχικὸς δὲ ἄνϑρωπος οὐ δέχεται τὰ τοῦ πνεύματος τοῦ ϑεοῦ, μωρία γὰρ αὐτῷ ἐστιν, καὶ οὐ δύναται γνῶναι, ὅτι πνευματικῶς ἀνακρίνεται·
Verse: 15    ὁ δὲ πνευματικὸς ἀνακρίνει [τὰ] πάντα, αὐτὸς δὲ ὑπ' οὐδενὸς ἀνακρίνεται.
Verse: 16    τίς γὰρ ἔγνω νοῦν κυρίου, ὃς συμβιβάσει αὐτόν; ἡμεῖς δὲ νοῦν Χριστοῦ ἔχομεν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.