TITUS
Novum Testamentum graece
Part No. 140
Previous part

Chapter: 5 
Verse: 1    ῞Ολως ἀκούεται ἐν ὑμῖν πορνεία, καὶ τοιαύτη πορνεία ἥτις οὐδὲ ἐν τοῖς ἔϑνεσιν, ὥστε γυναῖκά τινα τοῦ πατρὸς ἔχειν.
Verse: 2    καὶ ὑμεῖς πεϕυσιωμένοι ἐστέ, καὶ οὐχὶ μᾶλλον ἐπενϑήσατε, ἵνα ἀρϑῇ ἐκ μέσου ὑμῶν ὁ τὸ ἔργον τοῦτο ποιήσας;
Verse: 3    ἐγὼ μὲν γάρ, ἀπὼν τῷ σώματι παρὼν δὲ τῷ πνεύματι, ἤδη κέκρικα ὡς παρὼν τὸν οὕτως τοῦτο κατεργασάμενον
Verse: 4    ἐν τῷ ὀνόματι τοῦ κυρίου [ἡμῶν] ᾽Ιησοῦ, συναχϑέντων ὑμῶν καὶ τοῦ ἐμοῦ πνεύματος σὺν τῇ δυνάμει τοῦ κυρίου ἡμῶν ᾽Ιησοῦ,
Verse: 5    παραδοῦναι τὸν τοιοῦτον τῷ Σατανᾷ εἰς ὄλεϑρον τῆς σαρκός, ἵνα τὸ πνεῦμα σωϑῇ ἐν τῇ ἡμέρᾳ τοῦ κυρίου.
Verse: 6    Οὐ καλὸν τὸ καύχημα ὑμῶν. οὐκ οἴδατε ὅτι μικρὰ ζύμη ὅλον τὸ ϕύραμα ζυμοῖ;
Verse: 7    ἐκκαϑάρατε τὴν παλαιὰν ζύμην, ἵνα ἦτε νέον ϕύραμα, καϑώς ἐστε ἄζυμοι. καὶ γὰρ τὸ πάσχα ἡμῶν ἐτύϑη Χριστός·
Verse: 8    ὥστε ἑορτάζωμεν, μὴ ἐν ζύμῃ παλαιᾷ μηδὲ ἐν ζύμῃ κακίας καὶ πονηρίας, ἀλλ' ἐν ἀζύμοις εἰλικρινείας καὶ ἀληϑείας.
Verse: 9    ῎Εγραψα ὑμῖν ἐν τῇ ἐπιστολῇ μὴ συναναμίγνυσϑαι πόρνοις,
Verse: 10    οὐ πάντως τοῖς πόρνοις τοῦ κόσμου τούτου ἢ τοῖς πλεονέκταις καὶ ἅρπαξιν ἢ εἰδωλολάτραις, ἐπεὶ ὠϕείλετε ἄρα ἐκ τοῦ κόσμου ἐξελϑεῖν.
Verse: 11    νῦν δὲ ἔγραψα ὑμῖν μὴ συναναμίγνυσϑαι ἐάν τις ἀδελϕὸς ὀνομαζόμενος ᾖ πόρνος ἢ πλεονέκτης ἢ εἰδωλολάτρης ἢ λοίδορος ἢ μέϑυσος ἢ ἅρπαξ, τῷ τοιούτῳ μηδὲ συνεσϑίειν.
Verse: 12    τί γάρ μοι τοὺς ἔξω κρίνειν; οὐχὶ τοὺς ἔσω ὑμεῖς κρίνετε;
Verse: 13    τοὺς δὲ ἔξω ὁ ϑεὸς κρινεῖ. ἐξάρατε τὸν πονηρὸν ἐξ ὑμῶν αὐτῶν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.