TITUS
Novum Testamentum graece
Part No. 193
Previous part

Book: 1.Tim. 
ΠΡΟΣ ΤΙΜΟΘΕΟΝ Α

Epistola beati Pauli apostoli ad Timotheum prima




Chapter: 1 
Verse: 1    Παῦλος ἀπόστολος Χριστοῦ ᾽Ιησοῦ κατ' ἐπιταγὴν ϑεοῦ σωτῆρος ἡμῶν καὶ Χριστοῦ ᾽Ιησοῦ τῆς ἐλπίδος ἡμῶν
Verse: 2    Τιμοϑέῳ γνησίῳ τέκνῳ ἐν πίστει· χάρις, ἔλεος, εἰρήνη ἀπὸ ϑεοῦ πατρὸς καὶ Χριστοῦ ᾽Ιησοῦ τοῦ κυρίου ἡμῶν.
Verse: 3    Καϑὼς παρεκάλεσά σε προσμεῖναι ἐν ᾽Εϕέσῳ πορευόμενος εἰς Μακεδονίαν, ἵνα παραγγείλῃς τισὶν μὴ ἑτεροδιδασκαλεῖν
Verse: 4    μηδὲ προσέχειν μύϑοις καὶ γενεαλογίαις ἀπεράντοις, αἵτινες ἐκζητήσεις παρέχουσιν μᾶλλον ἢ οἰκονομίαν ϑεοῦ τὴν ἐν πίστει·
Verse: 5    τὸ δὲ τέλος τῆς παραγγελίας ἐστὶν ἀγάπη ἐκ καϑαρᾶς καρδίας καὶ συνειδήσεως ἀγαϑῆς καὶ πίστεως ἀνυποκρίτου,
Verse: 6    ὧν τινες ἀστοχήσαντες ἐξετράπησαν εἰς ματαιολογίαν,
Verse: 7    ϑέλοντες εἶναι νομοδιδάσκαλοι, μὴ νοοῦντες μήτε ἃ λέγουσιν μήτε περὶ τίνων διαβεβαιοῦνται.
Verse: 8    Οἴδαμεν δὲ ὅτι καλὸς ὁ νόμος ἐάν τις αὐτῷ νομίμως χρῆται,
Verse: 9    εἰδὼς τοῦτο, ὅτι δικαίῳ νόμος οὐ κεῖται, ἀνόμοις δὲ καὶ ἀνυποτάκτοις, ἀσεβέσι καὶ ἁμαρτωλοῖς, ἀνοσίοις καὶ βεβήλοις, πατρολῴαις καὶ μητρολῴαις, ἀνδροϕόνοις,
Verse: 10    πόρνοις, ἀρσενοκοίταις, ἀνδραποδισταῖς, ψεύσταις, ἐπιόρκοις, καὶ εἴ τι ἕτερον τῇ ὑγιαινούσῃ διδασκαλίᾳ ἀντίκειται,
Verse: 11    κατὰ τὸ εὐαγγέλιον τῆς δόξης τοῦ μακαρίου ϑεοῦ, ὃ ἐπιστεύϑην ἐγώ.
Verse: 12    Χάριν ἔχω τῷ ἐνδυναμώσαντί με Χριστῷ ᾽Ιησοῦ τῷ κυρίῳ ἡμῶν, ὅτι πιστόν με ἡγήσατο ϑέμενος εἰς διακονίαν,
Verse: 13    τὸ πρότερον ὄντα βλάσϕημον καὶ διώκτην καὶ ὑβριστήν· ἀλλὰ ἠλεήϑην, ὅτι ἀγνοῶν ἐποίησα ἐν ἀπιστίᾳ,
Verse: 14    ὑπερεπλεόνασεν δὲ ἡ χάρις τοῦ κυρίου ἡμῶν μετὰ πίστεως καὶ ἀγάπης τῆς ἐν Χριστῷ ᾽Ιησοῦ.
Verse: 15    πιστὸς ὁ λόγος καὶ πάσης ἀποδοχῆς ἄξιος, ὅτι Χριστὸς ᾽Ιησοῦς ἦλϑεν εἰς τὸν κόσμον ἁμαρτωλοὺς σῶσαι· ὧν πρῶτός εἰμι ἐγώ,
Verse: 16    ἀλλὰ διὰ τοῦτο ἠλεήϑην, ἵνα ἐν ἐμοὶ πρώτῳ ἐνδείξηται Χριστὸς ᾽Ιησοῦς τὴν ἅπασαν μακροϑυμίαν, πρὸς ὑποτύπωσιν τῶν μελλόντων πιστεύειν ἐπ' αὐτῷ εἰς ζωὴν αἰώνιον.
Verse: 17    τῷ δὲ βασιλεῖ τῶν αἰώνων, ἀϕϑάρτῳ, ἀοράτῳ, μόνῳ ϑεῷ, τιμὴ καὶ δόξα εἰς τοὺς αἰῶνας τῶν αἰώνων· ἀμήν.
Verse: 18    Ταύτην τὴν παραγγελίαν παρατίϑεμαί σοι, τέκνον Τιμόϑεε, κατὰ τὰς προαγούσας ἐπὶ σὲ προϕητείας, ἵνα στρατεύῃ ἐν αὐταῖς τὴν καλὴν στρατείαν,
Verse: 19    ἔχων πίστιν καὶ ἀγαϑὴν συνείδησιν, ἥν τινες ἀπωσάμενοι περὶ τὴν πίστιν ἐναυάγησαν·
Verse: 20    ὧν ἐστιν ῾Υμέναιος καὶ ᾽Αλέξανδρος, οὓς παρέδωκα τῷ Σατανᾷ ἵνα παιδευϑῶσιν μὴ βλασϕημεῖν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.