TITUS
Novum Testamentum graece
Part No. 192
Previous part

Chapter: 3 
Verse: 1    Τὸ λοιπὸν προσεύχεσϑε, ἀδελϕοί, περὶ ἡμῶν, ἵνα ὁ λόγος τοῦ κυρίου τρέχῃ καὶ δοξάζηται καϑὼς καὶ πρὸς ὑμᾶς,
Verse: 2    καὶ ἵνα ῥυσϑῶμεν ἀπὸ τῶν ἀτόπων καὶ πονηρῶν ἀνϑρώπων· οὐ γὰρ πάντων ἡ πίστις.
Verse: 3    πιστὸς δέ ἐστιν ὁ κύριος, ὃς στηρίξει ὑμᾶς καὶ ϕυλάξει ἀπὸ τοῦ πονηροῦ.
Verse: 4    πεποίϑαμεν δὲ ἐν κυρίῳ ἐϕ' ὑμᾶς, ὅτι ἃ παραγγέλλομεν [καὶ] ποιεῖτε καὶ ποιήσετε.
Verse: 5    ῾Ο δὲ κύριος κατευϑύναι ὑμῶν τὰς καρδίας εἰς τὴν ἀγάπην τοῦ ϑεοῦ καὶ εἰς τὴν ὑπομονὴν τοῦ Χριστοῦ.
Verse: 6    Παραγγέλλομεν δὲ ὑμῖν, ἀδελϕοί, ἐν ὀνόματι τοῦ κυρίου ᾽Ιησοῦ Χριστοῦ, στέλλεσϑαι ὑμᾶς ἀπὸ παντὸς ἀδελϕοῦ ἀτάκτως περιπατοῦντος καὶ μὴ κατὰ τὴν παράδοσιν ἣν παρελάβοσαν παρ' ἡμῶν.
Verse: 7    αὐτοὶ γὰρ οἴδατε πῶς δεῖ μιμεῖσϑαι ἡμᾶς, ὅτι οὐκ ἠτακτήσαμεν ἐν ὑμῖν
Verse: 8    οὐδὲ δωρεὰν ἄρτον ἐϕάγομεν παρά τινος, ἀλλ' ἐν κόπῳ καὶ μόχϑῳ νυκτὸς καὶ ἡμέρας ἐργαζόμενοι πρὸς τὸ μὴ ἐπιβαρῆσαί τινα ὑμῶν·
Verse: 9    οὐχ ὅτι οὐκ ἔχομεν ἐξουσίαν, ἀλλ' ἵνα ἑαυτοὺς τύπον δῶμεν ὑμῖν εἰς τὸ μιμεῖσϑαι ἡμᾶς.
Verse: 10    καὶ γὰρ ὅτε ἦμεν πρὸς ὑμᾶς, τοῦτο παρηγγέλλομεν ὑμῖν, ὅτι εἴ τις οὐ ϑέλει ἐργάζεσϑαι μηδὲ ἐσϑιέτω.
Verse: 11    ἀκούομεν γάρ τινας περιπατοῦντας ἐν ὑμῖν ἀτάκτως, μηδὲν ἐργαζομένους ἀλλὰ περιεργαζομένους·
Verse: 12    τοῖς δὲ τοιούτοις παραγγέλλομεν καὶ παρακαλοῦμεν ἐν κυρίῳ ᾽Ιησοῦ Χριστῷ ἵνα μετὰ ἡσυχίας ἐργαζόμενοι τὸν ἑαυτῶν ἄρτον ἐσϑίωσιν.
Verse: 13    ῾Υμεῖς δέ, ἀδελϕοί, μὴ ἐγκακήσητε καλοποιοῦντες.
Verse: 14    εἰ δέ τις οὐχ ὑπακούει τῷ λόγῳ ἡμῶν διὰ τῆς ἐπιστολῆς, τοῦτον σημειοῦσϑε, μὴ συναναμίγνυσϑαι αὐτῷ, ἵνα ἐντραπῇ·
Verse: 15    καὶ μὴ ὡς ἐχϑρὸν ἡγεῖσϑε, ἀλλὰ νουϑετεῖτε ὡς ἀδελϕόν.
Verse: 16    Αὐτὸς δὲ ὁ κύριος τῆς εἰρήνης δῴη ὑμῖν τὴν εἰρήνην διὰ παντὸς ἐν παντὶ τρόπῳ. ὁ κύριος μετὰ πάντων ὑμῶν.
Verse: 17    ῾Ο ἀσπασμὸς τῇ ἐμῇ χειρὶ Παύλου, ὅ ἐστιν σημεῖον ἐν πάσῃ ἐπιστολῇ· οὕτως γράϕω.
Verse: 18    ἡ χάρις τοῦ κυρίου ἡμῶν ᾽Ιησοῦ Χριστοῦ μετὰ πάντων ὑμῶν.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.