TITUS
Novum Testamentum graece
Part No. 202
Previous part

Chapter: 4 
Verse: 1    Διαμαρτύρομαι ἐνώπιον τοῦ ϑεοῦ καὶ Χριστοῦ ᾽Ιησοῦ, τοῦ μέλλοντος κρίνειν ζῶντας καὶ νεκρούς, καὶ τὴν ἐπιϕάνειαν αὐτοῦ καὶ τὴν βασιλείαν αὐτοῦ·
Verse: 2    κήρυξον τὸν λόγον, ἐπίστηϑι εὐκαίρως ἀκαίρως, ἔλεγξον, ἐπιτίμησον, παρακάλεσον, ἐν πάσῃ μακροϑυμίᾳ καὶ διδαχῇ.
Verse: 3    ἔσται γὰρ καιρὸς ὅτε τῆς ὑγιαινούσης διδασκαλίας οὐκ ἀνέξονται, ἀλλὰ κατὰ τὰς ἰδίας ἐπιϑυμίας ἑαυτοῖς ἐπισωρεύσουσιν διδασκάλους κνηϑόμενοι τὴν ἀκοήν,
Verse: 4    καὶ ἀπὸ μὲν τῆς ἀληϑείας τὴν ἀκοὴν ἀποστρέψουσιν, ἐπὶ δὲ τοὺς μύϑους ἐκτραπήσονται.
Verse: 5    σὺ δὲ νῆϕε ἐν πᾶσιν, κακοπάϑησον, ἔργον ποίησον εὐαγγελιστοῦ, τὴν διακονίαν σου πληροϕόρησον.
Verse: 6    ᾽Εγὼ γὰρ ἤδη σπένδομαι, καὶ ὁ καιρὸς τῆς ἀναλύσεώς μου ἐϕέστηκεν.
Verse: 7    τὸν καλὸν ἀγῶνα ἠγώνισμαι, τὸν δρόμον τετέλεκα, τὴν πίστιν τετήρηκα·
Verse: 8    λοιπὸν ἀπόκειταί μοι ὁ τῆς δικαιοσύνης στέϕανος, ὃν ἀποδώσει μοι ὁ κύριος ἐν ἐκείνῃ τῇ ἡμέρᾳ, ὁ δίκαιος κριτής, οὐ μόνον δὲ ἐμοὶ ἀλλὰ καὶ πᾶσι τοῖς ἠγαπηκόσι τὴν ἐπιϕάνειαν αὐτοῦ.
Verse: 9    Σπούδασον ἐλϑεῖν πρός με ταχέως·
Verse: 10    Δημᾶς γάρ με ἐγκατέλιπεν ἀγαπήσας τὸν νῦν αἰῶνα, καὶ ἐπορεύϑη εἰς Θεσσαλονίκην, Κρήσκης εἰς Γαλατίαν, Τίτος εἰς Δαλματίαν·
Verse: 11    Λουκᾶς ἐστιν μόνος μετ' ἐμοῦ. Μᾶρκον ἀναλαβὼν ἄγε μετὰ σεαυτοῦ, ἔστιν γάρ μοι εὔχρηστος εἰς διακονίαν.
Verse: 12    Τυχικὸν δὲ ἀπέστειλα εἰς ῎Εϕεσον.
Verse: 13    τὸν ϕαιλόνην ὃν ἀπέλιπον ἐν Τρῳάδι παρὰ Κάρπῳ ἐρχόμενος ϕέρε, καὶ τὰ βιβλία, μάλιστα τὰς μεμβράνας.
Verse: 14    ᾽Αλέξανδρος ὁ χαλκεὺς πολλά μοι κακὰ ἐνεδείξατο· ἀποδώσει αὐτῷ ὁ κύριος κατὰ τὰ ἔργα αὐτοῦ·
Verse: 15    ὃν καὶ σὺ ϕυλάσσου, λίαν γὰρ ἀντέστη τοῖς ἡμετέροις λόγοις.
Verse: 16    ᾽Εν τῇ πρώτῃ μου ἀπολογίᾳ οὐδείς μοι παρεγένετο, ἀλλὰ πάντες με ἐγκατέλιπον· μὴ αὐτοῖς λογισϑείη·
Verse: 17    ὁ δὲ κύριός μοι παρέστη καὶ ἐνεδυνάμωσέν με, ἵνα δι' ἐμοῦ τὸ κήρυγμα πληροϕορηϑῇ καὶ ἀκούσωσιν πάντα τὰ ἔϑνη, καὶ ἐρρύσϑην ἐκ στόματος λέοντος.
Verse: 18    ῥύσεταί με ὁ κύριος ἀπὸ παντὸς ἔργου πονηροῦ καὶ σώσει εἰς τὴν βασιλείαν αὐτοῦ τὴν ἐπουράνιον, ᾧ ἡ δόξα εἰς τοὺς αἰῶνας τῶν αἰώνων· ἀμήν.
Verse: 19    ῎Ασπασαι Πρίσκαν καὶ ᾽Ακύλαν καὶ τὸν ᾽Ονησιϕόρου οἶκον.
Verse: 20    ῎Εραστος ἔμεινεν ἐν Κορίνϑῳ, Τρόϕιμον δὲ ἀπέλιπον ἐν Μιλήτῳ ἀσϑενοῦντα.
Verse: 21    Σπούδασον πρὸ χειμῶνος ἐλϑεῖν. ᾽Ασπάζεταί σε Εὔβουλος καὶ Πούδης καὶ Λίνος καὶ Κλαυδία καὶ οἱ ἀδελϕοὶ πάντες.
Verse: 22    ῾Ο κύριος μετὰ τοῦ πνεύματός σου. ἡ χάρις μεϑ' ὑμῶν.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.