TITUS
Novum Testamentum graece
Part No. 174
Previous part

Chapter: 4 
Verse: 1    Παρακαλῶ οὖν ὑμᾶς ἐγὼ ὁ δέσμιος ἐν κυρίῳ ἀξίως περιπατῆσαι τῆς κλήσεως ἧς ἐκλήϑητε,
Verse: 2    μετὰ πάσης ταπεινοϕροσύνης καὶ πραύτητος, μετὰ μακροϑυμίας, ἀνεχόμενοι ἀλλήλων ἐν ἀγάπῃ,
Verse: 3    σπουδάζοντες τηρεῖν τὴν ἑνότητα τοῦ πνεύματος ἐν τῷ συνδέσμῳ τῆς εἰρήνης·
Verse: 4    ἓν σῶμα καὶ ἓν πνεῦμα, καϑὼς καὶ ἐκλήϑητε ἐν μιᾷ ἐλπίδι τῆς κλήσεως ὑμῶν·
Verse: 5    εἷς κύριος, μία πίστις, ἓν βάπτισμα·
Verse: 6    εἷς ϑεὸς καὶ πατὴρ πάντων, ὁ ἐπὶ πάντων καὶ διὰ πάντων καὶ ἐν πᾶσιν.
Verse: 7    ῾Ενὶ δὲ ἑκάστῳ ἡμῶν ἐδόϑη ἡ χάρις κατὰ τὸ μέτρον τῆς δωρεᾶς τοῦ Χριστοῦ.
Verse: 8    διὸ λέγει, ᾽Αναβὰς εἰς ὕψος ᾐχμαλώτευσεν αἰχμαλωσίαν, ἔδωκεν δόματα τοῖς ἀνϑρώποις.
Verse: 9    τὸ δὲ ᾽Ανέβη τί ἐστιν εἰ μὴ ὅτι καὶ κατέβη εἰς τὰ κατώτερα [μέρη] τῆς γῆς;
Verse: 10    ὁ καταβὰς αὐτός ἐστιν καὶ ὁ ἀναβὰς ὑπεράνω πάντων τῶν οὐρανῶν, ἵνα πληρώσῃ τὰ πάντα.]
Verse: 11    καὶ αὐτὸς ἔδωκεν τοὺς μὲν ἀποστόλους, τοὺς δὲ προϕήτας, τοὺς δὲ εὐαγγελιστάς, τοὺς δὲ ποιμένας καὶ διδασκάλους,
Verse: 12    πρὸς τὸν καταρτισμὸν τῶν ἁγίων εἰς ἔργον διακονίας, εἰς οἰκοδομὴν τοῦ σώματος τοῦ Χριστοῦ,
Verse: 13    μέχρι καταντήσωμεν οἱ πάντες εἰς τὴν ἑνότητα τῆς πίστεως καὶ τῆς ἐπιγνώσεως τοῦ υἱοῦ τοῦ ϑεοῦ, εἰς ἄνδρα τέλειον, εἰς μέτρον ἡλικίας τοῦ πληρώματος τοῦ Χριστοῦ,
Verse: 14    ἵνα μηκέτι ὦμεν νήπιοι, κλυδωνιζόμενοι καὶ περιϕερόμενοι παντὶ ἀνέμῳ τῆς διδασκαλίας ἐν τῇ κυβείᾳ τῶν ἀνϑρώπων ἐν πανουργίᾳ πρὸς τὴν μεϑοδείαν τῆς πλάνης,
Verse: 15    ἀληϑεύοντες δὲ ἐν ἀγάπῃ αὐξήσωμεν εἰς αὐτὸν τὰ πάντα, ὅς ἐστιν ἡ κεϕαλή, Χριστός,
Verse: 16    ἐξ οὗ πᾶν τὸ σῶμα συναρμολογούμενον καὶ συμβιβαζόμενον διὰ πάσης ἁϕῆς τῆς ἐπιχορηγίας κατ' ἐνέργειαν ἐν μέτρῳ ἑνὸς ἑκάστου μέρους τὴν αὔξησιν τοῦ σώματος ποιεῖται εἰς οἰκοδομὴν ἑαυτοῦ ἐν ἀγάπῃ.
Verse: 17    Τοῦτο οὖν λέγω καὶ μαρτύρομαι ἐν κυρίῳ, μηκέτι ὑμᾶς περιπατεῖν καϑὼς καὶ τὰ ἔϑνη περιπατεῖ ἐν ματαιότητι τοῦ νοὸς αὐτῶν,
Verse: 18    ἐσκοτωμένοι τῇ διανοίᾳ ὄντες, ἀπηλλοτριωμένοι τῆς ζωῆς τοῦ ϑεοῦ, διὰ τὴν ἄγνοιαν τὴν οὖσαν ἐν αὐτοῖς, διὰ τὴν πώρωσιν τῆς καρδίας αὐτῶν,
Verse: 19    οἵτινες ἀπηλγηκότες ἑαυτοὺς παρέδωκαν τῇ ἀσελγείᾳ εἰς ἐργασίαν ἀκαϑαρσίας πάσης ἐν πλεονεξίᾳ.
Verse: 20    ὑμεῖς δὲ οὐχ οὕτως ἐμάϑετε τὸν Χριστόν,
Verse: 21    εἴ γε αὐτὸν ἠκούσατε καὶ ἐν αὐτῷ ἐδιδάχϑητε, καϑώς ἐστιν ἀλήϑεια ἐν τῷ ᾽Ιησοῦ,
Verse: 22    ἀποϑέσϑαι ὑμᾶς κατὰ τὴν προτέραν ἀναστροϕὴν τὸν παλαιὸν ἄνϑρωπον τὸν ϕϑειρόμενον κατὰ τὰς ἐπιϑυμίας τῆς ἀπάτης,
Verse: 23    ἀνανεοῦσϑαι δὲ τῷ πνεύματι τοῦ νοὸς ὑμῶν,
Verse: 24    καὶ ἐνδύσασϑαι τὸν καινὸν ἄνϑρωπον τὸν κατὰ ϑεὸν κτισϑέντα ἐν δικαιοσύνῃ καὶ ὁσιότητι τῆς ἀληϑείας.
Verse: 25    Διὸ ἀποϑέμενοι τὸ ψεῦδος λαλεῖτε ἀλήϑειαν ἕκαστος μετὰ τοῦ πλησίον αὐτοῦ, ὅτι ἐσμὲν ἀλλήλων μέλη.
Verse: 26    ὀργίζεσϑε καὶ μὴ ἁμαρτάνετε· ὁ ἥλιος μὴ ἐπιδυέτω ἐπὶ [τῷ] παροργισμῷ ὑμῶν,
Verse: 27    μηδὲ δίδοτε τόπον τῷ διαβόλῳ.
Verse: 28    ὁ κλέπτων μηκέτι κλεπτέτω, μᾶλλον δὲ κοπιάτω ἐργαζόμενος ταῖς ἰδίαις χερσὶν τὸ ἀγαϑόν, ἵνα ἔχῃ μεταδιδόναι τῷ χρείαν ἔχοντι.
Verse: 29    πᾶς λόγος σαπρὸς ἐκ τοῦ στόματος ὑμῶν μὴ ἐκπορευέσϑω, ἀλλὰ εἴ τις ἀγαϑὸς πρὸς οἰκοδομὴν τῆς χρείας, ἵνα δῷ χάριν τοῖς ἀκούουσιν.
Verse: 30    καὶ μὴ λυπεῖτε τὸ πνεῦμα τὸ ἅγιον τοῦ ϑεοῦ, ἐν ᾧ ἐσϕραγίσϑητε εἰς ἡμέραν ἀπολυτρώσεως.
Verse: 31    πᾶσα πικρία καὶ ϑυμὸς καὶ ὀργὴ καὶ κραυγὴ καὶ βλασϕημία ἀρϑήτω ἀϕ' ὑμῶν σὺν πάσῃ κακίᾳ.
Verse: 32    γίνεσϑε εἰς ἀλλήλους χρηστοί, εὔσπλαγχνοι, χαριζόμενοι ἑαυτοῖς καϑὼς καὶ ὁ ϑεὸς ἐν Χριστῷ ἐχαρίσατο ὑμῖν.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.