TITUS
Novum Testamentum graece
Part No. 168
Previous part

Chapter: 4 
Verse: 1    Λέγω δέ, ἐϕ' ὅσον χρόνον ὁ κληρονόμος νήπιός ἐστιν, οὐδὲν διαϕέρει δούλου κύριος πάντων ὤν,
Verse: 2    ἀλλὰ ὑπὸ ἐπιτρόπους ἐστὶν καὶ οἰκονόμους ἄχρι τῆς προϑεσμίας τοῦ πατρός.
Verse: 3    οὕτως καὶ ἡμεῖς, ὅτε ἦμεν νήπιοι, ὑπὸ τὰ στοιχεῖα τοῦ κόσμου ἤμεϑα δεδουλωμένοι·
Verse: 4    ὅτε δὲ ἦλϑεν τὸ πλήρωμα τοῦ χρόνου, ἐξαπέστειλεν ὁ ϑεὸς τὸν υἱὸν αὐτοῦ, γενόμενον ἐκ γυναικός, γενόμενον ὑπὸ νόμον,
Verse: 5    ἵνα τοὺς ὑπὸ νόμον ἐξαγοράσῃ, ἵνα τὴν υἱοϑεσίαν ἀπολάβωμεν.
Verse: 6    ῞Οτι δέ ἐστε υἱοί, ἐξαπέστειλεν ὁ ϑεὸς τὸ πνεῦμα τοῦ υἱοῦ αὐτοῦ εἰς τὰς καρδίας ἡμῶν, κρᾶζον, Αββα ὁ πατήρ.
Verse: 7    ὥστε οὐκέτι εἶ δοῦλος ἀλλὰ υἱός· εἰ δὲ υἱός, καὶ κληρονόμος διὰ ϑεοῦ.
Verse: 8    ᾽Αλλὰ τότε μὲν οὐκ εἰδότες ϑεὸν ἐδουλεύσατε τοῖς ϕύσει μὴ οὖσιν ϑεοῖς·
Verse: 9    νῦν δὲ γνόντες ϑεόν, μᾶλλον δὲ γνωσϑέντες ὑπὸ ϑεοῦ, πῶς ἐπιστρέϕετε πάλιν ἐπὶ τὰ ἀσϑενῆ καὶ πτωχὰ στοιχεῖα, οἷς πάλιν ἄνωϑεν δουλεύειν ϑέλετε;
Verse: 10    ἡμέρας παρατηρεῖσϑε καὶ μῆνας καὶ καιροὺς καὶ ἐνιαυτούς.
Verse: 11    ϕοβοῦμαι ὑμᾶς μή πως εἰκῇ κεκοπίακα εἰς ὑμᾶς.
Verse: 12    Γίνεσϑε ὡς ἐγώ, ὅτι κἀγὼ ὡς ὑμεῖς, ἀδελϕοί, δέομαι ὑμῶν. οὐδέν με ἠδικήσατε·
Verse: 13    οἴδατε δὲ ὅτι δι' ἀσϑένειαν τῆς σαρκὸς εὐηγγελισάμην ὑμῖν τὸ πρότερον,
Verse: 14    καὶ τὸν πειρασμὸν ὑμῶν ἐν τῇ σαρκί μου οὐκ ἐξουϑενήσατε οὐδὲ ἐξεπτύσατε, ἀλλὰ ὡς ἄγγελον ϑεοῦ ἐδέξασϑέ με, ὡς Χριστὸν ᾽Ιησοῦν.
Verse: 15    ποῦ οὖν ὁ μακαρισμὸς ὑμῶν; μαρτυρῶ γὰρ ὑμῖν ὅτι εἰ δυνατὸν τοὺς ὀϕϑαλμοὺς ὑμῶν ἐξορύξαντες ἐδώκατέ μοι.
Verse: 16    ὥστε ἐχϑρὸς ὑμῶν γέγονα ἀληϑεύων ὑμῖν;
Verse: 17    ζηλοῦσιν ὑμᾶς οὐ καλῶς, ἀλλὰ ἐκκλεῖσαι ὑμᾶς ϑέλουσιν, ἵνα αὐτοὺς ζηλοῦτε.
Verse: 18    καλὸν δὲ ζηλοῦσϑαι ἐν καλῷ πάντοτε, καὶ μὴ μόνον ἐν τῷ παρεῖναί με πρὸς ὑμᾶς,
Verse: 19    τεκνία μου, οὓς πάλιν ὠδίνω μέχρις οὗ μορϕωϑῇ Χριστὸς ἐν ὑμῖν·
Verse: 20    ἤϑελον δὲ παρεῖναι πρὸς ὑμᾶς ἄρτι, καὶ ἀλλάξαι τὴν ϕωνήν μου, ὅτι ἀποροῦμαι ἐν ὑμῖν.
Verse: 21    Λέγετέ μοι, οἱ ὑπὸ νόμον ϑέλοντες εἶναι, τὸν νόμον οὐκ ἀκούετε;
Verse: 22    γέγραπται γὰρ ὅτι ᾽Αβραὰμ δύο υἱοὺς ἔσχεν, ἕνα ἐκ τῆς παιδίσκης καὶ ἕνα ἐκ τῆς ἐλευϑέρας.
Verse: 23    ἀλλ' ὁ μὲν ἐκ τῆς παιδίσκης κατὰ σάρκα γεγέννηται, ὁ δὲ ἐκ τῆς ἐλευϑέρας δι' ἐπαγγελίας.
Verse: 24    ἅτινά ἐστιν ἀλληγορούμενα· αὗται γάρ εἰσιν δύο διαϑῆκαι, μία μὲν ἀπὸ ὄρους Σινᾶ, εἰς δουλείαν γεννῶσα, ἥτις ἐστὶν ῾Αγάρ.
Verse: 25    τὸ δὲ ῾Αγὰρ Σινᾶ ὄρος ἐστὶν ἐν τῇ ᾽Αραβίᾳ, συστοιχεῖ δὲ τῇ νῦν ᾽Ιερουσαλήμ, δουλεύει γὰρ μετὰ τῶν τέκνων αὐτῆς.
Verse: 26    ἡ δὲ ἄνω ᾽Ιερουσαλὴμ ἐλευϑέρα ἐστίν, ἥτις ἐστὶν μήτηρ ἡμῶν·
Verse: 27    γέγραπται γάρ, Εὐϕράνϑητι, στεῖρα ἡ οὐ τίκτουσα· ῥῆξον καὶ βόησον, ἡ οὐκ ὠδίνουσα· ὅτι πολλὰ τὰ τέκνα τῆς ἐρήμου μᾶλλον ἢ τῆς ἐχούσης τὸν ἄνδρα.
Verse: 28    ὑμεῖς δέ, ἀδελϕοί, κατὰ ᾽Ισαὰκ ἐπαγγελίας τέκνα ἐστέ.
Verse: 29    ἀλλ' ὥσπερ τότε ὁ κατὰ σάρκα γεννηϑεὶς ἐδίωκεν τὸν κατὰ πνεῦμα, οὕτως καὶ νῦν.
Verse: 30    ἀλλὰ τί λέγει ἡ γραϕή; ῎Εκβαλε τὴν παιδίσκην καὶ τὸν υἱὸν αὐτῆς, οὐ γὰρ μὴ κληρονομήσει ὁ υἱὸς τῆς παιδίσκης μετὰ τοῦ υἱοῦτῆς ἐλευϑέρας.
Verse: 31    διό, ἀδελϕοί, οὐκ ἐσμὲν παιδίσκης τέκνα ἀλλὰ τῆς ἐλευϑέρας.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.