TITUS
Novum Testamentum graece
Part No. 170
Previous part

Chapter: 6 
Verse: 1    ᾽Αδελϕοί, ἐὰν καὶ προλημϕϑῇ ἄνϑρωπος ἔν τινι παραπτώματι, ὑμεῖς οἱ πνευματικοὶ καταρτίζετε τὸν τοιοῦτον ἐν πνεύματι πραύτητος, σκοπῶν σεαυτόν, μὴ καὶ σὺ πειρασϑῇς.
Verse: 2    ᾽Αλλήλων τὰ βάρη βαστάζετε, καὶ οὕτως ἀναπληρώσετε τὸν νόμον τοῦ Χριστοῦ.
Verse: 3    εἰ γὰρ δοκεῖ τις εἶναί τι μηδὲν ὤν, ϕρεναπατᾷ ἑαυτόν·
Verse: 4    τὸ δὲ ἔργον ἑαυτοῦ δοκιμαζέτω ἕκαστος, καὶ τότε εἰς ἑαυτὸν μόνον τὸ καύχημα ἕξει καὶ οὐκ εἰς τὸν ἕτερον·
Verse: 5    ἕκαστος γὰρ τὸ ἴδιον ϕορτίον βαστάσει.
Verse: 6    Κοινωνείτω δὲ ὁ κατηχούμενος τὸν λόγον τῷ κατηχοῦντι ἐν πᾶσιν ἀγαϑοῖς.
Verse: 7    Μὴ πλανᾶσϑε, ϑεὸς οὐ μυκτηρίζεται· ὃ γὰρ ἐὰν σπείρῃ ἄνϑρωπος, τοῦτο καὶ ϑερίσει·
Verse: 8    ὅτι ὁ σπείρων εἰς τὴν σάρκα ἑαυτοῦ ἐκ τῆς σαρκὸς ϑερίσει ϕϑοράν, ὁ δὲ σπείρων εἰς τὸ πνεῦμα ἐκ τοῦ πνεύματος ϑερίσει ζωὴν αἰώνιον.
Verse: 9    τὸ δὲ καλὸν ποιοῦντες μὴ ἐγκακῶμεν, καιρῷ γὰρ ἰδίῳ ϑερίσομεν μὴ ἐκλυόμενοι.
Verse: 10    ἄρα οὖν ὡς καιρὸν ἔχομεν, ἐργαζώμεϑα τὸ ἀγαϑὸν πρὸς πάντας, μάλιστα δὲ πρὸς τοὺς οἰκείους τῆς πίστεως.
Verse: 11    ῎Ιδετε πηλίκοις ὑμῖν γράμμασιν ἔγραψα τῇ ἐμῇ χειρί.
Verse: 12    ὅσοι ϑέλουσιν εὐπροσωπῆσαι ἐν σαρκί, οὗτοι ἀναγκάζουσιν ὑμᾶς περιτέμνεσϑαι, μόνον ἵνα τῷ σταυρῷ τοῦ Χριστοῦ μὴ διώκωνται·
Verse: 13    οὐδὲ γὰρ οἱ περιτεμνόμενοι αὐτοὶ νόμον ϕυλάσσουσιν, ἀλλὰ ϑέλουσιν ὑμᾶς περιτέμνεσϑαι ἵνα ἐν τῇ ὑμετέρᾳ σαρκὶ καυχήσωνται.
Verse: 14    ἐμοὶ δὲ μὴ γένοιτο καυχᾶσϑαι εἰ μὴ ἐν τῷ σταυρῷ τοῦ κυρίου ἡμῶν ᾽Ιησοῦ Χριστοῦ, δι' οὗ ἐμοὶ κόσμος ἐσταύρωται κἀγὼ κόσμῳ.
Verse: 15    οὔτε γὰρ περιτομή τί ἐστιν οὔτε ἀκροβυστία, ἀλλὰ καινὴ κτίσις.
Verse: 16    καὶ ὅσοι τῷ κανόνι τούτῳ στοιχήσουσιν, εἰρήνη ἐπ' αὐτοὺς καὶ ἔλεος, καὶ ἐπὶ τὸν ᾽Ισραὴλ τοῦ ϑεοῦ.
Verse: 17    Τοῦ λοιποῦ κόπους μοι μηδεὶς παρεχέτω, ἐγὼ γὰρ τὰ στίγματα τοῦ ᾽Ιησοῦ ἐν τῷ σώματί μου βαστάζω.
Verse: 18    ῾Η χάρις τοῦ κυρίου ἡμῶν ᾽Ιησοῦ Χριστοῦ μετὰ τοῦ πνεύματος ὑμῶν, ἀδελϕοί· ἀμήν.






Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.