TITUS
Novum Testamentum graece
Part No. 214
Previous part

Chapter: 8 
Verse: 1    Κεϕάλαιον δὲ ἐπὶ τοῖς λεγομένοις, τοιοῦτον ἔχομεν ἀρχιερέα, ὃς ἐκάϑισεν ἐν δεξιᾷ τοῦ ϑρόνου τῆς μεγαλωσύνης ἐν τοῖς οὐρανοῖς,
Verse: 2    τῶν ἁγίων λειτουργὸς καὶ τῆς σκηνῆς τῆς ἀληϑινῆς, ἣν ἔπηξεν ὁ κύριος, οὐκ ἄνϑρωπος.
Verse: 3    πᾶς γὰρ ἀρχιερεὺς εἰς τὸ προσϕέρειν δῶρά τε καὶ ϑυσίας καϑίσταται· ὅϑεν ἀναγκαῖον ἔχειν τι καὶ τοῦτον ὃ προσενέγκῃ.
Verse: 4    εἰ μὲν οὖν ἦν ἐπὶ γῆς, οὐδ' ἂν ἦν ἱερεύς, ὄντων τῶν προσϕερόντων κατὰ νόμον τὰ δῶρα·
Verse: 5    οἵτινες ὑποδείγματι καὶ σκιᾷ λατρεύουσιν τῶν ἐπουρανίων, καϑὼς κεχρημάτισται Μωϋσῆς μέλλων ἐπιτελεῖν τὴν σκηνήν, ῞Οραγάρ, ϕησίν, ποιήσεις πάντα κατὰ τὸν τύπον τὸν δειχϑέντα σοι ἐν τῷ ὄρει·
Verse: 6    νυνὶ δὲ διαϕορωτέρας τέτυχεν λειτουργίας, ὅσῳ καὶ κρείττονός ἐστιν διαϑήκης μεσίτης, ἥτις ἐπὶ κρείττοσιν ἐπαγγελίαις νενομοϑέτηται.
Verse: 7    Εἰ γὰρ ἡ πρώτη ἐκείνη ἦν ἄμεμπτος, οὐκ ἂν δευτέρας ἐζητεῖτο τόπος·
Verse: 8    μεμϕόμενος γὰρ αὐτοὺς λέγει, ᾽Ιδοὺ ἡμέραι ἔρχονται, λέγει κύριος, καὶ συντελέσω ἐπὶ τὸν οἶκον ᾽Ισραὴλ καὶ ἐπὶ τὸν οἶκον ᾽Ιούδα διαϑήκην καινήν,
Verse: 9    οὐ κατὰ τὴν διαϑήκην ἣν ἐποίησα τοῖς πατράσιν αὐτῶν ἐν ἡμέρᾳ ἐπιλαβομένου μου τῆς χειρὸς αὐτῶν ἐξαγαγεῖν αὐτοὺς ἐκ γῆς Αἰγύπτου, ὅτι αὐτοὶ οὐκ ἐνέμειναν ἐν τῇ διαϑήκῃ μου, κἀγὼ ἠμέλησα αὐτῶν, λέγει κύριος.
Verse: 10    ὅτι αὕτη ἡ διαϑήκη ἣν διαϑήσομαι τῷ οἴκῳ ᾽Ισραὴλ μετὰ τὰς ἡμέρας ἐκείνας, λέγει κύριος, διδοὺς νόμους μου εἰς τὴν διάνοιαν αὐτῶν, καὶ ἐπὶ καρδίας αὐτῶν ἐπιγράψω αὐτούς, καὶ ἔσομαι αὐτοῖς εἰς ϑεὸν καὶ αὐτοὶ ἔσονταί μοι εἰς λαόν.
Verse: 11    καὶ οὐ μὴ διδάξωσιν ἕκαστος τὸν πολίτην αὐτοῦ καὶ ἕκαστος τὸν ἀδελϕὸν αὐτοῦ, λέγων, Γνῶϑι τὸν κύριον, ὅτι πάντες εἰδήσουσίν με ἀπὸ μικροῦ ἕως μεγάλου αὐτῶν.
Verse: 12    ὅτι ἵλεως ἔσομαι ταῖς ἀδικίαις αὐτῶν, καὶ τῶν ἁμαρτιῶν αὐτῶν οὐ μὴ μνησϑῶ ἔτι.
Verse: 13    ἐν τῷ λέγειν Καινὴν πεπαλαίωκεν τὴν πρώτην· τὸ δὲ παλαιούμενον καὶ γηράσκον ἐγγὺς ἀϕανισμοῦ.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.