TITUS
Novum Testamentum graece
Part No. 183
Previous part

Chapter: 3 
Verse: 1    Εἰ οὖν συνηγέρϑητε τῷ Χριστῷ, τὰ ἄνω ζητεῖτε, οὗ ὁ Χριστός ἐστιν ἐν δεξιᾷ τοῦ ϑεοῦ καϑήμενος·
Verse: 2    τὰ ἄνω ϕρονεῖτε, μὴ τὰ ἐπὶ τῆς γῆς·
Verse: 3    ἀπεϑάνετε γάρ, καὶ ἡ ζωὴ ὑμῶν κέκρυπται σὺν τῷ Χριστῷ ἐν τῷ ϑεῷ.
Verse: 4    ὅταν ὁ Χριστὸς ϕανερωϑῇ, ἡ ζωὴ ὑμῶν, τότε καὶ ὑμεῖς σὺν αὐτῷ ϕανερωϑήσεσϑε ἐν δόξῃ.
Verse: 5    Νεκρώσατε οὖν τὰ μέλη τὰ ἐπὶ τῆς γῆς, πορνείαν, ἀκαϑαρσίαν, πάϑος, ἐπιϑυμίαν κακήν, καὶ τὴν πλεονεξίαν ἥτις ἐστὶν εἰδωλολατρία,
Verse: 6    δι' ἃ ἔρχεται ἡ ὀργὴ τοῦ ϑεοῦ [ἐπὶ τοὺς υἱοὺς τῆς ἀπειϑείας]·
Verse: 7    ἐν οἷς καὶ ὑμεῖς περιεπατήσατέ ποτε ὅτε ἐζῆτε ἐν τούτοις.
Verse: 8    νυνὶ δὲ ἀπόϑεσϑε καὶ ὑμεῖς τὰ πάντα, ὀργήν, ϑυμόν, κακίαν, βλασϕημίαν, αἰσχρολογίαν ἐκ τοῦ στόματος ὑμῶν·
Verse: 9    μὴ ψεύδεσϑε εἰς ἀλλήλους, ἀπεκδυσάμενοι τὸν παλαιὸν ἄνϑρωπον σὺν ταῖς πράξεσιν αὐτοῦ,
Verse: 10    καὶ ἐνδυσάμενοι τὸν νέον τὸν ἀνακαινούμενον εἰς ἐπίγνωσιν κατ' εἰκόνα τοῦ κτίσαντος αὐτόν,
Verse: 11    ὅπου οὐκ ἔνι ῞Ελλην καὶ ᾽Ιουδαῖος, περιτομὴ καὶ ἀκροβυστία, βάρβαρος, Σκύϑης, δοῦλος, ἐλεύϑερος, ἀλλὰ [τὰ] πάντα καὶ ἐν πᾶσιν Χριστός.
Verse: 12    ᾽Ενδύσασϑε οὖν ὡς ἐκλεκτοὶ τοῦ ϑεοῦ, ἅγιοι καὶ ἠγαπημένοι, σπλάγχνα οἰκτιρμοῦ, χρηστότητα, ταπεινοϕροσύνην, πραύτητα, μακροϑυμίαν,
Verse: 13    ἀνεχόμενοι ἀλλήλων καὶ χαριζόμενοι ἑαυτοῖς ἐάν τις πρός τινα ἔχῃ μομϕήν· καϑὼς καὶ ὁ κύριος ἐχαρίσατο ὑμῖν οὕτως καὶ ὑμεῖς·
Verse: 14    ἐπὶ πᾶσιν δὲ τούτοις τὴν ἀγάπην, ὅ ἐστιν σύνδεσμος τῆς τελειότητος.
Verse: 15    καὶ ἡ εἰρήνη τοῦ Χριστοῦ βραβευέτω ἐν ταῖς καρδίαις ὑμῶν, εἰς ἣν καὶ ἐκλήϑητε ἐν ἑνὶ σώματι· καὶ εὐχάριστοι γίνεσϑε.
Verse: 16    ὁ λόγος τοῦ Χριστοῦ ἐνοικείτω ἐν ὑμῖν πλουσίως, ἐν πάσῃ σοϕίᾳ διδάσκοντες καὶ νουϑετοῦντες ἑαυτοὺς ψαλμοῖς, ὕμνοις, ᾠδαῖς πνευματικαῖς ἐν χάριτι ᾄδοντες ἐν ταῖς καρδίαις ὑμῶν τῷ ϑεῷ·
Verse: 17    καὶ πᾶν ὅ τι ἐὰν ποιῆτε ἐν λόγῳ ἢ ἐν ἔργῳ, πάντα ἐν ὀνόματι κυρίου ᾽Ιησοῦ, εὐχαριστοῦντες τῷ ϑεῷ πατρὶ δι' αὐτοῦ.
Verse: 18    Αἱ γυναῖκες, ὑποτάσσεσϑε τοῖς ἀνδράσιν, ὡς ἀνῆκεν ἐν κυρίῳ.
Verse: 19    Οἱ ἄνδρες, ἀγαπᾶτε τὰς γυναῖκας καὶ μὴ πικραίνεσϑε πρὸς αὐτάς.
Verse: 20    Τὰ τέκνα, ὑπακούετε τοῖς γονεῦσιν κατὰ πάντα, τοῦτο γὰρ εὐάρεστόν ἐστιν ἐν κυρίῳ.
Verse: 21    Οἱ πατέρες, μὴ ἐρεϑίζετε τὰ τέκνα ὑμῶν, ἵνα μὴ ἀϑυμῶσιν.
Verse: 22    Οἱ δοῦλοι, ὑπακούετε κατὰ πάντα τοῖς κατὰ σάρκα κυρίοις, μὴ ἐν ὀϕϑαλμοδουλίᾳ ὡς ἀνϑρωπάρεσκοι, ἀλλ' ἐν ἁπλότητι καρδίας, ϕοβούμενοι τὸν κύριον.
Verse: 23    ὃ ἐὰν ποιῆτε, ἐκ ψυχῆς ἐργάζεσϑε, ὡς τῷ κυρίῳ καὶ οὐκ ἀνϑρώποις,
Verse: 24    εἰδότες ὅτι ἀπὸ κυρίου ἀπολήμψεσϑε τὴν ἀνταπόδοσιν τῆς κληρονομίας. τῷ κυρίῳ Χριστῷ δουλεύετε·
Verse: 25    ὁ γὰρ ἀδικῶν κομίσεται ὃ ἠδίκησεν, καὶ οὐκ ἔστιν προσωπολημψία.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.