TITUS
Novum Testamentum graece
Part No. 65
Previous part

Chapter: 21 
Verse: 1    ᾽Αναβλέψας δὲ εἶδεν τοὺς βάλλοντας εἰς τὸ γαζοϕυλάκιον τὰ δῶρα αὐτῶν πλουσίους.
Verse: 2    εἶδεν δέ τινα χήραν πενιχρὰν βάλλουσαν ἐκεῖ λεπτὰ δύο,
Verse: 3    καὶ εἶπεν, ᾽Αληϑῶς λέγω ὑμῖν ὅτι ἡ χήρα αὕτη ἡ πτωχὴ πλεῖον πάντων ἔβαλεν·
Verse: 4    πάντες γὰρ οὗτοι ἐκ τοῦ περισσεύοντος αὐτοῖς ἔβαλον εἰς τὰ δῶρα, αὕτη δὲ ἐκ τοῦ ὑστερήματος αὐτῆς πάντα τὸν βίον ὃν εἶχεν ἔβαλεν.
Verse: 5    Καί τινων λεγόντων περὶ τοῦ ἱεροῦ, ὅτι λίϑοις καλοῖς καὶ ἀναϑήμασιν κεκόσμηται, εἶπεν,
Verse: 6    Ταῦτα ἃ ϑεωρεῖτε, ἐλεύσονται ἡμέραι ἐν αἷς οὐκ ἀϕεϑήσεται λίϑος ἐπὶ λίϑῳ ὃς οὐ καταλυϑήσεται.
Verse: 7    ᾽Επηρώτησαν δὲ αὐτὸν λέγοντες, Διδάσκαλε, πότε οὖν ταῦτα ἔσται, καὶ τί τὸ σημεῖον ὅταν μέλλῃ ταῦτα γίνεσϑαι;
Verse: 8    ὁ δὲ εἶπεν, Βλέπετε μὴ πλανηϑῆτε· πολλοὶ γὰρ ἐλεύσονται ἐπὶ τῷ ὀνόματί μου λέγοντες, ᾽Εγώ εἰμι· καί, ῾Ο καιρὸς ἤγγικεν· μὴ πορευϑῆτε ὀπίσω αὐτῶν.
Verse: 9    ὅταν δὲ ἀκούσητε πολέμους καὶ ἀκαταστασίας, μὴ πτοηϑῆτε· δεῖ γὰρ ταῦτα γενέσϑαι πρῶτον, ἀλλ' οὐκ εὐϑέως τὸ τέλος.
Verse: 10    Τότε ἔλεγεν αὐτοῖς, ᾽Εγερϑήσεται ἔϑνος ἐπ' ἔϑνος καὶ βασιλεία ἐπὶ βασιλείαν,
Verse: 11    σεισμοί τε μεγάλοι καὶ κατὰ τόπους λιμοὶ καὶ λοιμοὶ ἔσονται, ϕόβητρά τε καὶ ἀπ' οὐρανοῦ σημεῖα μεγάλα ἔσται.
Verse: 12    πρὸ δὲ τούτων πάντων ἐπιβαλοῦσιν ἐϕ' ὑμᾶς τὰς χεῖρας αὐτῶν καὶ διώξουσιν, παραδιδόντες εἰς τὰς συναγωγὰς καὶ ϕυλακάς, ἀπαγομένους ἐπὶ βασιλεῖς καὶ ἡγεμόνας ἕνεκεν τοῦ ὀνόματός μου·
Verse: 13    ἀποβήσεται ὑμῖν εἰς μαρτύριον.
Verse: 14    ϑέτε οὖν ἐν ταῖς καρδίαις ὑμῶν μὴ προμελετᾶν ἀπολογηϑῆναι,
Verse: 15    ἐγὼ γὰρ δώσω ὑμῖν στόμα καὶ σοϕίαν ᾗ οὐ δυνήσονται ἀντιστῆναι ἢ ἀντειπεῖν ἅπαντες οἱ ἀντικείμενοι ὑμῖν.
Verse: 16    παραδοϑήσεσϑε δὲ καὶ ὑπὸ γονέων καὶ ἀδελϕῶν καὶ συγγενῶν καὶ ϕίλων, καὶ ϑανατώσουσιν ἐξ ὑμῶν,
Verse: 17    καὶ ἔσεσϑε μισούμενοι ὑπὸ πάντων διὰ τὸ ὄνομά μου.
Verse: 18    καὶ ϑρὶξ ἐκ τῆς κεϕαλῆς ὑμῶν οὐ μὴ ἀπόληται.
Verse: 19    ἐν τῇ ὑπομονῇ ὑμῶν κτήσασϑε τὰς ψυχὰς ὑμῶν.
Verse: 20    ῞Οταν δὲ ἴδητε κυκλουμένην ὑπὸ στρατοπέδων ᾽Ιερουσαλήμ, τότε γνῶτε ὅτι ἤγγικεν ἡ ἐρήμωσις αὐτῆς.
Verse: 21    τότε οἱ ἐν τῇ ᾽Ιουδαίᾳ ϕευγέτωσαν εἰς τὰ ὄρη, καὶ οἱ ἐν μέσῳ αὐτῆς ἐκχωρείτωσαν, καὶ οἱ ἐν ταῖς χώραις μὴ εἰσερχέσϑωσαν εἰς αὐτήν,
Verse: 22    ὅτι ἡμέραι ἐκδικήσεως αὗταί εἰσιν τοῦ πλησϑῆναι πάντα τὰ γεγραμμένα.
Verse: 23    οὐαὶ ταῖς ἐν γαστρὶ ἐχούσαις καὶ ταῖς ϑηλαζούσαις ἐν ἐκείναις ταῖς ἡμέραις· ἔσται γὰρ ἀνάγκη μεγάλη ἐπὶ τῆς γῆς καὶ ὀργὴ τῷ λαῷ τούτῳ,
Verse: 24    καὶ πεσοῦνται στόματι μαχαίρης καὶ αἰχμαλωτισϑήσονται εἰς τὰ ἔϑνη πάντα, καὶ ᾽Ιερουσαλὴμ ἔσται πατουμένη ὑπὸ ἐϑνῶν, ἄχρι οὗ πληρωϑῶσιν καιροὶ ἐϑνῶν.
Verse: 25    Καὶ ἔσονται σημεῖα ἐν ἡλίῳ καὶ σελήνῃ καὶ ἄστροις, καὶ ἐπὶ τῆς γῆς συνοχὴ ἐϑνῶν ἐν ἀπορίᾳ ἤχους ϑαλάσσης καὶ σάλου,
Verse: 26    ἀποψυχόντων ἀνϑρώπων ἀπὸ ϕόβου καὶ προσδοκίας τῶν ἐπερχομένων τῇ οἰκουμένῃ, αἱγὰρ δυνάμεις τῶν οὐρανῶνσαλευϑήσονται.
Verse: 27    καὶ τότε ὄψονται τὸν υἱὸν τοῦ ἀνϑρώπου ἐρχόμενον ἐν νεϕέλῃ μετὰ δυνάμεως καὶ δόξης πολλῆς.
Verse: 28    ἀρχομένων δὲ τούτων γίνεσϑαι ἀνακύψατε καὶ ἐπάρατε τὰς κεϕαλὰς ὑμῶν, διότι ἐγγίζει ἡ ἀπολύτρωσις ὑμῶν.
Verse: 29    Καὶ εἶπεν παραβολὴν αὐτοῖς· ῎Ιδετε τὴν συκῆν καὶ πάντα τὰ δένδρα·
Verse: 30    ὅταν προβάλωσιν ἤδη, βλέποντες ἀϕ' ἑαυτῶν γινώσκετε ὅτι ἤδη ἐγγὺς τὸ ϑέρος ἐστίν·
Verse: 31    οὕτως καὶ ὑμεῖς, ὅταν ἴδητε ταῦτα γινόμενα, γινώσκετε ὅτι ἐγγύς ἐστιν ἡ βασιλεία τοῦ ϑεοῦ.
Verse: 32    ἀμὴν λέγω ὑμῖν ὅτι οὐ μὴ παρέλϑῃ ἡ γενεὰ αὕτη ἕως ἂν πάντα γένηται.
Verse: 33    ὁ οὐρανὸς καὶ ἡ γῆ παρελεύσονται, οἱ δὲ λόγοι μου οὐ μὴ παρελεύσονται.
Verse: 34    Προσέχετε δὲ ἑαυτοῖς μήποτε βαρηϑῶσιν ὑμῶν αἱ καρδίαι ἐν κραιπάλῃ καὶ μέϑῃ καὶ μερίμναις βιωτικαῖς, καὶ ἐπιστῇ ἐϕ' ὑμᾶς αἰϕνίδιος ἡ ἡμέρα ἐκείνη·
Verse: 35    ὡς παγὶς γὰρ ἐπελεύσεται ἐπὶ πάντας τοὺς καϑημένους ἐπὶ πρόσωπον πάσης τῆς γῆς.
Verse: 36    ἀγρυπνεῖτε δὲ ἐν παντὶ καιρῷ δεόμενοι ἵνα κατισχύσητε ἐκϕυγεῖν ταῦτα πάντα τὰ μέλλοντα γίνεσϑαι, καὶ σταϑῆναι ἔμπροσϑεν τοῦ υἱοῦ τοῦ ἀνϑρώπου.
Verse: 37    ῏Ην δὲ τὰς ἡμέρας ἐν τῷ ἱερῷ διδάσκων, τὰς δὲ νύκτας ἐξερχόμενος ηὐλίζετο εἰς τὸ ὄρος τὸ καλούμενον ᾽Ελαιῶν·
Verse: 38    καὶ πᾶς ὁ λαὸς ὤρϑριζεν πρὸς αὐτὸν ἐν τῷ ἱερῷ ἀκούειν αὐτοῦ.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.