TITUS
Manichaean Reader (arr. by texts)
Part No. 27
Previous part

Text: ac  
Editor / Edition: Mir.Man.  
Item of Edition: iii  
The final salvation of the Light, and the return to Paradise
Manuscript: M_2_II   Link to mirmankb
M_2_II
Page of edition: 849 
Mir.Man.iii 849-853 [a] / Sel.Pap. 1, 276-280

pywhn ՚wd wyndyšn ՙyg wysp՚n šẖr՚n ncyhyd.
paywahan ud wendišn īg wispān šahrān nižēhēd.


Page of Manuscript: Ri  
Chapter: 1  
Paragraph: 1   Line of Manuscript: 2  
   ՚wṯ bg՚n rzmywz՚n wxybyẖ šhr ՚wṯ h՚mcyhrg, cyš՚n ՚ndr zmyg wzrg xrwšṯ ՚wṯ ՚wysṯ՚d, byd pṯ w՚c՚fryd ՚w nw՚g šhr ՚w՚γwn frn՚mynd ՚wṯ w՚ynd ՚wṯ ՚wwd nšylynd, cw՚γwn kd wd՚nm՚n՚n ky ՚d wxybyẖ wd՚n ՙsṯwr՚n ՚wṯ gr՚mg ՚c wy՚g ՚w wy՚g drzynd ՚wṯ ՚bdrzynd.
   ud baγān razmyōzān wxēbēh šahr ud hāmčihrag, čē-šān andar zamīg wuzurg xrōšt ud awistād*, bid pad wāžāfrīd ō nawāg šahr awāγōn franāmēnd ud wāyēnd ud ōδ nišēlēnd, čawāγōn kaδ wiδānmānān kē aδ wxēbēh wiδān istōrān ud grāmag až wyāg ō wyāg darzēnd ud abδarzēnd.

Page of edition: 850 
Chapter: 2  
Paragraph: 1   Line of Manuscript: 16  
   byc hw z՚wr rwšn ky ՚d t՚r ՚w՚gwn ՚myxsyd, kw byd ՚c hw wywd՚՚d ny bwyd, ՚b՚wš h՚mcyhrg ny ՚st;
   bēž hō zāwar rōšn kē aδ tār awāγōn āmixsēd, ku bid až hō wiwadād nē bawēd, abāw-iš hāmčihrag nē ast;
Paragraph: 2   Line of Manuscript: 21  
   hw wsn՚d cyš ՚c hs frwyn՚d kwm cy ՚fryd bwdn, ՚wš ՙyd r՚d h՚mcyhrg ny xrwšṯ.
   hō wasnāδ čiš až has frawēnād* ku-m če āfrīd būdan*, u-š ēd rāδ hāmčihrag nē xrōšt.

Chapter: 3  
Paragraph: 1   Line of Manuscript: 25  
   ՚wṯ hwyc cy ՚ndr zmbg pnz rwšn ՚w ՚whrmyzdbg pdwh՚d kwm՚n m՚ hyrz՚ẖ pṯ ṯ՚r hnd՚m, bycm՚n z՚wr ՚wd ՚dy՚wr frš՚w՚, ՚wṯ ՚whrmyzdbg ՚w hwyn pdystwd kwt՚n ny ՚nd՚s՚n pṯ ṯ՚r z՚wr՚n, ՚b՚w ny hw z՚wr ՚h՚z ky z՚n՚d kwm wsn՚d nwx ՚myxtn cy ՚d t՚r wzynd ՚wd gr՚nyfṯ ՚w՚γwn dyjw՚r pry՚byd kw ՚c t՚r fr՚mwxt ՚wd wywd՚d ny šh՚m.
   ud haw-iž če andar zambag *panǰ* rōšn ō ohrmezdbaγ padwahād* ku-mān mā hirzāh pad tār handām, bēž-mān zāwar ud aδyāwar frašāwā, ud ohrmezdbaγ ō hawīn padistūd ku-tān nē andāsān pad tār zāwarān, abāw nē hō zāwar ahāz kē zānād* ku-m wasnāδ nox āmixtan če aδ tār wizend ud garānīft awāγōn dižwār paryābēd ku až tār frāmōxt* ud wiwadād* nē šahām.
Page of Manuscript: Rii  
Paragraph: 2   Line of Manuscript: 3_(40)  
   byž hw z՚wr rwšn ՚h՚z ky z՚n՚d kwm ՚՚myγ ՚w՚γwn bwyd kw pṯ ՚dy՚wryft cy ՚whrmyzd bg ՚wd br՚dr՚n pw՚c՚d ՚wṯ bwxtn šh՚m.
   bēž hō zāwar rōšn ahāz kē zānād* ku-m āmēγ awāγōn bawēd ku pad aδyāwarīft če ohrmezd baγ ud brādarān pawāžād* ud bōxtan šahām.

Page of edition: 851 
Chapter: 4  
Paragraph: 1   Line of Manuscript: 10_(47)  
   ՚wš՚n ny hw wsn՚d pdwh՚d kw ՚gyš՚n ny pdwh՚d ՚hyndyẖ, ՚b՚wš՚n ՚whrmyzd bg ny hwfry՚d՚d ՚hyndy;
   u-šān nē hō wasnāδ padwahād* ku ag-ēšān nē padwahād* ahēndēh, abāw-šān ohrmezd baγ nē hufrayādād* ahēndē;
Paragraph: 2   Line of Manuscript: 15_(52)  
   bycyš՚n frh՚ hw pdwhn ...
   bēž-ēšān *frahā(h) hō padwahan ...
Paragraph: 3   Line of Manuscript: 16_(53)  
   ՚wd ՚whrmyzdbg frmnywg ՚wṯ *pdyst՚w ՚w՚γwn z՚wr ՚bγwd, cw՚γwn zmb՚gr՚n, kyš՚n pṯ ՚brnng wcn ՚wṯ zyrd pdmwxtn cy ՚dy՚wr՚n z՚wr *՚bγwyd.
   ud ohrmezdbaγ framanyūg ud *padistāw awāγōn zāwar aβγūd, čawāγōn zambāgarān, kē-šān pad abrang wažan ud zirδ padmuxtan* če aδyāwarān zāwar *abγawēd*.

Chapter: 5  
Paragraph: 1   Line of Manuscript: 23_(60)  
   ՚wd bg՚n wsn՚d hw rngs rwšn, ky ՚d t՚r wmyxt ՚wṯ wywd՚d ny šhyd ՚nd՚γyn ny bwynd, cyš՚n ՚nd՚γ ny wxyby.
   ud baγān wasnāδ hō rangas rōšn, kē aδ tār wimixt ud wiwadād* nē šahēd andāγēn nē bawēnd, čē-šān andāγ nē wxēbē.
Paragraph: 2   Line of Manuscript: 28_(65)  
   byc pṯ r՚myšn ՚wd š՚dyft cyš՚n ՚ž bwn wxybyy, pṯ hw wšmynynd;
   bēž pad rāmišn ud šādīft čē-šān až bun wxēbē, pad hō wišminēnd;
Paragraph: 3   Line of Manuscript: 31_(68)  
   ՚wṯ wsn՚d hw cyš՚n ՚w ՚hrmyn ՚d dwšmyny՚dyft nydrxṯ ՚wṯ bst.
   ud wasnāδ hō čē-šān ō ahremen aδ dušmenyādīft nidraxt ud bast.
Paragraph: 4   Line of Manuscript: 34_(71)  
   š՚n frh՚ hw rngs jm՚n š՚dyfṯ brhm ՚ž ՚ndr nγwsṯ, ՚wṯ ՚c byẖ pṯ zyngyn rzmγ՚hyg cyhrg ՚gs bwṯ ՚hynd.
   ušān *frahā(h) hō rangas žamān šādīft brahm až andar niγust, ud až bēh pad zēngēn razmγāhīg čihrag āgas būd ahēnd.

Page of Manuscript: Vi  
Chapter: 6  
Paragraph: 1   Line of Manuscript: 2_(76)  
   ՚wṯ pš, kdyš ՚ndr bnd ՚n՚by՚d bndynd, ՚wd wxd ՚ž ՚br pdyxš՚hynd, ՚b՚w wšmynynd, gšynd, ՚wṯ w՚rynd;
   ud paš, kad-iš andar band anaβyād bandēnd, ud wxad až abar padixšāhēnd, abāw wišminēnd, gašēnd, ud wārēnd;
Page of edition: 852 
Paragraph: 2   Line of Manuscript: 7_(81)  
   cyš՚n ms wzyndg՚r ny ՚st.
   čē-šān mas wizendgār nē ast.

Chapter: 7  
Paragraph: 1   Line of Manuscript: 9_(83)  
   ՚wṯ kd hrwyn rzmywz՚n rngs jm՚n ՚ndr nw՚g šhr ՚ngwd, ՚wd hwyc qmbyft cy zmygrwšn ՚wd qwf՚n, ՚c kw, nw՚g šhr dyštn r՚d, ՚՚bc՚r ՙzγryft bwṯ, ՚w wxybyẖ pdm՚n gd, ՚wṯ ՙsṯwmynyc yzd pṯ bšn՚n hynz՚wrystr ՚wyšṯ՚d, ՚wṯ bg՚n rzmγ՚hyg ՚d pnj rwšn ՚c xdm drwšṯ bwṯ, ՚b՚w ՚xyzynd hrwyn rdnyn, fryštg՚n ՚wd bγ՚n rzmywz՚n, ՚wd ՚wyšṯynd pṯ pdwhn ՚wd wyndyšn ՚w whyšt šhrd՚r:
   ud kaδ harwīn* razmyōzān rangas žamān andar nawāg šahr angūd, ud haw-iž kambīft če zamīg-rōšn ud kōfān, až ku, nawāg šahr dištan* rāδ, ābžār izγrift būd, ō wxēbēh padmān gad, ud istomēn-iž yazd pad bašnān henzāwarestar awištād*, ud baγān razmγāhīg aδ panǰ rōšn až xaδm druwišt būd, abāw āxēzēnd harwīn* *radanīn, frēštagān ud baγān razmyōzān, ud awištēnd pad padwahan ud wendišn ō wahišt šahrδār:
Paragraph: 2   Line of Manuscript: 26_(100)  
   nxwšṯ ՚whrmyzdbg ՚d ՙsṯwmyn yzd, ՚rd՚w՚n m՚d, fryhrwšn, nrysf yzd, b՚myzd, w՚d jywndg, yyšwՙzyw՚, qnygrwšn, ՚wd mnwhmyd wzrg.
   naxwišt ohrmezdbaγ aδ istomēn yazd, ardāwān mād, frihrōšn, narisaf yazd, bāmyazd, wād žīwandag, yišō-zīwā, kanīgrōšn, ud *manohmed wuzurg.

Chapter: 8  
Paragraph: 1   Line of Manuscript: 33_(107)  
   ՙymyn pydr՚n rwšn՚n ՚d wxybyẖ bγ՚n fryšṯg՚n ՚wṯ šhr՚n, hrwyn rysṯ pṯ ՙyw prm՚ng, pṯ ՙyw ՙsṯ՚wyšn, pṯ ՙyw wcn, pṯ ՙyw sxwn, ՚wṯ pṯ ՙyw ՚՚γ՚dg pdr՚zynd wxybyy wcn pṯ pdwhn ՚wd nmstyg ՚w hw rdn wzrg, srwš՚w, hsyng, bgr՚šṯygr, yzd՚n ՚brdwm ՚wṯ w՚cynd kw tw tw ՚yy pydr rwšn, bwdg hsyng ՚ž y՚wyd՚n, ՚wd ny ՚st wyg՚n ՚w tw šhrd՚ryft.
   imīn pidarān rōšnān aδ wxēbēh baγān frēštagān ud šahrān, harwīn* rist pad ēw parmānag, pad ēw istāwišn, pad ēw wažan, pad ēw saxwan, ud pad ēw āγāδag padrāzēnd wxēbē wažan pad padwahan ud nimastīg ō hō *radan wuzurg, srōšāw, hasēnag, baγrāštīgār, yazdān abardom ud wāžēnd ku tū tū *ay pidar rōšn, būdag hasēnag až yāwēdān, ud nē ast wigān ō tū šahrδārīft.
Page of edition: 853 
Paragraph: 2   Line of Manuscript: 13_(123)  
   ՚wṯ hwyc bzkr ky zՙwr ghr՚y՚d, ՚wš nbrd՚d ՚d tw wzrgyft, ՚b՚w gryft ՚wd bsṯ bwṯ pṯ dxmg ՙškyft, kw ms ny šhyd ՚c hw ՙzγdn.
   ud haw-iž bazakkar kē zūr gahrāyād, u-š nibardād aδ tū wuzurgīft, abāw grift ud bast būd pad daxmag iškift, ku mas nē šahēd až hō izγadan*.
Paragraph: 3   Line of Manuscript: 19_(130)  
   ՚wṯ zmygyc ky dwšmynyn ՚r՚m, ՚b՚wm՚n wryh՚d ՚wṯ ՚՚gnd, ՚wd bwnγ՚ẖ rwšn cy šhr nw՚g ՚ž ՚br dyšt.
   ud zamīg-iž kē dušmenīn* ārām, abāw-mān wirīhād ud āgand, ud bunγāh rōšn če šahr nawāg až abar dišt.
Paragraph: 4   Line of Manuscript: 23_(134)  
   ՚wṯ ms dwšmynwn ՚wṯ ՚mb՚γ ՚w tw ny ՚sṯ, byc y՚wyd՚n prywγ ṯw wxybyy.
   ud mas dušmenūn* ud ambāγ ō tū nē ast, bēž yāwēdān paryōγ tū wxēbē.
Paragraph: 5   Line of Manuscript: 27_(138)  
   ՚w՚s ՚՚wrṯ ՚wṯ kr ՚xšd pṯ ՚m՚ẖ:
   awās awar-t ud kar axšaδ pad amāh:
Paragraph: 6   Line of Manuscript: 29_(140)  
   ՚bγwnd wxybyẖ p՚dgyrb nys՚gyn, hrwyn dydn zbynysṯr, ՚w ՚m՚ ky pdbws՚m, kw ՚rws՚m pṯ hw, š՚d ՚wt wšmyd bw՚m;
   abγund wxēbēh pādgirb nisāgēn, harwīn* dīdan zabēnestar, ō amā(h) kē padβōsām, ku ārwisām pad hō, šād ud wišmid bawām;
Paragraph: 7   Line of Manuscript: 34_(145)  
   hw wsn՚d cy ՚c drγ jm՚n ՚w hw pdbwswr ՙšt՚m.
   hō wasnāδ če až darγ žamān ō hō padβōswar ištām.

Chapter: 9  
Paragraph: 1   Line of Manuscript: 37_(148)  
   ՚dy՚n whyšt šhrd՚r ...
   adyān wahišt šahrδār ...






Next part


This text is part of the TITUS edition of Manichaean Reader (arr. by texts).

Copyright TITUS Project, Frankfurt a/M, 7.11.2009. No parts of this document may be republished in any form without prior permission by the copyright holder.