TITUS
Manichaean Reader (arr. by texts)
Part No. 57
Previous part

Text: bg  
Editor / Edition: Mir.Man.  
Hymns to the Third Messenger
Item of Edition: iii  
Manuscript: M_67   Link to mirmankb
M_67 Rii 12 ff.
Page of edition: 888 
Mir.Man.iii, 888-890 [o] / Sel.Pap. 1, 315-137
Page of Manuscript: Rii  

nrysfyzdyg b՚š՚h՚n.
narisafyazdīg bāšāhān.


Chapter: 1  
Paragraph: 1   Line of Manuscript: 27_(1)  
   ՚wn bg r՚št ՚wd myhrb՚n, frwyng yzd, ՚w mn hwfry՚d՚, ՚wm wxd dstd՚r bw՚ẖ.
   ōn baγ rāšt ud mihrbān, frawēnag yazd, ō man hufrayādā, u-m wxad dastδār bawāh.
Paragraph: 2   Line of Manuscript: 31_(5)  
   -- ՚fryd ՚yy, rwšn՚gr myhr yzd, rwšn wzrg. --
   -- āfrīd *ay, rōšnāgar mihr yazd, rōšn wuzurg. --
Page of Manuscript: Vi  
Paragraph: 3   Line of Manuscript: 1_(7)  
   b՚m ՚yy ՚wd nys՚gyft cy hft qyšfr zmbwdyg, rwšnyft tw t՚byd pṯ hrw šhr ՚wṯ p՚dgws.
   bām *ay ud nisāgīft če haft kišfar zambūdīg, rōšnīft tū tābēd pad harw šahr ud pādgōs.
Paragraph: 4   Line of Manuscript: 6_(12)  
   gy՚nyn cmg cy tw tyrgystr ՚c prm՚ng, rgystr ՚c w՚d wzyd, nydfwrdystr ՚c šb pd š՚m.
   gyānēn čamag če tū tirγestar až parmānag, raγēstar až wād wazēd, niδfurdestar až šab pad šām.
Page of edition: 889 
Paragraph: 5   Line of Manuscript: 11_(17)  
   dydyšn tw nys՚՚g, b՚myn *՚dy՚n ՙspyd nyš՚n, bwrzw՚r tw drfš hwcyhr, ky hxsynd hrw bwxtg՚n.
   dīdišn tū nisāg, bāmēn *adyān ispēd nišān, burzwār tū drafš hužihr, kē haxsēnd harw bōxtagān.

Chapter: 2  
Paragraph: 1   Line of Manuscript: 16_(22)  
   hft qyšfr hmg zmbwdyg wyr՚št ՚w rzwr cmg, hwr՚s՚n, hwrnyfr՚n ՚b՚xtr ՚wṯ nymrwc.
   haft kišfar hamag zambūdīg wirāšt ō razwar čamag, hwarāsān, hwarnifrān abāxtar ud nēmrōž.
Paragraph: 2   Line of Manuscript: 20_(26)  
   wyš՚d dw՚dys br՚n ՚c ՚br pṯ ՚sm՚n, cy dw dw by՚syb, hry hry pdyc ՙyw ՙyw šhr.
   wišād dwāδes barān až abar pad āsmān, če dō dō ??, hrē hrē padīž ēw ēw šahr.
Paragraph: 3   Line of Manuscript: 25_(31)  
   zwnws ryst bxtg pṯ dw՚dys kws ՚wd zmyg, wxybyy mrz ՚wd wymnd, ՚nw՚y rwšn՚gr cmg.
   zōnos rist baxtag pad dwāδes kōs ud zamīg, wxēbē marz ud wimand, anwāy rōšnāgar čamag.
Paragraph: 4   Line of Manuscript: 29_(35)  
   jyr n՚w՚z ՚c ՚br cmyd pṯ hwyn šwẖ ՚st՚ng, t՚byd rwšn ՚w zmyg pṯ hwyn dw՚dys *br՚n.
   žīr nāwāz až abar čamēd pad hawīn šoh āstānag, tābēd rōšn ō zamīg pad hawīn dwāδes barān.
Page of Manuscript: Vii  
Paragraph: 5   Line of Manuscript: 3_(41)  
   hrysd ՚wd ššt m՚nyst՚n ՚w ՙyw ՚՚rg ՚d br, hrysd ՚wṯ ššt m՚nyst՚n ՚w bdyg ՚՚rg ՚d br.
   hrēsad ud šašt mānestān ō ēw ārag aδ bar, hrēsad ud šašt mānestān ō bidīg ārag aδ bar.
Paragraph: 6   Line of Manuscript: 8_(46)  
   ṯcr ṯcr ps՚c՚d pṯ hwyn hryst r՚štwzn, dw՚dys cmn ՚wṯ pnd՚n r՚št ՚wd *qwhyg.
   tažar tažar pasāzād* pad hawīn *hrist rāštwazan, dwāδes *čaman ud pandān rāšt ud *kōhīg.
Paragraph: 7   Line of Manuscript: 12_(50)  
   ywd ywd bwd pyd՚g qryšn, wymnd *mrz *zmyg ՚st՚ng br *r՚štwzn cmn ՚wṯ m՚nyst՚n.
   yud yud būd paydāg karišn, wimand *marz *zamīg āstānag bar *rāštwazan *čaman ud mānestān.

Chapter: 3  
Paragraph: 1   Line of Manuscript: 16_(54)  
   kd nxwšt t՚b՚d rwšn՚gr, ՚c ՚b՚xtr bwṯ hw cmg, cy hwyc mrdwhm hsyng ՚c ՚wwd ՚gd ՚w rzmg՚ẖ.
   kaδ naxwišt tābād rōšnāgar, až abāxtar būd hō čamag, če haw-iž mardōhm hasēnag až ōδ āγad ō razmγāh.
Page of edition: 890 
Paragraph: 2   Line of Manuscript: 21_(59)  
   lwgšhr kw wxd ՙštyd, šwẖ jm՚n ՚wwd bwyd, hry pš ՚wṯ hry prw՚n, kw rwc dwfrg ՚wwd bw՚h.
   lōgšahr ku wxad ištēd, šoh žamān ōδ bawēd, hrē paš ud hrē parwān, ku rōz *dōfrag ōδ bawāh.
Paragraph: 3   Line of Manuscript: 26_(64)  
   m... cyd cmyd ՚ž ՚b՚xtr ՚w hwr՚s՚n, ՚c hwr՚s՚n ՚w nymrwc, ՚wṯ ՚c nymrwc ՚w hwrnyfr՚n.
   m.. čīd čamēd až abāxtar ō hwarāsān, až hwarāsān ō nēmrōž, ud až nēmrōž ō hwarnifrān.
Paragraph: 4   Line of Manuscript: 31_(69)  
   nydfwrd pṯ ՚brnng cmyd ...
   niδfurd pad abrang čamēd ...





Next part


This text is part of the TITUS edition of Manichaean Reader (arr. by texts).

Copyright TITUS Project, Frankfurt a/M, 7.11.2009. No parts of this document may be republished in any form without prior permission by the copyright holder.