TITUS Texts: Manichaean Reader (arr. by texts)

TITUS
Manichaean Reader (arr. by texts)
Part No. 84

Previous part

Text: ce
Editor / Edition: Mir.Man.
Hymns in Honour of Mani and Individual Church-Leaders
Item of Edition: iii
A memorial hymn for Mani
Manuscript: M_5

Link to mirmankb

M_5

Mir .Man .iii, 862-865 [d] / Sel .Pap. 1, 290-292

prnybr՚nyg b՚š՚ẖ.
parniβrānīg bāšāh.

Page of Manuscript: Ri
Chapter: 1
Paragraph: 1   Line of Manuscript: 6
   cy wz՚d ... mycrym p՚dgws.
   če wizād ... mičrēm pādgōs.
Paragraph: 2   Line of Manuscript: 8
   l՚lmyn kyrdg՚r ՚wyšt՚d pd wyndyšn, pdwh՚d ՚w pydr pd ՚frywn, kwm zmyq nmwšt ՚wm kyšf՚n pr՚gnd ՚wm b՚r jywhryn prw՚n tw s՚n՚d.
   lālmīn kirdagār awištād* pad wendišn, padwahād* ō pidar pad āfrīwan, ku-m zamīg nimušt u-m kišfān parāgand u-m bār žiwahrēn parwān tū sānād*.
Paragraph: 3   Line of Manuscript: 17
   mn dyšt ՚pdn ՚wd m՚nysṯ՚՚n hw՚rmyn ՚w tw՚n mnwhmyd. ՚wd w՚d wjydg kyštwm bwdyst՚n, ՙsprhmc՚r hwzrgwn, ՚wm pwsg wyšmn՚g pdyc tw j՚m՚d.
   man dišt *appaδan ud mānestān huāramēn ō *tawān manohmed. ud wād wižīdag kišt-om bōδestān, isprahmžār huzarγōn, u-m pusag wišmināg padīž tū žāmād*.
Paragraph: 4   Line of Manuscript: 28
   nys՚gyn drxt՚n mn kyrd b՚rwr, ՚wm r՚ẖ ՚bdyšt ՚w bwrzw՚r z՚dg՚n. hnjfṯwm ՙspwr tw frm՚n kyrbg, cy ẖw wsn՚d fršwd hym ՚w ՙym lwg.
   nisāgēn draxtān man kird bārwar, u-m rāh aβδišt ō burzwār zādagān. hanjaft-om ispurr tū framān kirbag, če hō wasnāδ frašūd hēm ō im lōg.
Page of Manuscript: Rii
Paragraph: 5   Line of Manuscript: 7_(37)
   s՚n՚ẖ ՚w mn ՚w mwxšyyg ՚ngwn, kw ny wyn՚n dwšmnyn p՚dgyrb, ms ny ՙšnw՚n hwyn wcn syzdyyn. ՙymwm y՚wr dh՚ẖ pwsg wzrg prywj՚՚n.
   sānāh ō man ō mōxšīg angōn, ku nē wēnān dušmanīn* pādgirb, mas nē išnawān hawīn wažan sēzdēn. im-om yāwar dahāh pusag wuzurg paryōžān.

Chapter: 2
Paragraph: 1   Line of Manuscript: 17_(47)
   ՙzgwl՚d pdwhn bgr՚štygr, ՚wš fršwd fryštg՚n ՚wd d՚hw՚՚n wzrg՚n, kw dh՚ẖ ՚bdys ՚w wxybyy wjydgyfṯ, ՚wd tw ՚wr ՚br sn՚ẖ ՚w ՚r՚m ՚nwšg.
   izγōlād* padwahan baγrāštīgār, u-š frašūd frēštagān ud dāhwān wuzurgān, ku dahāh aβδēs ō wxēbē wižīdagīft, ud tū awar abar sanāh ō ārām anōšag.

Page of edition: 864
Chapter: 3
Paragraph: 1   Line of Manuscript: 27_(57)
   pd sxt cwhrm m՚ẖ šhryywr, pd dwšmbt ՚wd jm՚n ՙywnds, kd hmyw ՙyšt՚d pd ՚frywn, fr՚mwxtyyš tnb՚r pdmwcn ՚bdyn.
   pad saxt čuhrom māh šahrewar, pad dōšambat ud žamān ēwandas, kaδ hamēw ištād pad āfrīwan, frāmōxt-iš tanbār padmōžan aβδēn.
Page of Manuscript: Vi
Paragraph: 2   Line of Manuscript: 5_(65)
   cw՚gwn kd wrwc tgnbnd wyt՚b՚d, rwšnysṯr ՚c myhryzd rwšnyfṯ wybr՚z՚d wrdywn, ՚wd fryštg՚՚n wy՚wrd, ՚wš՚n drwd d՚d ՚w yzd r՚štygr.
   čawāγōn kaδ wirōž tagniband witābād*, rōšnestar až mihryazd rōšnīft wiβrāzād wardyūn, ud frēštagān wyāwurd, u-šān drōd dād ō yazd rāštīgar.
Paragraph: 3   Line of Manuscript: 14_(74)
   qdg ՚sm՚ng ՚mbst ՚w byẖ ՚rg, zmyg wlrz՚d, wcn wzrg ՚xšy՚d, ՚wd mrdwhm՚n ky ՙym nyš՚n dyd whyrd ՚hynd ՚wd kfṯ ՚br dym.
   kadag āsmānag ambast ō bēh ārag, zamīg wilarzād, wažan wuzurg āxšyād*, ud mardōhmān* kē im nišān dīd *wihird ahēnd ud kaft abar dēm.
Paragraph: 4   Line of Manuscript: 24_(84)
   rwc ՚st drdyn ՚wd jm՚n z՚ryẖ, kd prnybr՚d fryštg rwšn. hyštyš ymg՚n ky dyn p՚ynd, ՚wš kyrd pd drwd hmg rm kl՚n.
   rōz ast dardēn ud žamān zārīh, kaδ parniβrād frēštag rōšn. hišt-iš yamagān kē dēn pāyēnd, u-š kird pad drōd hamag ram kalān.

Page of Manuscript: Vii
Chapter: 4
Paragraph: 1   Line of Manuscript: 1_(91)
   šhrd՚r ՚rg՚w wxybyy pdyst hnj՚m՚d, cyš w՚xt ՚w ՚m՚ẖ, kw ՙšm՚ẖ wsn՚d prxyz՚n ՚c ՚br, pd wrdywn ՚byn, ՚wt՚n ẖrw jm՚n ՚dy՚wryfṯ frš՚w՚n.
   šahrδār arγāw wxēbē padist hanǰāmād*, čiš wāxt ō amā(h), ku išmāh wasnāδ parxēzān až abar, pad wardyūn ābēn, u-tān harw žamān aδyāwarīft frašāwān.
Page of edition: 865
Paragraph: 2   Line of Manuscript: 11_(101)
   tšyy wnwẖ bwṯ ՙspwr sd ՚wd ds s՚r՚n cy sd ՚yy ṯw, bg՚, ՚w ՚njmn r՚myšn. ՚w՚s gd jm՚՚n kw ՚rd՚wyfṯ whynj՚ẖ, ՚wd ՙym g՚ẖ wxybyy ՚brdr pdr՚z՚ẖ.
   čē winōh būd ispurr sad ud das sārān če sad *ay tū, baγ-ā, ō anǰaman rāmišn. awās gad žamān ku ardāwīft wihenjāh, ud im gāh wxēbē abardar padrāzāh.
Paragraph: 3   Line of Manuscript: 23_(113)
   nyw ՙškyb՚m, šwb՚n՚n r՚št՚n, wjydg՚n ՚mwsṯ՚n ՚wd ngwš՚g՚՚n. ՚by՚d d՚r՚m yzd՚n ՚ndrz ...
   nēw iškēbām, šubānān rāštān, wižīdagān amwastān ud niγōšāgān. aβyād dārām yazdān andarz ...

Next part

This text is part of the TITUS edition of Manichaean Reader (arr. by texts).

Copyright TITUS Project, Frankfurt a/M, 7.11.2009. No parts of this document may be republished in any form without prior permission by the copyright holder.