TITUS
Biblia Mcxetica
Part No. 629
Previous part

Chapter: 102 
ფსალმუნი დავითისი


Verse: 1  Link to psa Link to sept   აკურთხევს სული ჩემი უფალსა და ყოველი გონებაჲ ჩემი - სახელსა წმიდასა მისსა.

Verse: 2  Link to psa Link to sept   აკურთხევს სული ჩემი უფალსა, და ნუ დაივიწყებ ყოველსა მოცემულსა მისსა,

Verse: 3  Link to psa Link to sept   რომელმან გილხინა შენ ყოველთა უსჯულოებათა შენთაგან, რომელმან განკურნნა ყოველნი სნეულებანი შენნი;

Verse: 4  Link to psa Link to sept   რომელმან იჴსნა განხრწნისაგან ცხორებაჲ შენი და გჳრგჳნოსან-გყო შენ წყალობითა და შეწყნარებითა;

Verse: 5  Link to psa Link to sept   რომელმან აღავსო კეთილთა მიერ გულისთქმა შენი; განახლდეს, ვითარცა ორბისა, სიჭაბუკე შენი.

Verse: 6  Link to psa Link to sept   ყუნის წყალობანი უფალმან და სამართალი ყოველთათჳს დაწუნებულთა.

Verse: 7  Link to psa Link to sept   აუწყნა გზანი მისნი მოსეს და ძეთა ისრაჱლისათა - ნებანი მისნი.

Verse: 8  Link to psa Link to sept   შემწყნარებელ და მოწყალე არს უფალი, სულგრძელ და დიდად მოწყალე.

Verse: 9  Link to psa Link to sept   არა სრულიად განრისხნეს, არცა უკუნისამდე ძჳრი იჴსენოს;

Verse: 10  Link to psa Link to sept   არა ცოდვათა ჩუენთაებრ მიყო ჩუენ, არცა უსჯულოებათა ჩუენთაებრ მომაგო ჩუენ.

Verse: 11  Link to psa Link to sept   რამეთუ რავდენ მაღალ არიან ცანი ქუეყანისაგან, განაძლიერა უფალმან წყალობაჲ მისი მოშიშთა მისთა ზედა;

Verse: 12  Link to psa Link to sept   რაოდენ განშორებულ არიან აღმოსავალნი დასავალსა, განმაშორნა ჩუენგან უსჯულოებანი ჩუენნი.

Verse: 13  Link to psa Link to sept   ვითარცა სწყალობს მამაჲ შვილთა, შეიწყალნა უფალმან მოშიშნი მისნი.

Verse: 14  Link to psa Link to sept   რამეთუ მან უწყის დაბადებაჲ ჩუენი; მოიჴსენა, რამეთუ მიწანი ვართ.

Verse: 15  Link to psa Link to sept   კაცი, ვითარცა თივა, არიან დღენი მისნი; ვითარცა ყუავილი ველისა, ეგრეთ აღყუავდეს;

Verse: 16  Link to psa Link to sept   რამეთუ განვლო სულმან მის შორის, და არღარა იყოს, და არცა იცნას ადგილი მისი.

Verse: 17  Link to psa Link to sept   ხოლო წყალობაჲ უფლისაჲ საუკუნითგან და ვიდრე უკუნისამდე მოშიშთა მისთა ზედა, და სიმართლე მისი - შვილითი შვილადმდე,

Verse: 18  Link to psa Link to sept   რომელთა დაიმარხიან აღთქმა მისი და მოიჴსენიან მცნებანი მისნი და ყვნიან იგინი.

Verse: 19  Link to psa Link to sept   უფალმან ზეცას განჰმზადა საყდარი მისი, და სუფევა მისი ყოველთა ზედა ეუფლების.

Verse: 20  Link to psa Link to sept   აკურთხევდით უფალსა ყოველნი ანგელოზნი მისნი, ძლიერნი ძალითა, რომელნი ჰყოფენ სიტყუასა მისსა, სმენად ჴმაჲ სიტყუათა მისთა.

Verse: 21  Link to psa Link to sept   აკურთხევდით უფალსა ყოველნი ძალნი მისნი, მსახურნი მისნი, რომელნი ჰყოფენ სიტყუასა მისსა.

Verse: 22  Link to psa Link to sept   აკურთხევდით უფალსა ყოველნი ქმნილნი მისნი ყოველსა ადგილსა უფლებისა მისისასა; აკურთხევს სული ჩემი უფალსა. დიდება



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.