TITUS
Biblia Mcxetica
Part No. 528
Previous part

Chapter: 2 
ფსალმუნი დავითისი


Verse: 1  Link to psa Link to sept   რად აღიძრნეს წარმართნი და ერმან იზრახა ცუდი?

Verse: 2  Link to psa Link to sept   
შეითქუნეს მეფენი ქუეყანისანი და მთავარნი შეკრბეს ერთად უფლისათჳს და ცხებულისა მისისათჳს.

Verse: 3  Link to psa Link to sept   
განვხეთქნეთ აპაურნი მათნი და განვაგდოთ ჩუენგან უღელი მათი.

Verse: 4  Link to psa Link to sept   
რომელი დამკჳდრებულ არს ცათა შინა, ეცინოდის მათ და უფალმან შეურაცხ-ყუნეს იგინი

Verse: 5  Link to psa Link to sept   
მაშინ იტყოდის მათდა მიმართ რისხვითა მისითა და გულისწყრომითა მისითა შეაძრწუნნეს იგინი.

Verse: 6  Link to psa Link to sept   
ხოლო მე დავდეგ მეუფედ მის მიერ ზედა სიონსა, მთასა წმიდასა მისსა

Verse: 7  Link to psa Link to sept   
თხრობად ბრძანებასა უფლისასა. უფალმან მრქუა მე: ძე ჩემი ხარი შენ, და დღეს მიშობიე შენ.

Verse: 8  Link to psa Link to sept   
ითხოენ ჩემგან და მიგცნე შენ წარმართნი სამკჳდრებელად შენდა და დაპყრობად შენდა კიდენი ქუეყანისანი.

Verse: 9  Link to psa Link to sept   
ჰმწყსნე იგინი კუერთხითა რკინისათა და ვითარცა ჭურნი მეკეცეთანი შეჰმუსრნე იგინი.

Verse: 10  Link to psa Link to sept   
და აწ, მეფენო, გულისჴმა-ყავთ და განისწავლენით ყოველნი მსაჯულნი ქუეყანისანი

Verse: 11  Link to psa Link to sept   
ჰმონეთ ნფალსა შიშით და უგალობდით მას ძრწოლით.

Verse: 12  Link to psa Link to sept   
მიიღეთ სწავლა, ნუუკუე განრისხნეს უფალი და წარსწყმდეთ თქუენ გზისა მისგან მართლისა,

Verse: 13  Link to sept   
რაჟამს აღატყდეს მყის გულისწყრომა მისი. ნეტარ არიან ყოველნი რომელნი ესვენ მას.

Next part



This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.