TITUS
Vetus Testamentum iberice: codd. Oshki & Jerusalem
Part No. 40
Previous part

Book: Ex. 
Exodus

Ⴜიგნი მეორე Ⴂამოსლვათაჲ


On the basis of the edition
C̣ignni ʒowelisa aġtkowmisani
978 c̣lis xelnac̣eris mixedvit,
. I, naḳv. 1:
Dabadebisay. Gamoslvatay,
gamosca A. Šaniʒem,
Tbilisi 1947
(Ʒveli kartuli enis ʒeglebi, 4)




Chapter: 1 
Verse: 1  Link to exakLink to mcatLink to sept   Page of ms. O: 71r  ესე სახელები არს ძეთა ისრაჱლისათაჲ, რომელნი შესრულ იყვნეს ეგჳპტედ იაკობის თანა, მამისა მათისა, კაცად კაცადი ყოვლითურთ სახლით მათით შევიდეს:

Verse: 2   Link to exakLink to mcatLink to sept   
რუბენ, სჳმეონ, ლევი, იუდა,

Verse: 3   Link to exakLink to mcatLink to sept   
იზაქარ, ზაბილონ და ბენიამენ,

Verse: 4   Link to exakLink to mcatLink to sept   
დან და ნეფთალემ, გად და ასერ.

Verse: 5   Link to exakLink to mcatLink to sept   
ხოლო იოსებ იყოვე მუნ. იყო ყოველი სული იაკობისი სამეოც და ათხუთმეტ.

Verse: 6   Link to exakLink to mcatLink to sept   
აღესრულა იოსებ და ყოველნი ძმანი მისნი და ყოველივე იგი ნათესავი.

Verse: 7   Link to exakLink to mcatLink to sept   
ხოლო ძენი ისრაჱლისანი აღორძნდეს და განმრავლდეს და ამრღუე იქმნნეს და განძლიერდებოდეს დიდად ფრიად, რამეთუ განამრავლებდა მათ ქუეყანაჲ იგი.

Verse: 8   Link to exakLink to mcatLink to sept   
აღდგა სხუაჲ მეფჱ ეგჳპტეს შინა, რომელმან იცოდავე არა იოსები,

Verse: 9   Link to exakLink to mcatLink to sept   
და ჰრქუა ნათესავსა თჳსსა: აჰა-ესერა ნათესავი ესე ძეთა ისრაჱლისათაჲ დიდი სიმრავლჱ არს უფროჲს ჩუენსა.

Verse: 10   Link to exakLink to mcatLink to sept   
მოვედით და დავიმორჩილნეთ იგინი, ნუუკუე განმრავლდენ და, ოდეს თუ სადამე შეგუემთხჳოს ჩუენ ბრძოლაჲ. შეერთნენ იგინი მტერთა ჩუენთა და გუბრძოდიან ჩუენ და ეგრჱთ განვიდენ ქუეყანით.

Verse: 11   Link to exakLink to mcatLink to sept   
და დაადგინნა მათ ზედა ზედამდგომელნი საქმისანი, რაჲთა ძჳრსა შეამთხუევდენ მათ საქმითა და უშჱნნენ Page of ms. O: 71v  ქალაქნი ძლიერნი ფარაოს: პითონი და ჰრამესე, ორი, რომელ არს მზის ქალაქი.

Verse: 12   Link to exakLink to mcatLink to sept   
და რავდენ იგინი დაამდაგლებდეს, ეგოდენ ესები უფროჲს განძლიერდებოდეს დიდად ფრიად, და საძაგელ იყვნეს ეგჳპტელნი ძეთაგან ისრაჱლისათა.

Verse: 13   Link to exakLink to mcatLink to sept   
... ძლით.

Verse: 14   Link to exakLink to mcatLink to sept   
და აჭირებდეს სალმობით ცხორებასა მას მათსა საქმითა მით ფიცხლითა, თიჴითა და ალიზითა და ყოვლითავე საქმითა ველისაჲთა, ყოველსავე საქმესა, რომლითა დაიმორჩილებდეს მათ სასტიკად.

Verse: 15   Link to exakLink to mcatLink to sept   
ჰრქუა მეფემან ეგჳპტისამან ყრმის ამქუმელთა მათ ებრაელთასა, რომელთა სახელი ერქუა ერთსა სეფორა და ერთსა ფოა,

Verse: 16   Link to exakLink to mcatLink to sept   
და ჰრქუა: ოდეს შეხჳდეთ შვინებად ებრაელთა მათ და შობასა იყვნენ, უკუეთუ წული იყოს, მოჰკლით იგი, და უკუეთუ ქალი იყოს, განარინეთ იგი.

Verse: 17   Link to exakLink to mcatLink to sept   
და შეეშინა ყრმის ამქუმელთა მათ ღმრთისა და არა ყვეს, ვითარ-იგი უბრძანა მათ მეფემან მან ეგჳპტელთამან ყრმის ამქუმელთა მათ...

Verse: 18   Link to exakLink to mcatLink to sept   
...და ჰრქუა მათ: რაჲსათჳს ჰყავთ ესე საქმჱ და აცხოვნებთ წულსა?

Verse: 19   Link to exakLink to mcatLink to sept   
ჰრქუეს ყრმის ამქუმელთა მათ ფარაოს: არა ვითარცა დედანი ეგჳპტელთანი არიან დედანი ებრაელთანი, რამეთუ შვიან ვიდრე შესლვადმდე Page of ms. O: 72r  ყრმის აღმქუმელთა და მაშინღა შემიწოდიან ჩუენ.

Verse: 20   Link to exakLink to mcatLink to sept   
და კეთილსა უყოფდა ღმერთი ყრმის აღმქუმელთა მათ და განმრავლდა ერი იგი და განძლიერდებოდეს ფრიად,

Verse: 21   Link to exakLink to mcatLink to sept   
რამეთუ ეშინოდა ყრმის აღმქუმელთა მათ ღმრთისა. იშჱნეს თავისა თჳსისა სახლებ.

Verse: 22   Link to exakLink to mcatLink to sept   
და უბრძანა ფარაო ყოველსა ერსა თჳსსა და ჰრქუა: ყოველი წული რომელი შვენ ებრაელთა, მდინარესა შთასთხევდით და ყოველსა ქალსა აცხოვნებდით.

Next part



This text is part of the TITUS edition of Vetus Testamentum iberice: codd. Oshki & Jerusalem.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.