TITUS
Vetus Testamentum iberice: codd. Oshki & Jerusalem
Part No. 54
Previous part

Chapter: 16  
Verse: 22   Link to exakLink to mcatLink to sept   Page of ms. O: 93r  ... იგი საზრდელად ორი წილი, მრჩობლი საწყაული ერთმან. და შევიდეს ყოველნი მთავარნი კრებულისანი და უთხრეს მოსეს.

Verse: 23   Link to exakLink to mcatLink to sept   ხოლო მოსე ჰრქუა მათ: ესე სიტყუაჲ იგი არს, რომელსა იტყოდა უფალი: შაბათი განსუენებისაჲ არს უფლისაჲ წმიდაჲ ხვალე. რავდენი-რაჲ შეაცხოთ, შეაცხვეთ და რავდენი-რაჲ შეაგბოთ, შეაგბეთ; და ყოველივე ნეშტი დაუტევეთ საუნჯეთა თქუენთა განთიადმდე

Verse: 24   Link to exakLink to mcatLink to sept   და დაუტევეს მისგანი ხვალისამდე, ვითარცა-იგი ამცნო მათ მოსე. და არა დაყროლდა და არცა მატლი დაესხა მას.

Verse: 25   Link to exakLink to mcatLink to sept   ჰრქუა მათ მოსე: ჭამეთ დღეს, რამეთუ შაბათი არს უფლისაჲ, არა ჰპოოთ ველსა ზედა.

Verse: 26   Link to exakLink to mcatLink to sept   ექუს დღე შეკრიბეთ და მეშჳდე იგი დღჱ შაბათი არს, არა იყოს მას დღესა შინა.

Verse: 27   Link to exakLink to mcatLink to sept   იყო დღესა მას მეშჳდეს[ა] გან-ვინმე-ვიდეს ერისა მისგანნი შეკრებად და არა პოვეს.

Verse: 28   Link to exakLink to mcatLink to sept   ჰრქუა უფალმან მოსეს, ვიდრემდე არა ჰნებავს სმენად ბრძანებათა ჩემთა და შჯულისა ჩემისა?

Verse: 29   Link to exakLink to mcatLink to sept   იხილეთ, რამეთუ უფალმან მოგცა თქუენ დღჱ ესე შაბათი. ამისთჳს თავადმან მოგცა თქუენ დღესა ამას პური ორისა დღისაჲ. დასხედით კაცად-კაცადი სახლთა შინა თქუენთა. ნუვინ განვალნ დღესა მას მეშჳდესა.

Verse: 30   Link to exakLink to mcatLink to sept   და შაბათობდა ერი იგი დღესა მას მეშჳდესა.

Verse: 31   Link to exakLink to mcatLink to sept   და დასდვეს სახელი მისი ძეთა ისრაჱლისათა მანანაჲ და იყო იგი ვითარცა თესლი ქინძისა[ჲ] სპეტაკ, ხოლო გემოჲ მისი ვითარცა თაფლისაჲ.

Verse: 32   Link to exakLink to mcatLink to sept   თქუა მოსე: ესე სიტყუაჲ ბრძანა Page of ms. O: 93v  უფალმან: აღავსეთ საწყაული მანანაჲთა საუნჯესა დასამარხველად ნათესავთამდე თქუენთა, რაჲთა იცოდიან პური, რომელსა შჭამდით თქუენ უდაბნოსა ზედა, რაჟამს გამოგიყვანნა თქუენ უფალმან ქუეყანით ეგჳპტით.

Verse: 33   Link to exakLink to mcatLink to sept   [ჰ]რქუა მოსე აჰრონს: მოიღე ტაკუკი ერთი ოქროჲსაჲ და შთაასხ მას სავსებით საწყაული მანანაჲ და დასდგა იგი წინაშე უფლისა დასამარხველად ნათესავთა თქუენთა,

Verse: 34   Link to exakLink to mcatLink to sept   ვითარცა უბრძანა უფალმან მოსეს. და დადგა იგი აჰრონ წინაშე უფლისა საწამებელად და დასამარხველად.

Verse: 35   Link to exakLink to mcatLink to sept   ხოლო ძენი ისრაჱლისანი ჭამდეს მანანასა მას ორმეოც წელ, ვიდრემდე მოვიდეს ქუეყანად სოფლებისა. [მ]ანანასა ჭამდეს, ვიდრემდე მოვიდეს ქუეყანად დანაკის კუდოვნად.

Verse: 36   Link to exakLink to mcatLink to sept   ხოლო საწყაული იგი იყო მეათჱ ნაწილი სამისა მის საწყაულისაჲ.

Next part


This text is part of the TITUS edition of Vetus Testamentum iberice: codd. Oshki & Jerusalem.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.