TITUS
Epistulae Pauli georgice (CD)
Part No. 76
Previous part

Chapter: 3  
3
Part: 4 
(დ̂)


Verse: 1   Link to pavleni Link to gnt   ვინაჲცა, ძმანო წმიდანო, ჩინებისა მის ზეცათჲსა ზიარნო, განიცადეთ მოციქული იგი და მღდელთმოძღუარი აღსაარებისა ჩუენისაჲ, იესუ ქრისტე,

Verse: 1V     განიცადეთ ] + ღა T, აღსარებისა TK, ჩუენისა F, ქრისტესი F.


Verse: 2   Link to pavleni Link to gnt   რომელი სარწმუნო არს შემოქმედისა თჳსისა, ვითარცა-იგი მოსეცა ყოველსა მას სახლსა მისსა.

Verse: 2V     მას ] -- TIK.


Verse: 3   Link to pavleni Link to gnt   რამეთუ უმრავლესსა დიდებასა ესე ღირს იყო უფროჲს მოსესსა, ვითარცა-იგი უფროჲსი პატივი აქუნ სახლისაჲ მის მაშენებელსა მას მისსა.

Verse: 3V     სახლისა TIK.


Verse: 4   Link to pavleni Link to gnt   რამეთუ ყოველი სახლი აღიშენის ვისგანმე; ხოლო რომელმან ყოველივე აღაშენა ღმერთი არს.


Verse: 5   Link to pavleni Link to gnt   და მოსეცა სარწმუნო იყო ყოველსავე ზედა სახლსა მისსა, ვითარცა მსახური მოწამედ თქუმულთა მათ.

Verse: 5V     ყოველსავე ] ყოველსა მას T.


Verse: 6   Link to pavleni Link to gnt   ხოლო ქრისტე, _ ვითარცა ძე სახლსა ზედა მისსა; რომლისა სახლ ვართ ჩუენ, უკუეთუ კადნიერებაჲ იგი და სიქადული სასოებისაჲ მის ვიდრე აღსასრულადმდე მტკიცედ შევიკრძალოთ.

Verse: 6V     აღსასრულამდე TIK.


Verse: 7   Link to pavleni Link to gnt   ამისთჳს, ვითარცა იტყჳს სული წმიდაჲ, დღეს თუ ჴმისა მისისაჲ ისმინოთ,


Verse: 8   Link to pavleni Link to gnt   ნუ განიფიცხებთ გულთა თქუენთა, ვითარცა-იგი განმწარებასა მას დღისა მისებრ გამოცდისა უდაბნოსა ზედა,


Verse: 9   Link to pavleni Link to gnt   სადა-იგი განმცადეს მე მამათა თქუენთა; გამომცადეს მე და იხილნეს საქმენი ჩემნი ორმეოც წელ.


Verse: 10   Link to pavleni Link to gnt   ამისთჳს მოვიწყინე ნათესავი იგი და ვთქუ: მარადის სცთებიან იგინი გულითა მათითა და მათ არა იცნნეს გზანი ჩემნი.

Verse: 10V     მარადის ] მარადღე V.


Verse: 11   Link to pavleni Link to gnt   ვითარცა ვფუცე რისხვითა ჩემითა, ვერ შევიდენ იგინი განსასუენებელსა ჩემსა.(1)

Verse: 11-1Q     Link to psa Ps. 94,8-11

Verse: 11V     ვერ ] უკუეთუ FTIK.


Verse: 12   Link to pavleni Link to gnt   ეკრძალენით, ძმანო, ნუუკუე სადმე იყოს ვისმე თქუენთაგანსა თანა გული უკეთური ურწმუნოებისაჲ განდგომად ღმრთისაგან ცხოველისა.

Verse: 12V     სადმე T, ვისმე ] ვისე V.


Verse: 13   Link to pavleni Link to gnt   არამედ ნუგეშინის-სცემდით თავთა თჳსთა დღითი დღედ, ვიდრე-ესე დღესღა ჰრქჳნ, რაჲთა არა გან-ვინმე-ფიცხნეს თქუენგანი საცთურითა მით ცოდვისაჲთა.

Verse: 13V     დღედ ] დღე TIK.


Verse: 14   Link to pavleni Link to gnt   რამეთუ თანაზიარ ქრისტესა ვიქმნენით, უკუეთუ დასაბამი იგი ძლიერებისაჲ აღსასრულადმდე მტკიცედ შევიკრძალოთ.

Verse: 14V     თანა-ზიარ ] მოყუას IK, ვიქმნნეთ T, უკუეთუ ] + ოდენ TIK, იგი ძლიერებისაჲ ] გუამისაჲ IK, აღსასრულადმე V, ვიდრე აღსასრულამდე TIK, შევიკრძალოთ ] ვიპყრათ IK.


Verse: 15   Link to pavleni Link to gnt   რაჟამს იტყოდის: დღეს თუ ჴმისა მისისაჲ ისმინოთ, ნუ განიფიცხებთ გულთა თქუენთა, ვითარცა-იგი განმწარებასა მას.


Verse: 16   Link to pavleni Link to gnt   რამეთუ ესმა ვიეთმე და განამწარეს, არამედ არა ყოველთა, რომელნი გამოვიდეს ეგჳპტით მოსეს მიერ.

Verse: 16V     მოსეს ] მოსს V, მოსეს მიერ ეგჳპტით TIK.


Verse: 17   Link to pavleni Link to gnt   ხოლო ვიეთი იგი მოიწყინა ორმეოც წელ? ანუ არა რომელთა-იგი შესცოდეს, რომელთაჲ-იგი ძუალები დაცჳვა უდაბნოსა ზედა?

Verse: 17V     მოეწყინა TIK, არა ] + მათი T, რომელთა-იგი (2) T.


Verse: 18   Link to pavleni Link to gnt   ანუ ვიეთ ეფუცა არაშესლვად განსასუენებელსა მისსა? არამე ურჩთა მათ?

Verse: 18V     არა-მე ] არამედ VZFTIK.


Verse: 19   Link to pavleni Link to gnt   და ვხედავთ, რამეთუ ვერ შეუძლეს შესლვად ურწმუნოებითა.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.