Page of ms. P: _ Page of ms. L: 388V ესე პირველად იყოს, ადრე, სოფელი ზაბულონისი და ქუეყანაჲ ნეფთალემისა და სხუანი, რომელნი ზღუისკიდესა არიან და წიაღ იორდანესა, ადგილსა გალილეაჲსასა წარმართთა.
ერი რომელი ვიდოდა ბნელსა, იხილეს ნათელი დიდი; რომელნი სხდეს ბნელსა და აჩრდილთა სიკუდილისათა, ნათელი გამოუბრწყინდა მათ ზედა.
Page of ms. L: _ Page of ms. P: 382r ... და ინებონ, თუმცა იყვნეს ცეცხლით შემწუარ.
რამეთუ ყრმაჲ იშვა ჩუენთჳს, ძჱ მოგუეცა ჩუენ, რომლისა მთავრობაჲ მისი ზედა ბეჭთა მისთა, და ჰრქჳან სახელი დიდისა ზრახვისაჲ ანგელოზი, ღმერთი ძრიელი და ჴელმწიფჱ, მთავარი მშჳდობისაჲ, მამაჲ მერმეთა მათ საუკუნეთაჲ, რამეთუ მე მოვავლინო მშჳდობაჲ მთავართა ზედა, მშჳდობაჲ და სიცოცხლჱ.
და მშჳდობისა მისისაჲ არა არს რიცხჳ, ... დაჯდეს ... წყევასა მისსა ... წარემართოს სიმართლითა და ჭეშმარიტებითა ამიერითგან და უკუნისადე ჟამთა. შურმან უფლისა საბაოთისგან ყო ესე.
